48. यीशु स प्रतिज्ञा केरेलो थालो मसीह है।

तर परमेश्वर वे दुनिया ने बणावी ते हेतु कई तासो हेथो। कोई पाप ने हेथो। आदम अने हव्वा एक बिजा ने परेम करत हेथ अने इ परमेश्वर थकी परेम करत हेथ। कोई बीमार या मोत ने हेथी। परमेश्वर हेवीस दुनिया वे साहतो हेथो।

सैतान वे हाथ ने जरिये। थकी हव्वा थकी वात करी, केमके ऐते ऐने थोड्क आलवा मागतो हेथो। तेर हव्वा अने आदम वे परमेश्वर ने हामे पाप करयो। केमके अणवे पाप करयो हेथो। ऐतरे हारू धरती रेवा वाळ हेत जण मरत हेथ।

केमके आदम अने हव्वा ने पाप करयो हेथो, ऐतरे हारू अजू होदो थोड़ो थायु। इ परमेश्वर न वेरी बणे ज। जेना परिणाम स्वरुप तर थकी हरेक जण वे पाप करयो है। हरेक जण जनम थकी स परमेश्वर नई वेरी है। परमेश्वर अने मनख ने विस म शांति ने हेथी। पोंणे परमेश्वर शांति स्थापित करवा मागतो हेथो।

परमेश्वर वे प्रतिज्ञा करी के हव्वा नो एक वंशज सैतान ने मोणका ने सगरेगा। अणे यु होदो केदू के सैतान ऐनी फणी ने सोह है। बीसा शब्द म सैतान ने मार दंड है पोंणे परमेश्वर ऐने फेर थकी जीवतो कर देगा। ऐने बाद मसीह सैतान नी ताकत ने हमेशा ने हारू ख़तम कर देगा। कई वरह ने बाद परमेश्वर वे प्रगट करयु के इते मसीह यीशु है।

परमेश्वर वे हणी बाढ थकी आपड परिवार ने वसाडय जणे इते लाववा नो हेथो नुह थकी एक नावडो बणावा ने हारू केदो के इते हणे प्रकार तरीके परमेश्वर वे हण मनख ने वसाडय जी ऐने इपर विश्वास करत हेत। हणे तरीके इ हेत न हेत परमेश्वर ने द्वारा मार दडय जावा नव हरक हेथ केमके अणने पाप कारयो हेथो। पोंणे परमेश्वर वे अण हेत ने वसाडवा ने हारू यीशु ने मोकल्यो जी ऐने इपर विश्वास करे है।

सेकड़ो वरह तक याजक परमेश्वर ने हारू बलिदान सढावता हेथा। यु वताड़े हेत के मनख वे पाप कारयो अने आके इ परमेश्वर ने द्वारा अणने दड आलवा ने हरका हेथा। पोंणे इ भोग अणना पाप ने माफ़ नहे करे सकता हेथा। यीशु इते करत मोटो महायाजक है। अणे यु करयु जी कई याजक ने करे सकतो हेथो। अणे यो एकमात्र बलिदान थावा ने हारू खुद ने माल देदो जी हर कणा पाप नी महांडे सके है। अणे स्वीकार करयो के परमेश्वर हण हेत न पाप ने हारू ऐने दंड आल हे। हंणे खातीर यीशु सिद्ध महायाजक हेथो।

परमेश्वर वे अब्राहम थकी केदू तारे द्वारा दुनिया ने हेत कुल ने आशीष आलुगा। यीशु हणास अब्राहम नो वंशज हेथो। परमेश्वर अब्राहम ने माधयम थकी हेत कुल ने आशीष आले है केमके जी यीशु इपर विश्वास करे है परमेश्वर अण हेत ने पाप थकी वसाडे है। जेर य मनख यीशु इपर विश्वास करे है। ते परमेश्वर अणने अब्राहम ने वंशज माने है।

परमेश्वर वे अब्राहम थकी केइ के इते आपडो निज सोरो ऐने हारू बलिदान कर देहे। पोंणे फेर परमेश्वर वे इसहाक ने बदला म बलिदान करवा ने हारू एक बोकड़ो आल्यो। आपु हेत आपड पाप ने हारू मार दडय जावा ने हरक हेथ। पोंणे परमेश्वर ने हमारे जगा इपर मरवा ने हारू यीशु ने बलिदान ना रूप म आल्यो। हंणे खातीर थकी हमू यीशु ने परमेश्वर नो मेम्ना कीजे है।

जर परमेश्वर वे मिस्त्र इपर अंतिम विपत्ति मोकली ते अणे हरेक इजराएल परिवार थकी केदू के इ एक बोकडा नी बलिदान करे। हणा बोकड म कोई खोट ने रवि जुगे। तर आपडे बचाया नी सोखर ने इपर अने बगलों म अणने होदो थकी अगाड़ी बड़े जा जर परमेश्वर वे हणा लुई ने दिख्यु ते इते अणना घेरो थकी अगाड़ी बढे जा अने अणना पेलखा सोरो ने ने मारया। जर यु थायु ते परमेश्वर वे ऐने फसहनो पर्व केदो।

यीशु फसह ना पर्व नो एक मेम्ना नी वाणीय हे अणे फेट पाप नहे करयो ऐतरे हारू ऐनेम कई भी गलत ने हेथो। इते फसह न पर्व ने टाइम इपर मारयो। जर कोई यीशु इपर विश्वास करे है तर यीशु नो लुई हण आदमी ने पाप नी कीमत सुकावे है। आ हेवु है जेम के परमेश्वर हणा आदमी ने मेड थकी आगाडे बढे जो। केमके इते ऐने दंड नहे आले है।

परमेश्वर वे इजराएली मनख ने हाते एक सरवेत बाथी केमके इ ऐव मनख हेथ जणने परमेश्वर वे आपडा थावा ने हारू सुन हेथ। पोंणे आवु परमेश्वर वे एक ऐवी सखेत बाथी है जी के हेत ने हारू है। अगर कणी भी जाती न कोई भी जण यणी नवी वाचा ने स्वीकार करे है ते इते परमेश्वर न मनख म भेळो थाए जाए है। इते ऐवो ऐतरे हारू केर है केमके इते यीशु इपर विश्वास करे है।

मुसो एक ऐवो भविष्यवक्ता हेथो जणे परमेश्वर न वसन ने मोटी सामर्थ ने हाते प्रचार करयो हेथो। पोंणे यीशु हेत भविष्यवक्ताओ म हेत थकी मोटो है। इते परमेश्वर है। ऐतरे हारू जी की भी अणे करयु अने केदू इते परमेश्वर ना काम अने वसन हेथ। ऐतरे हारू पवित्र शास्त्र यीशु ने परमेश्वर नो वसन के है।

परमेश्वर वे राजा दाउद थकी सखेत बाधि हेथी के राजा ना रूप म ऐने एक वंशज परमेश्वर न मनख इपर हमेशा ने हारू राज करेगा। यीशु परमेश्वर नो सोरो अने मसीह है ऐतरे हारू इते राजा दाउद नो वंशज है जी हमेशा ने हारू राज करे सके है।

दाउद ने इजराएल नो राजो हेथो, पोंणे यीशु आखा जगत नो राजो है। इते फेर थकी आव हे अने हमेशा ने हारू जीवन अने शांति ने सते आपडा राजा इपर राज कर है।