49. परमेश्वर नी नवी वाचा

एक हरगदूत वे एक जोवन बजेर मरियम थकी केदू के इते परमेश्वर ना सोरा ने जनम आलहे। इते हमण कोवारी हेथी पोंणे पवित्र आत्मा ऐना मेड आयो अने इते गर्बवती थाई। अणे एक सोरा ने जणम आल्यो जेनू नाम अणयी यीशु राख्यु। ऐतरे हारू यीशु परमेश्वर अने मनख बेये है।

यीशु वे घणस समतकार करय जी वताडे है के इते परमेश्वर है। इते पानी इपर साल्यो अने आंधी ने टाडी पाडी। अणे घणस बीमार मनख ने हाज करय अने हणस मनख ने म थकी भुत आत्मा ने काडी। अणे मरेल थक मनख ने जीवत कर देद अने अणे पास रोटी अने बहे मासली ने ५००० मनख ने खवाडवा ने हारू पर्यफ्त खवाना म परिवर्तित कर दडयो।

यीशु एक महान शिक्षक होदो हेथो। जी कई भी अणे हिकाडयु इते अणे सिद्धता ने हाते हिकाडयु। जी इते मनख थकी करवा ने हरु केतो हेथो इते अणने करवो जुगे केमके इते परमेश्वार नो सोरो है। उधाहरण ने हारू अणे हिकाडयो के तमने बिज मनख न हणीन रीती थकी परेम करवा नी जरूरत है। जेम तमु खुद परेम करो है।

अणे आ होदो हिकड़यो के तमने हेती सीज थकी वदू अने आपरी सम्पत्ति थकी वदू परमेश्वार ने परेम करवो जुगे।

यीशु वे केइ के दुनिया म कणी भी सीज ने लेवा करत ताजू है परमेश्वर न राज्य म थाबू। ऐना राज्य म तमारे प्रवेश करवा ने हारू आवशक है। के परमेश्वर तमने तमारे पाप थकी वसाडे।

यीशु ने केइ थोड़क मनख ऐने ग्राहक कर है। परमेश्वर अण मनख ने बसाडेगा पोंणे बिज मनख ऐने ग्राहक ने कर है। अणे यु नी केर के थोड़क मनख ताज़ी जगा ने वाणीय है, केमके इ यीशु ने बाप म शुभ सन्देश ने स्वीकार करे ले है, अने परमेश्वर अणने वसाडे है। पोंणे थोक मनख वाट नी काठी जगा ने वाणीय है। परमेश्वर नो वसन बिज ने वाणीय वाट इपर पड़े है पोंणे ता कई भी नहे उगतो है। च मनख यीशु ने बारा म सन्देश ने अस्वीकार कर दे है। इ ऐना राज्य म प्रवेश करवा थकी नकार दे है।

यीशु ने हिकाडयु के परमेश्वर पापीय थकी वइ परेम करे है। इते अणने माफ़ करवा साहे है अने अणने आपडी संतान बणावा साहे है।

यीशु वे यु भी वताडयो के परमेश्वर पाप थकी घृणा करे है। केमके आदम अने हव्वा वे पाप करो ऐतरे हारू अणना वंशज वे होदो पाप करयो। अणि दुनिया म रेवा वाळा हरेक जण पाप करे है अने परमेश्वर थकी सीही है। हरेक जण परमेश्वर नो बेरी है।

पोंणे परमेश्वर ने अणी दुनिया म रेवा वाळ हरेक जण थकी अणी रीती थकी परेम करयो अने आपडे ऐकला सोरो ने आल देदो ताकि अणने दंड ने आले जी ऐने इपर विश्वास करे है। ऐने बजाए इ ऐने हाते हमेशा ने हारू रेहे।

तमो मरवा ने हरका हो केमके तमे पाप कारयो है तंम थकी परमेश्वर नो गुस्सा थावो उचितेस है। ऐनी अपेक्षा इते यीशु इपर गुस्सो थायो। अणे यीशु ने क्रम नी मोत आलेने दंड आल्यो।

