6. परमेश्वर इसहाक गै दग्ची प्रबंध सुगंता

तब अब्राहम मथै सयंगथै कलंतै निसौ हग उगै सिरी, इसहाब, तिगै सिरी डामी हुग्मौ कल्तै निसौ, खव्की अब्राहम सै अपीगै सिरी इसहाक गै दग्ची अती राजू कौ लन हूग्दै डग्मी लाइसौ अतकौ तिगै खुतीस्या रमौ दग्ची शिस्या मंग बस्तै निन्चौ।

अतकौ अब्राहम गै शिस्या बस्तै निन्नचौ, अती देश कौ दैम दग्ची पुदै यात्रा हग्मौ निसौ , परमेश्वर सै उजा रिबका तै छित हुग्सौ अती अब्राहम गै नुनु गै खुमै निसौ।

रिबका अपीगै चुकौचिमंग हौतिगै अती लन सुगदंतै जोरो थौक्सिगै दैम दग्ची कम्मान्सि, जसौ की नब्चौ इसहाक सै उतीतै डामी कय्सुग।

तिगै बुग्थै समय गै निग्म, अब्राहम पज्यंग, हग परमेश्वर सै अब्राहम गै सिरी इसहाक कौ अब्राहम गै जोरो वादा हुग्मौ गै कारण आशिर्वाद दासौ, अती वादा कौ परमेश्वर सै लुक्सौ , कि अब्राहम गै अइलंग मथै सन्मंग नियगन्न, परन्तु इसहाक गै रिथिस्या रिबका गै सन्मंग पैदा मिलैन्नचौ।

इसहाक सै रिबका गै दग्ची प्रार्थना हुग्सौ, हग परमेश्वर सै उजा जुडवॉ सन्मंग गै गर्भ दासौ , जइ समय कौ अती सन्मंग रिबका गै गर्भ कौ निन्चौ अती आपस कौ गैसिदै कलै हग्ची जइ री लिकै निसौ ता रिबका सै अती परमेश्वर जा बतासौ।

परमेश्वर सै रिबका जा लुक्सौ, गन सै निसै सिरी पैदा सुयंग्नौ, उसीगै सन्मंग निसै यकरौ यकरौ जात गै नियंगन्न, अती तिगै निसै गैसियंगन्न हग्ची पुदै सिरी जा पैदा लित्तै वाला जात गै मिद सिरी जा रादै वाला जात गै कहना मान्मौ पडीयंग।

हग रिबका गै सन्मंग पैदा लिच्चौ, ता पुदै सिरी मगंदै हग छंम निसौ, हंग उसीसै उसीजा उगै मिन एसाव रखा, हग मिदै सिरी एसाव गै खौपा चुमग्लकै छम्पंग निकाल्सौ हग उसीसै उगै मिन याकूब तासौ।