8. परमेश्वर यूसुफ हंग उसीगै चुकौचिमंग जा बचासौ।
लरै हिन गै निग्म, तब याकूब सग्तै लिच्चौ, ता उसै अपीगै प्यारा सिरी यूसूफ जा उगै नुनु मंग गै सोदफेद कौ लाइ्सौ जइ री जीव जन्तु गै झुंड गै देख रेख सुगै तासौ।
खव्की की यूसूफ जा स्वपन तिन्सौ की, अती उसीगै शाशक लियंग, तब यूसूफ अपीगै नुनु गै खास्या कौ रासौ ता उसीसै अती बंधक कब्नातै हग उतीसै दासों गै व्यपार हुगंदै वाला करंग्तै,
चुम्जा देमच्यंग लरै यूसूफ गै नुनु गै खसै पसै पैगै माला गै शि कौ कच्यंगतै, हंग उसीसै अती खसै पसै अपीगै बा जा दिखासौ ताकि अती अइ सोचेयंग की खइ जीव जन्तु सै यूसुफ जा पच्यंगतै, याकूब मथै उदास निसौ।
लंन हुग्दै मी मंग अती मी मंग यूसुफ जा मिस्त्र पैयोकंर, नील यगंती गै खास्या कौ कब्सतै इन मिस्त्र तिगै पुदै तर्थ देश निसौ, उती लंन हुग्ंदै मी मंग गै व्यापार सुग्ंदै वाला यूसुफ सै अपीगै चुकौची पुदै मी गै बुदै डंगसै सेवा हुग्सौ हंग्ची परमेश्वर सै यूसुफ जा आशिर्वाद दासौ।
उसी चिम्जा ची पुदै मी गै रिथिस्या यूसुफ़ तै जोरो याम गै कोशिश हुग्सौ, परन्तु युसूफ सै अइ रीती गै परमेश्वर गै विरुद्ध पाप सुग्ंमौ मना कसुग्ंतै, अती रूसु पिंरा हंग यूसुफ जा झुटी फंक्सौ, खव्की उसै चूम्गै लगै जेलखानै कौ क्लाइतै, अइकौ वासै की जेलखाना कौ री यूसुफ परमेश्वर गै प्रती बढ़िया निसौ, हंग परमेश्वर सै उजा आशिर्वाद दासौ।
निसे यिंन गै निग्ंम, यूसुफ इता री जेलखाने कौ निसौ, जब्की अती गै गल्ती मुनिंसौ, तिगै मुन्ंछै राजा, जसौ की मिस्त्री मी मंग अपीगै राजा जा करका हुग्ंतन्न, सै निसै स्वप्न तिन्सौ अती मंग सै मथै तैज कसुग्ंतै, अतीगै खमी री लप्तै मी उजा अती स्वप्नों गै अर्थ बता मत्ररसिसौ।
परमेश्वर सै यूसुफ गै स्वप्नों गै अर्थ बताम गै कोशिश हुग्ंसौ, खव्की राजा सै यूसुफ कौ जेलखाने कौची गाल्सौ, यूसुफ सै उजा अती स्वप्नों गै अर्थ बतासौ हंग लुक्सौ, परमेश्वर सै मथै रै वाला निसै यिनं गै निग्म अकाल गै निसै यिंन लाइत्ना इन।
राजा यूसुफ जा अइलंग मथै खुश लिच्चौ की उसै उजा मिस्त्र गै निसे अल्चंग तर्थै यौरासिरी चुन्सौ।
यूसुफ सै मी मंग जा बढिया खेती वाला निसै यिंन गै दौरान पुदै यम्बा रासन तै बंग थुम्यौ लुक्सौ, तब निसै यिनं गै अकाल रासौ हंग यूसुफ सै मी मंग जा अती रासन रगंसौ खव्की उसीगै जाम दग्ची मथै लैलौ।
अती अकाल केवल मिस्त्र कौ री मुनी, परन्तु कनान कौ री भयंकर निसौ अलौइ याकूब हग उगै चुकौची मंग बस्तै निन्चौ ।
खव्की याकूब सै अपीगै लच्गं पुदै सिरी जा रासन तौम दग्ची मिस्त्र कौ लाइसौ, हंग अती रासन तौंम दग्ंची यूसुफ गै सामने यब्न्नचौ ता अती नुनु मंग सै यूसुफ जा मुस्सौ , परन्तु यूसुफ सै उसीजा क्सै।
अइ पंम दग्ची की खै अती क्खैशी उसीगै जाँच हुग्मौ गै निग्म, यूसुफ सै उसीजा लुक्सौ, जै नगै नुनु यूसुफ लियै, मज्यरमौ, तब गनसै जिजा लन हुग्ंदै गै रूप कौ क्लाइदै निन्चौ ता गन्सै यदै हुग्मौ गै तनीसौ, परन्तु परमेश्वर सै अती यदै जा बढीया उपयोग हुग्सौ, रनी हंग मिस्त्र मै बस्सनी खव्की गनीगै चूकौची मंग गै दग्ची रासन गै प्रबंद सुगं तरसीयै।
तब यूसुफ गै नुनु चिम्जा वापिस रासौ हंग अपीगै बा याकूब जा बतासौ की यूसुफ इता री टग्दै इन ता अती मथै खुश क्लतै निसौ।
हालाँकि याकूब तिगै सग्तै मी निसौ तौभी अती उसीगै जम्मा चुकौची मंग तै जोरे मिस्त्र कौ पुदै, हंग अती अत्कौ कब्स, याकूब गै हिचिम चंग लरै, अतीसै अपीगै जम्मा सिरी जा आशिर्वाद दासौ।
वादा की अती कसम जइ परमेश्वर सै अब्राहम सै हुग्सौ, अती इसहाक हंग अतीगै निग्म याकूब, हंग अतीगै निग्म उगै चनै सिरी हंग उसीगै चुकौची मंग जा रांग निसौ, अती चनै सिरी गै सन्मंग एस्त्राएल गै चनै गोत्र कब्न।
उत्पत्ति अध्याय 37-50 सै तिगै बाइबल गै कथा
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।