10. ची विपत्तियॉ

परमेश्वर सै मूसा हंग हारून जा चेतावनी दासौ की फिरौन हठीला लैयंग, जब अती फिरौन गै तुतौ पुदै ता उसै लुक्सौ, इस्त्राएल गै परमेश्वर सै अइ लुक्ता जिगै मिमंग जा देलंग ताई, परन्तु फिरौन सै उगै मयन्सौ, हग्ची इस्त्राएलियों गै पंम दग्ची स्वतंत्र सुग्मौ गै वजह सै उसै उसी जा कठिन परिश्रम हुग्मौ दग्ची मजबूत हुग्सौ।

फिरौन अती मी मंग देम दग्ची मना हुग्गै तान्चौ, खव्की परमेश्वर सै मिस्त्र कौ ची भयंकर विपत्तियॉ लाइसौ, अइ विपत्तियों गै द्वारा परमेश्वर सै फिरौन जा दिखासौ की अती फिरौन हंग मिस्त्र गै देवताओं सै मथै तरथै इन।

परमेश्वर सै नील यगंती जा शि कौ कब्दलतै, परन्तु फिरौन सै इता री इस्त्राएलियों जा देलंग मत्कसौ।

पमेश्वर सै मथै मिस्त्र कौ पलौ लाइसौ, फिरौन सै पलौ जा वथै सुग्मौ दग्ची मूसा जा विन्ती हुग्सौ, परन्तु जम्मा पलौ मंग हिचिम गै निग्म फिरौन सै अपीगै मन कौ कग्दै कसुग, हग्ची इस्त्राएलियों जा मिस्त्र सै निक्लंग मत्कसौ।

खव्की परमेश्वर सै चीते वाला छोगछे गै विपत्ति लाइसौ, अतीगै निग्म उसै डाँसों गै विपत्ति लाइसौ, राजा सै मूसा हंग हारून जा गाल्सौ हंग अतीसै लुक्सौ की अती विपत्ति जा रोक्तैम चंग ता इस्राएली मिस्त्र जा हौकै देयंगन्न| तब मूसा सै प्रार्थना की ता परमेश्वर सै मिस्त्र कौ डाँसों जा कह्टातै| परन्तु राजा सै अपीगै मन कग्दै कसुग्दै इन हंग मी मंग जा स्वतंत्र लिकै दैम मतासौ।

अइगै लरै, परमेश्वर सै मिस्त्रियों जा जम्मा चिम्जा कठूग सिदै जीव जन्तु मंग जा कन्खै लकै हिचिम दासौ| परन्तु फिरौन गै मन क्गदै कलितै इन हग अतीसै एस्त्राएलियों जा देम मतासौ।

तब परमेश्वर सै मूसा फिरौन गै सामने नल्न कौ मेपौगं चंग्यौ लुक्सौ| तब उसै अइना हुग्सौ ता मिस्त्र गै मी मंग गै तव्चा कौ कग्थै खंग निक्लकै रासौ, परन्तु एस्त्राएलियों जा खरी मिल्चौ| परमेश्वर सै फिरौन गै मन जा कग्दै कसुग्दै| हंग फिरौन सै एस्त्राएलियों जा स्वतंत्र लिकै देलंग मतासौ।

अइगै निग्म, परमेश्वर सै डाल कुन्सौ हंग मिस्त्र गै मथै खेती बाडी मंग नष्ट कसुग्तै, हंग जम्मा छम्पंग वन्थै मी मंग उसै पच्यंतै, फिरौन सै मूसा हंग हारून जा गाल्सौ हंग उजा लुक्सौ, “जिसै पाप सुग्सौ, गनी मी मंग दै तरखनी|” हंग्ची मूसा सै प्रार्थना हुग्सौ, हंग तिम्बू सै डाल गुन्दै करूकातै।

परन्तु फिरौन सै हजु री पाप हुग्सौ हंग अपीगै मन कौची क्ग्दै कसुग्तै, उसै एस्त्राएलियों जा स्वतंत्र लिकै देलंग मतासौ।

हग्ची परमेश्वर सै मिस्त्र कौ माक्षा गै दलों जा रालंग मतासौ, अइ माक्षा सै अती खेती मंग जागै पुच्यौ, जइ जा डाल सै नाश मुग्सिदै निसौ।

हंग परमेश्वर सै अंधकार कसुग्तै जइ सुम ज्या वासै कब्न्तै निसौ, तब अइ लंग घोर निसौ, की मिस्त्री मी मंग अपीगै चिम्जा कौची वंन मत्रसिसौ, परन्तु अतकौ इस्त्राएली मी मंग बस्तै निन्चौ, हंग छन्त निसौ।

अइ गुई विपत्तियों गै निगम री, राजा सै इस्त्राएलियों गै स्वतंत्र लिम्गै देलंग मत्कसौ, खव्की फिरौन सै मयन्सौ ता अतीसै परमेश्वर से तिगै निम्फन ची विपत्ति जा लाइमौ दग्ची योजना बनासौ, अइ राजा गै मन कब्दलतै।