9. परमेश्वर मूसा जा गाल्ता

यूसुफ गै हिचिम गै निग्म उसिगै जम्मा शिशा मंग मिस्र कौ कंब्स, अती हंग उगै सन्मंग उलंग हिन वासे मिस्र कौ निन्चौ, हग उसीगै मथै सन्मंग पैदा हुगन्नचौ, अती इस्त्राएल लुक्सौ।

लरै सई यिन गै निग्म, इस्त्राएलियों मंग गै संख्या मथै कल्लै, हंग मिस्त्री मंग हंग अइ कथा दग्ची आभारी मुनिसौ, उसीगै सहायता सुग्मौ दग्ची यूसुफ सै मथै हुग्सौ, अती इस्त्राएलियों जा कजैर, खव्की अती मी मंग पुतीसी मथै निन्चौ हग्ची उसै समय मिस्त्र कौ शासन सुग्दै वाला राजा सै इस्त्राएलियों मिस्त्रियों गै गुलाम कबनातै।

मिस्त्रियों सै इस्राएलियों जा मथै पौदै चुंम हंग अइकौ वासै मथै सौंग बनाम दग्ची जबरदस्ती हुगंसौ, अती कठिन मेहनत उसिसै अती जिन्दगी कौ पौदै दुखु बनासौ परन्तु परमेश्वर सै उसिजा आशिर्वाद दासौ हग्ची उसै उजा यम्बा सन्मंग पैदा हुग्सौ।

फिरौन सै तिन्सौ की इस्राएलियों गै मथै सन्मंग पैदा लिकै निसौ, अतीगै दग्ची इस्त्राएलियों गै जम्मा सिरी सन्मंग नील यंगती कौ इच्गतै हंग सतियौ लुकै आदेश दासौ।

तिगै खास इस्त्राएली खुतिसा सै तिगै सिरी सन्मंग जा जन्म दासौ। उगै रिथी सै अतीजा जितलंग री सन्मंग निन्चौ जम्मा च्यागै तासौ।

जब अती सन्दै गै ना-बा उसै हग मथै च्या तरसौ, ता उसीसै उजा सतिता लुकै बचाम गै कोशिश हुग्सौ, तिगै नील यंगती गै यरतौ टोकरी रूकौ झाडी गै गुन्दा क्तातै, उगै पौद तता सै अइनी दोबसौ उगै दोब्मौ दग्ची की उजा खै लियंग।

फिरौन गै चमै सै अती टोकरी तिन्सौ उसै बितरौ झुकै, तब उसै तिगै सन्दै तिन्सौ ता उसै उजा अपीगै सन्दै ना रूकतै तिन्सौ, उसै तिगै एस्त्राएली खुतिस्या सै उजा नू पिलाम दग्ची लन कौ क्ता, उजा मप्तैइ अती सन्दै गै असली ना निसौ, तब अती सन्दै अइलंग पौदै लिच्चौ की थन उसै अपीगै ना गै नू गै जरूरी मुनिसौ, ता उसै फिरौन गै चमै गै जोरो उजा वापिस क्दातै, उगै मिन मूसा निसौ।

तिगै जा, तब मूसा पौदै क्लतै निसौ, ता उसै तिन्सौ की तिगै मिस्त्री तिगै इस्त्राएली जा लुब्गै तासौ, मूसा सै उगै साथो इस्त्रएली जा बचाम गै कोशिश हुग्सौ।

तब मूसा सै चिसिचौ की उजा खरी मितियंग ता उसै उजा मिस्त्री सतीसौ हग्ची उसीगै गौबरंग दफन कसुग्तै, परन्तु मूसा सै जइ कसुग्दै निसौ अति खमिसी कतिन्द निसौ।

राजा जा पता कचल की मूसा सै खौ सुग्सौ, अतीसै उजा समौ गै कोशिश हुग्सौ, परन्तु मूसा मिस्त्र सै शैर फौंकै पुदै, राजा गै सैनिक मंग री मा मतरन्नचौ।

मिस्त्र चंग वथै शैर कौ मूसा तिगै चरवाह कब्नतै निसौ, उसै अतकौ तिगै चमै तै डामी कसुंग हंग निसै सिरी पैदा सुग्सौ।

मूसा अपीगै थग्मी गै माला मंग दौब्मों गै लन हुग्ंसौ, तिगै जा उसै तिगै लुखै निदै बुरू तिन्सौ जइ भस्म मिलैकइ लुकैनिसौ ता उसै तिन्सौ की अती बुरू गै नैरौ देसौ जब अती उगै मथै नैरौ निसौ, ता परमेश्वर सै उजा कथा हुग्सौ, उसै लुक्सौ ऐ मूसा अपीगै पौला ठिलियौ, गन तिगै शुद्ध बंग कौ तयब्तै इनौ।

परमेश्वर सै लुक्सौ, जिसै अपीगै मी मंग गै दुखों कतिन्दै इन, जै गनजा राजा गै तुतो लायंगौ, खव्की गन इस्त्राएलियों जा मिस्त्र गै गूलामी सै कनिकाल्तै, जै उसीजा कनान देश दायंगौ, अती देश जइगै जिसै अब्राहम, इसहाक हंग याकूब सै कसम कदासितै इन।

मूसा सै रूसौ, की मिमंग सै पंमौ चिन्खै निसौ की जै खमी सै लाइसौ ता जिसै खे लोमो, परमेश्वर सै लुक्सौ जइ जै इनै अती जै इनै उसै लुक्सौ जै इनै जिजा गनीगै तुतौ लाइसौ, उसीसै अइ री लुक्सौ पूर्वजों अब्राहम इसहाक हंग याकूब गै परमेश्वर यहोवा लियै, जिगै अइ मिन हमेशा नियंग।

मूसा जरथै निसौ हंग राजा गै नोकौ मुदेमौ चिन्खै निसौ खव्की औ चिचिगै निसौ की जै बुदै फा मतरयै, खव्की परमेश्वर सै मूसा गै नुनु हारून जा उगै सहायता सुग्मौ दग्ची लायंसौ।