5. कसम गै सिरी

अब्राम हग जम्मा गै कनान नम्ब गै ची साल गै निग्म, इता वासै री उसीगै खरी सन्मंग मुन्नचौ। हगची अब्राम गै रिथीस्या सारै जा उसै लुक्सौ, “हग्ची परमेश्वर सै इता वासै जै सन्मंग पैदा हुग्मौ गै लायक मुनियै हग थन जै सन्मंग पैदा हुगमै दग्ची किस्यंग, दौबयौ, जिगै दासी हाजिरा अइकौ इन| अती सै री डामी सुग्यौ की अती जिगै तिगौ सन्नदै पैदा हुगं तरखनौ|”

अब्राम सै हाजिरा तै डामी कसुगं, हाजिरा गै तिगै सिरी पैदा, हग अब्राम सै उसीगै मिन इश्माएल तासौ| परन्तु सारै हाजिरा गै जिन्दना कलै| हग इश्माएल चेसम साल गै निसौ, परमेश्वर सै दसरौ गौ अब्राम गै कथा हुग्सौ।

परमेश्वर सै लुक्सौ, “जै लच्यंग मथै तरतै परमेश्वर लियै| जिसै नगतै जोरो तिगै वाचा सुयंगौ|” हग अब्राम सै थग्जा गिगै लकै असीरवाद दासौ| परमेश्वर सै अब्राम जा अइना री लुक्सौ, “गन मथै जाति मग गै बा लियंगनौ| जै गनजा नगै सन्मंग जा अपिगै निज थग्जा हुग्मौ दग्ची कनान देश दायंगौ हग जै हमेशा गै दग्ची परमेश्वर लियंगौ| अती परमेश्वर सै लैयंगौ, गन अपिगै घराने गै जम्मा सिरी गै खतना हुगंतौ|”

“नगै रिथिस्या सारै सै तिगै सिरी दायग- अती कसम गै सिरी निसौ| उसीगै मिन इसहाक तासौ, जै उसितै जोरो अपीगै वाचा कौ नियंगौ हग्ची अती तिगै पुदै जाती बन्यंग| जै इश्माएल गै री तिगै पुदै बनायंगौ, हग्ची जिगै वाचा इसहार गै जोरो नियंगौ|” हग परमेश्वर सै अब्राम गै मिन खंकै लकै अब्राहम कसुग्तै, जइगै अर्थ इन “मथै मंग गै बा”| परमेश्वर सै सारै गै मिन सारा कसुग्तै, जइगै अर्थ “मूलमाता”

हग निछै अब्राहम सै अपीगै चिम्जा गै जम्यै यौरासिरी गै खतना हुग्सौ, लगभग तिगै ला निग्म, हग अब्राहम सई हिन गै निसौ हग सारा जछा गे ची हिन गै निसौ, हग अब्राहम गै सिरी जा जन्मासौ| जसौ परमेश्वर सै उजा मिन इसहाक तासौ।

इसहाक जौदै हग लिच्चौ ता परमेश्वर सै अइ सुग्सौ अब्राहम जा विशवास गै रेख देख हुगयग, अपीगै तिगैलौता सिरी जा करसिन, हग उसै जिगै दग्ची बलि गै रूप कौ ससौ, हग्ची अब्राम सै परमेश्वर गै कथाा मान्सौ हग्ची अपीगै सिरी गै बलि हुग्म गौ दग्ची तैयार लिच्चौ,

अती अब्राहम हंग इसहाक बलि चढाम दग्ची अती बग कौ पुदै ता इसहाक सै रूसौ, “ऐ बा, इन्तै जोरो बलि दाम गै दग्ची सिन ता इन, परन्तु बलि सुग्मौ जा मेमना लुक्सौ?” अब्राहम सै जबाब दासौ, “एै जिगै सिरी, परमेश्वर बलि दाम दग्ची मेमने गै प्रबंध सुग्मो|”

हग अती मंग बली दाम गै बंकौ नबंन्नचौ, ता अब्राहम सै इसहाक जा गीगै लकै वेदी कौ लय्कतै| अती अपीगै सिरी जा लुब्तना निसौ परमेश्वर सै लुक्सौ, “रिन्चिन! सिरी जा नुकसान मुसुग्मौ! थन गन जिजा यदै तखनौ खव्की गनसै अपीगै तिगैलौता सिरी जै अम्ची मबचानीसौ|”

नजीकइ अब्राहम सै तिगै माला कौ दोबसौ ता बुडं कौ कफसतै निसौ| इसहाक गै बदला कौ बलि गै दग्ची परमेश्वर सै माला गै दग्ची परमेश्वर सै माला गै शुरू हुग्सौ| अब्राहम सै खुशी खुशी बलि चढासौ।

हग परमेश्वर सै अब्राहम जा लुक्सौ, “खव्की गन जिगै दग्ची जम्मा बुतखनौ, अइकौ वासै अपीगै तिगै लौता सिरी जा री, हग्ची तै सिरी जा री आशिर्वाद दामौ गै वादा सुगंतौ| नगै सन्मंग तिबू कौ कर्मा चंग री मथै नियंग| खव्की गनसै जिगै लुक्सिदै माननिसौ, खव्की जै नगौ चुकौचिमंग गै द्वारा दुनिया गै जम्मा मिमंग जा आशिर्वाद दायंगौ|”