7. परमेश्वर याकूब जा आशिर्वाद दासौ

हग अती सन्दै पौदै कलै ता याकूब जा चिम्जा सौगसिमौ बुदै लग्चौ, परन्तु एसाव गै जीव जन्तु गै शिकार हुग दैसौ। रिबका सै याकूब जा बुततै निसौ, परन्तु इसहाक सै एसाव जा विश्वास तासौ ,

तै जा, तब एसाव शिकार हुगै थौग्सिगै रासौ ता अति मथै कखैदै निसौ| एसाव सै याकूब जा लुक्सौ, “जइ गनसै पुकदै इनौ उसै तुमा दुक्लंग जै दा|” याकूब सै जबाब दासौ, “लरै कसम जा हग लिम गै कारण सै जै तिगै बथौ जइ गनजा मिल्म चिखंन, अती जम्मा गनसै जै दयंगनौ|” हग्ची एसाव सै अती जम्मा बथौ कौ याकूब सै दाम गै कसम कसुग्तै, हग याकूब सै उजा खइ दुक्लंग दासौ।

इसहाक एसाव जा आशिर्वाद दामौ चिन्खै नियैसौ। परन्तु अइचंग लरै अतीसै अइना हुग्सौ, रिबका हग याकूब सै याकूब गै एसाव लिमौ गै ढोंग सुगै अतीगै जोरो धोखा हुग्सौ। इसहाक सयंगतै निसौ हग थन मितिन्दै निसौ, हग्ची याकूब सै एसाव गै खसै पसै चुगसिम हग माला गै बै जा अपीगै गला हग लखौ कगितै।

याकूब इसहाक गै पास रासौ हग लुक्सौ,”- जै एसाव लियै, जै अय दग्ची रयसौ की गनसै जिजा आशिर्वाद दायंग्नौ, हग इसहाक सै माला गै छमं लै लुकै अन्ताजा लगागसौ हग खसै पसै क्छर औ चिचिसौ की अती एसहाक इन हग्ची उसै आशिर्वाद दासौ।

एसाव सै याकूब जा र्इष्याॉ हुग्सौ याकूब सै उगै लरैची सिरी गै अधिकार कौ हग जोरोए उगै आशिर्वाद जा री कखुतै, हग अतीसै उगै बा गै हिचिम गै निग्म याकूब जा समौ गै योजना बनासौ।

परन्तु रिबका सै एसाव गै योजना क्ययंन, खव्की उसीसै हग इसहाक सै याकूब जा उगै शिशा मंगतै जोरो बस्म मथै वथै क्लाई।

याकूब ऑलग यीन वासे रिबका गे पे मग ते जोरों निसो| अती समय गए दोरान अतिसे डामी सुगसो हग चेने सिरी जा हग तीगे चमे जा जनमासों| परमेश्वर से उजा मथे धनी कसुगते|

नसा लाह वासै कनान कौ अपीगै चुम च्यंग वथै बस्मौ गै निग्म, याकूब अपीगै चुकौचिमंग, अपीगै लन हुग्दै हग अपीगै जीव जन्तु ते जम्मा तैजोरो रान्नचौ,

याकूब खव्की मथै भयभीत निसौ अती तचौ की एसाव इता री उजा सत्ना निसौ, खव्की उसै उपहार स्वरूप जीव जन्तु गै झुंडों कौ एसाव गै तुतौ लायंसौ, जइ लन सुग्दै अती झुंडों गै कौरगै देसौ उसीसै लुक्सौ, नगै दास याकूब, अइ जीव जन्तु जा गन्जा दादै इन।

परन्तु एसाव थन याकूब जा नुकसान मदामौ चिन्खै निसो, अइगै अलावा, अती उजा तिच्चौ हजु औंगै मथै खुश कंलै, अतीगै निग्म याकूब कनान राजु कौ शान्तिपूर्वक कौनी। हग इसहाक पज्यंग हग याकूब हग एसाव सै उजा दफनाया, वाचा गै वादा मंग जइ परमेश्वर सै अब्राहम जा क्लुकतै निसौ की अती थन इसहाक सै याकूब जा पिरादै निसौ