47. फिलिप्पी म पौलुस अने सिलास

जर शाऊल वे हेवी रोमी साम्राज्य म सफर करयो ते अणवे आपड रोमी पौलुस नो उपयोग करवो शुरू कर देदो। एक दाड़ो पौलुस अने ऐनो दोस्त सिलास फिलिप्पी गाम म यीशु ने बारा म शुभ सन्देश हमळवा ने हारू जा। इ गाम न बारत नदी ने देडे एक जगा इपर जा मनख दूवा करवा ने हारू भेळ हेथ। ता इ लुदिया नाम नी एक बजेर थकी मल्या जी एक व्यापारी हेथी। इते परमेश्वर थकी परेम करनी हेथी अने ऐनी आराधक करती हेथी।

परमेश्वर वे लुदिया को यीशु ने बारा म सन्देश इपर विश्वास करवा ने हारू सक्षम करयु। पौलुस अने सिलास बे ऐने अने परिवार ने बपतिस्मा आल्यो। अणयी पौलुस अने सिलास ने आपडे घेर रोकवा ने हारू नेवतो आल्यो, ऐतरे हारू इ ता रोकाए जा।

पौलुस अने सिलास मनख थकी अक्सर हणी जगा इपर मळवा हेथा जा यहूदी मनख दूवा करत हेथ। रोजदाड जेह इ ता जाता हेथा तो एक दासी सोरी जी दुष्टआत्मा ने माधयमथकी इते मनख नो भविष्य वताडयु करती हेथी ऐतरे हारू इते भविष्य वताडवा वाळी न रूप म आपड स्वामियों ने हारू घणुस धन कमाय करती हेथी।

अणने जाता टाइम ये दासी सोरी सिसाय करती हेथी या आदमी परम प्रधान परमेश्वर ना सेवक है। या तमने उद्धार पाववा नो वाट वताडे रया है। इते दाडूरोज हेम करती हेथी जेने थकी पौलुस नाराज थाए जो।

अतः एक दाडो जर अणि दासी सोरी वे सिसावा शुरू करयो तो पौलुस वे ऐनी मेर करेने ऐना मय नी भुत आत्मा थकी केइ यीशु के नाम थकी ऐने म थकी नकळेजा।

हणी दासी सोरी ना स्वामी घना गुस्सो थाए जा। अणने पतो पड़े जू के वगर दुष्टआत्मा के इते दासी सोरी मनख नो भविष्य नहे वताडे सकती हेथी। ऐने मतलब हेथो के मनख आवु ऐना स्वामी ने पैसा ने आवहे के इते गणने भविष्य वताडे के अण हाते हो थाहे।

ऐतरे हारू हणी दासी स्रोरी ना स्वामी पौलुस अने सिलास ने रोमी अधिकारीय ने कने बे जा। अणवे पौलुस अने सिलास ने कुटया अने फेर अणने जेलखाना म दड देदा।

अणवे पौलुस अने सिलास ने जेलखाना म ऐवी जगा म मिल्या जा पर सब थकी वदू सीपाई हेथा। या तक के अणवे अणना पोग ने लाकडी न मोट लाकड़ म जोड देदा। पोंणे पौलुस अने सिलास अरधी रात ना टाइम परमेश्वर नी स्तुति न भजन गाए राया हेथा।

अचानक थकी एक भयानक भूकंप थायो। जेलखाना न हेत बायण खुल ज अने हेता केदीयो नी जंजीर खोलाए ने गरे गई।

तर दरोगा जागे जो। अणे दिखो के जेलखाना न बायण खुल थक हेथ। अणे होस्यो के हेता केदी वसे ने नाहे जा हेथा। इते समके जो के अणने नाहे ने खातीर रोमी अधिकारी ऐन मार दड हे, ऐतरे हारू इते खुद ने मार दडवा ने हारू तियार थाए जो। पोंणे पौलुस ऐने देखेने सिसायो रोकाए जा खुद ने नुकसान नहे पुगाड। हमो हेता आज है।

हणे दरोगा वे दुजतो थको पौलुस अने सिलास के मेड आवेने पुस्यु उद्धार पाववा ने हारू हूँ हु करू? पौलुस ने जवाब आल्यो प्रभु यीशु इपर विश्वास कर, ते तू अने तारो घणो उद्धार पाए है। तर यो दरोगा पौलुस अने सिलास ने आपडे घेर ले जो अने अणना घाव ने थोया। पौलुस वे ऐना घेर न हेत मनख ने यीशु ने बारा म सुभ सन्देश हमळयु।

दरोगा अने ऐना हेता परिवार वे यीशु इपर विश्वास करयो ऐतरे हारू पौलुस अने सिलास वे अणने बपतिस्मा आल्यो। तर दरोगा वे पौलुस अने सिलास ने खावोना खवाडयु अने इ एक हाते आनंदित थाया।

बीजे दाडे नगर ना अगुवा वे पौलुस अने सिलास ने जेलखाना थकी आजाद कर देदा अने फिलिप्पी थकी जाता रेवा ने हारू केदो। पौलुस अने सिलास लुदिया अने थोड़क बिज मित्रो थकी मळया अने ऐने बाद नगर थकी नकळे जा। यीशु न बारा म शुभ सन्देश फैलनो जो अने कलीसिया बढती गई

पौलुस अने बिजा मसीह अगुवा वे घणस नगर नी सफर करयो। अणवे मनख ने यीशु ने बारा म सुभ सन्देश हमळायु। अणवे कलीसियाओ न विश्वासी ने उत्साहित करवा अने सिक्षा आलवा ने हारू कई पत्र होदा लख्य। अणम थकी थोक पत्र बाइबल नी सोपड ने बणी गई।