50. यीशु पासो फरे है।

लमसम २००० वरह थकी दुनिया म हेती जगा इपर वदू थकी वदू मनख मसीह यीशु ने वाग म शुभ सन्देश ने हमळे रया है। मण्डली उन्नति करे री है। यीशु वे वायदों करयो के इते दुनिया न भुत पासो फरेगा। यदपि इते हमण पासो नही आयो है। ते हादो रते आपडे वादा ने पुरो कर है।

जर के हमू यीशु ने पास करवा नी वाट जोवसे है परमेश्वर हम थकी हेवी रीती थकी जीवन जीववा नी आ करे है। जी पवित्र है अने जी एनो आदर करे है। जर यीशु धरती इपर रे रयो हेथो तर अणे केदू मारा सेला दुनिया भर म हेती जगा न मनख ने परमेश्वर न राज्य ने बारा म शुभ सन्देश अने तर अंत आवे जाहे।

घणीस जातिये वे अजु तक यीशु ने बारा म नहे हमळयो है। हरग म फेर जावा ने पेल यीशु ने मसीहयो थकी हण मनख ने शुभ सन्देश हमळा ने केदू जणवे ऐने केर नेहे हमळयु है। अने केदू जमो अने हेती जातीय ने मनख ने सेला बणावो अने बढाई करवा ने हारू खेतर पाके ज है।

यीशु वे यो होदो केदो कणाक आदमी नो सेवक आपडे स्वामी नो मोटो नेहे थातो। अणि दुनिया न खास वे नफरत करी अने मारे कारण है तमने होदो सतावहे अने मार दड है। अनी दुनिया म तमो बीमार थाहो पोंणे बणो केमके में सैतान ने हराव देदो है। जी अनी दुनिया इपर राज करे है। अगर तमो अंत लास्ट तक विश्वासयोग्य बणेला रे हो ते परमेश्वर तने बसाड है।

यीशु वे आपड सेल ने यु हमझाडवा ने हारू एक कहानी हमळावी के जर दुनिया नो अंत थाए है ते मनख ने हाते हो थाए। अणे केइ कणाक आदमी वे आपडा खेतर म ताजो बि आल्यो। जर यो हुई रयो हेथो ते ऐने वेटी आयो अने गृह न बिज ने विज म जंगली पोध न विज ने वाण देद, अने फेर इते जातो रो।

जर पोवो अगवा लग्यु ते सेवक वे हणा आदमी थकी केदू, हे स्वामी ते ले आपडा खेतर म ताजो बि ओरयो हेथो। ते फेर ऐनेम जगली पोध कम है? हंणे आदमी वे जवाब आल्यो केवल मारो वेटिस ऐने वाखो जुगे। यो मरो कोई बेटी है। जणे ऐवो करयु है।

हण सेवको वे आपडे स्वामी ने जवाब आल्यो के हमने जगली पोध उपाड़ लेव जुगे? हणे स्वामी के केइ, नहीं। अगर तमो हेवो कर हे ते शमा थोड़क गोवन होदा उपाड़ दड हो। वाडवा ने टाइम तक वार जोवो। तर जंगली पोत ने गाढ़ड म भेळ कर लो ताकि तमो अणने बाळे सको। पोंणे गोवा ने मारे थेर म लेने आवो।

सेल वे अनी कहानी न मतलब ने नहे ह्मझा ऐतरे हारू अणवे यीशु थकी अणने हमझाडवा नी विनती करी। यीशु वे केइ ताजो बी ओरवा वाळो आपड मसीह नो प्रतिनिधित्व करे है। खेतर दुनिया नी प्रितिनिधित्व करे है। ताजो बी परमेश्वर ना राज्य न मनख नो प्रतिनिधित्व करे है।

जंगली पोध हणा दुष्ट जण सैतान न मनख नो प्रतिनिधित्व करे है। त मनख नो बेरी सैतान नो प्रतिनिधित्व करे है। जणे जंगली पोधा ने भोर देदो है। वढाई अनी दुनिया ना अंत नो प्रतिनिधित्व करे है। अने वडाई करवा वाळा परमेश्वर न हरगदूत नो प्रतिनिधित्व करे है।

जर दुनिया नो अंत थाहे तर हरगदूत हण मनख ने एक हाते भेळ करहे जी सैतान न हे। इ हरगदूत अणने एक घणीस गरम आग म फेक देहे। ता इ मनख भयंकर सताव म गांगर हे अने आपडा दांत धहेड है। पोंणे जी मनख धर्मी हे जणवे यीशु नो अनुसरण कारयो है। इ अणना परमेश्वर पिता न राज्य म सूरज ने वाणीय समक है।

यीशु वे यु होदो केदो, के इते दुनिया नो अंत थावा ने पेल धरती इपर आवेगा। इते हणास तरीका थकी पासो आवेगा जेम इते जो हेथो। अर्थात ऐने कने हासेस शारीर रे हे अने इते हरग म वादळ इपर सवार थाऐने आव है। जर यीशु फरहे तो हरेक मसीही जी मरे जा हैमरेलाम थकी जीवे उठ है। अने ऐने थकी आकाश म मळ है।

तर जी मसीह हमण होदा जोवता है इ आकाश म उठाव लेदा जाहे अने हण बिज मसीहियो ने हाते भेळ थाए जाहे जी मरेला म थकी जीवे उठा है इ हेत ना यीशु ने हाते रेह। ऐने बाद यीशु आपडे मनख ने हाते रेगा। जर ई एक हाते रे है तो अणने हाते हमेशा ने हारू पूरी शांति रेहे।

यीशु वे ऐने इपर विश्वास करवा वाळ हरेक जण ने एक मुकुट आलवा नी प्रतिज्ञा कार्यो है। इ हमेशा ने हारू परमेश्वर ने हाते हरेक सीज इपर राज कर है। अण कने सिद्ध शांति हेर।

पोंणे परमेश्वर हण हेत्ते नो निपाव करेगा जी यीशु इपर विश्वास नही करत है इते अणने नरक म दड देगा। ता इ गंगर है अने आपड दांत ने भासेड है। अने इ हमेशा पीड़ा म थाय रेहे। केर ने ओलावा वाळी आग अणने लगातार वाळती इ है, अने कीड़ा अणने खावा थकी केर ने रोका है।

जर यीशु फर है। ते इते पूरी शांति थकी सैतान ने अने ऐना राज्य ने खतम कर देगा। इते सैतान ने नरक म दड देगा। ता सैतान हमेशा ने हारू बळतो रेगाहण हेत ने हाते जणवे परमेश्वर नी वात ने मनवा ने बजाए सैतान वहे सालवा नो सुनाव करयो हेथो।

केमके आदम अने हव्वा ने परमेश्वर नी आज्ञा ने मानी हेथी अने पाप ने अणि दुनिया म लेने आय हेथ परमेश्वर वे अणने हराय आल्यो अने ऐन ख़तम करवा नो निर्णय करयो। पोंणे कणाक दाडे परमेश्वर एक नवा हरग अने नवी धरती नी रसना करेगा जी सिद्ध थरे है।

यीशु अने ऐन मनख हणी नवी धरती इपर रहे अने हमेशा ने हारू हेवी सीज इपर राज करहे। इते मनख नी आख थकी हरेक आहुव नोसे देखा। आव कोई भी पीड़ित या दुखी ने थाहे। इ बीमार ने थाहे या मरेगा नहे। अने ता कई भी भोडाडे ने हे। यीशु आपडा राज्य इपर निकावपूर्वक अने शांति ने हाते राज करेगा। इते हमेशा ने हारू आपड मनख ने हाते रेगा।