42. यीशु हरग म जातो रे है।

जणे दाडे परमेश्वर वे यीशु ने मोत म थकी जीवतो कार्यो हेथो ऐना बे सेला मेड न गाव म जाए रिया हेथा। सालता जाए इ यीशु ने हाते जी थायु हेथू। ऐना बारा म वाते करी रया हेथा अणन आशा हेथी के इते मसीह हेथो ,पोंणे तर होदो इते मार दडयो ग्यो हेथो। आवु इ बजेरे केतजी हेथी के इते फेर थकी जीवतो थाए नई है। इ नहे जाणत हेथ के कणी वात इपर विश्वास करवो है।

यीशु वे अणवे मेस आवेने अणने हाते सालवो शरू करयु पोंणे इ ऐने वळखे ने सक्या। अणे पुस्सू के इ कणा बारा म वात करी रया हेथा। अणवे ऐने पिसल दाड म यीशु ने हाते थाई हेती घणना ने बारा म वताड्यू। अणवे होम्यो के ई कणाक परदेशी थकी वाते करी रया हेथा जी नहीं जावता हेथा के यरूशलेम म हु थायु हेथे।

तर यीशु वे अणने समझादा के परमेश्वर नो वसन मसीह ने बारा म हु के है। घणुस पेल भविष्यवक्ता वे केइ हेथो के भूड मनख मसीह ने पीड़ित कर हे अने मार दड हे। पोंणे भविष्यवक्ता ने यु होदो केइ हेथो। के इते तिन में दाडे जीव उठेगा।

जर इ हणा नगर म पुग्या जा इ बे जणा रुकवा मागता हेथा तर तक लमसम हाज पड़े गई हेथी। अणवे यीशु ने अणने हाते रुकवा ने हारू नेवतो आल्यो अत, इते आन हाते एक घेर म जो आपडा हाज न खावाना ने खावा ने हारू इ वेही जा। यीशु वे एक रोटी लेने ऐने हारू परमेश्वर नो धन्यवाद् आल्यो. अने फेर ऐने भागी। आवसुक थकी अणवे जान देलदो के इते यीशु हेथा। पोंणे हवास टाइम इते अणनी आखो थकी अलपाए जो।

अण बे जण वे एक बिजा थकी केदो इते यीशु हेथो। ऐतरे हारू जर अणे आपने परमेश्वर ना वसन ने हमझाड्यू हेथू ते आयु घणा खुश हेथा। तरतेस इ नकळे ने पासा यरूशलेम म जा। जर इ पुग्या ते अणवे सेल ने वताड्यू यीशु जीवतो है। हमे ऐने दिख्यो है।

जेर सेला वात करी रया हेथा, यीशु असानक थकी हणा घेर म अणने हाते प्रगट थायो। अण थकी केइ तमने शांति मळे सेल वे हुस्सो के इते कोई भुत हेथो, पोंणे यीशु वे केइ तमो हुका समको है। तमो यो केम नहीं घेसता के यु हामेस म हु यीशु हु। मारे हाथो अने पोग ने देखो। भुत नर कने ऐना संदेह नहीं रेतू जेवू मारे कने है। यु वताडवा ने हारू के इते कोई भुत नहीं हेथो ,अणे खावा ने हारू कइक माग्यो। अणवे ऐने मासली नो एक बहको आल्यो अने अणे खाए लेदो।

यीशु ने केइ मारे बारा म परमेश्वर नो वसन जी कई भी कहे इते पुरो थाहे। में तमने वताड देइ हेथू के ऐनु थावु आवश्य है। तर यीशु वे अणने परमेश्वर नो वसन ताजी रीती हमझाडयु। अणे केइ घनुस पेल भविष्यवक्ताओ वे लखु हेथू के मने मसीह ने दुःख उठावू पड़ है। मरणो पड़हे अन फेर तिन में दाडे आत मधकी जीवी उठवो पड़ है।

हण भविष्यवक्ताओ वे यु होदो लख्यो हेथो के मारा सेला परमेश्वर ना वसन नी घोषणा कर है। इ हरेक ने पश्चाताप करवा ने हारू वताड है। अगर या हेवु कर हे ते परमेश्वर अणना पाप ने माफ़ कर है। मारा सेला अणा सन्देश नो प्रचार करवो यरूशलेम थकी शुरू कर है। तर इ हेती जगह हेक्षी जातीय म जाहे। तमो मनख मारी हरेक वात अने काम न गवाह थाए। जो जी में केइ अने करयु हेतु अने हणा ने होदो जी मारे हाथे थायु।

अगला साळी दाड ने दारान यीशु आपड सेल इपर रुई वखत पगट थाया एक वखत तो इते एक टाइम इपर ५०० थकी वइ मनख मनख इपर प्रगट थाया। अणे आपड सेल इपर कई तारिक थकी सावित करयु के इते जीवतो हेथो। अणे अणने परमेश्वर ना राज्य ने बारा म हिक आली।

यीशु ने आपड सेल थकी केइ, परमेश्वर वे मने हरग अने धरती न हरेक जण इपर राज करवा नो अधिकार आल्यो है। ऐतरे हारू आवु इ तंम थकी को है। जाएने हेती जातिया न मनख ने सेल बवानो। ऐवु करवा ने हाम तमने ऐने बा सोरो अने पवित्र आत्मा ना नाम थकी बपतिस्मा आलवो है। जी कई भी में तमने हुकुम आल्यो है। अणि हेती वात ने मानजो होदो तमने अणने हिकड़वो है। याद राखो हु हमेशा तमारे हाते रुगा।

यीशु ने मरेला म थकी जिव उठवा ने साळी दाड ने बाद अणे आपड सेल थकी केइ जर तक की मारो बा तमने सामर्थ ने आले देवो तर तक यरूशलेम म रोकए हो। इते तम इपर पवित्रआत्मा मोकलवा ने द्वारा ऐवु कर हे। तर यीशु हरग म जातो रयो अने एक वादळा वे ऐने अणनी दृष्टी थकी हाते देदो। हरग म यीशु हेती सीस इपर राज करवा परमेश्वर नी जगनी पकारती बेइ जो।