यीशु केर पाप नहे करयो पाणे अने परमेश्वर ने ऐने दंड आलवा देदो। अणे मरे जानो स्वीकार करयो। हणी तरीक थकी, तमारे पाप ने अने अणि दुनिया म रेवा वाळ हरेक जण न पाप ने उठाव ले जाता ने हांद एक सिद्ध भोग हेथो। यीशु वे खुद ने परमेश्वर ने हाज बलिदान कर देदो, ऐतरे हारू परमेश्वर कणा भी पाप ने आ तक के भयंकर पापो नी होदी माफ़ी करे है।

भलेस अगर तमि घण थक ताज काम ने करो है, ते ऐने द्वारा परमेश्वर तमने ने वसाडेगा। ऐनो दोस्त बणवा ने हारू ऐवु कई भी नही है जी नम्र करे सको है। ऐनी अपेक्षा तमने विश्वास करवो है के यीशु परमेश्वर नो सोरो है अने इते तमारे बदलो म क्रूस इपर मरे जो। अने आ होदो के परमेश्वर वे ऐने फेर थकी जीवतो कर देदो। अगर तमु ऐने उपर विश्वास करो ने परमेश्वर तमारे पाप ने माफ़ी आल है।

परमेश्वर हणा हरेक जण ने वसाडेगा जी यीशु इपर विश्वास करते है। अने ऐने आपडो प्रभु स्वीकार करे है। पोंणे इते अवने ने वसाडेगा जी ऐने इपर विश्वास नहीं करता है। आ कोई माचने नही राजतो के तमु घणी है या गरीब हे आदमी होया बजेर हो ठोहो हो वा जुवक हो या तमो का रो है परमेश्वर तं थकी परेम करे है। अने साहे है के तुम यीशु इपर विश्वास करो के इते तमारो दोस्त बणे सके।

यीशु तने तेडावे रयो है के ऐने इपर विश्वास करो अने बपतिस्मा लो। केमतमो विश्वास करो हो के परमेश्वर नो ऐकलो सोरो यीशु स मसीह है? कम तमो विश्वास करो है। के तमो एक पापी हो अने मा के तमो परमेश्वर द्वारा तमने दंड आलवा ने हरका हो। केम तमो विश्वास करो हो तमारे पाप ने मटाडवा ने हारू यीशु क्रूस इपर मरोया?

अगर तमो यीशु इपर अने जी अने तमारे हारू करयु है। ऐने इपर विश्वास करो हो ते तमो एक मसीही हो सैतान आपडे अंधकार न राज्य म आवु तमो इपर राज नही करतो है। आवु परमेश्वर आपडे प्रकाश ना राज्य म तं इपर राज कहे है। अणे तमने पाप करवा थकी रोक देदा है, जेने तमो करय करता हेथा। अणे तमने एक नवो उचित जीवन आल्यो है।

अगर तमो एक मसीही हो ते जी यीशु वे करयु है ऐने खातीर परमेश्वर वे तमारे पाप ने माफ़ कर देद है। आवु परमेश्वर एक वेरी नी अपेक्षा तमने एक ख़ास दोस्त माने है।

अगर तमो परमेश्वर ना दोस्त हो अने प्रभु यीशु ना सेवक हो ते तमो अणी वात नो पाळन करवा नी इच्छा करहो जी यीशु तमने हिकाडे है। थले तमे एक मसीही हो, सैतान अजु होदो पाप करवा ने हारू तमारी परीक्षा कर है। पोंणे परमेश्वर हमेशा इते करे है जी इते के है के इते करेगा। इते केह के अगर तमो आपडे पाप ने मान लो, ते इते तमने माफ़ कर देगा। इते तमने पाप ने हामे लडवा नी सामर्थ आलेगा।

परमेश्वर तमने दूवा करवा अने ऐना वसन ने भणवा ने हारू के है। इते तमने बिज विश्वासीयो ने हाते मळे ने ऐनी भगती करवा ने हारू होदो के है। तमने बिज मनख ने होदो वताडवो है के अणे तमारे हारू हु करयो है। अगर तमो अण हेत काम ने करो तो तमो ऐना एक पाका दोस्त बणे जाये।