4. अब्राहम गै जोरो परमेश्वर गै वाचा

गौ राम गै लरै ची कथा लै, गौ राम गै कई हीन गै निगम, दुनिया अयीनी मथै मीमंग निदै लीन्नन हग उसीसै हग्ची परमेश्वर गै लुक्सिदै मैसरसिसौ, हग पाप हुग्दै निन्चचौ खव्की अती मग तिगै बोली फकतै निन्चौ, खव्की अतिमंग तिगैइ जोरो कथुम्सिदै निन्चौ , हग दुनिया कौ बर दाम गै बजायै तिगै सौगं बनासौ।

अती मग मथै कठारसीदै निसौ, हंग अतीमंग सै हम जिन्दगी टगमौ निसौ , अइलंग पजा जै परमेश्वर गै लुक्सीदै मिचिन्खै नियसौ, अइकौ वासै की उसीसै तिगै अइनी मीनार बनाम्गै आदेश शुरू हुग्सौ जइ स्वर्ग वासै नबयंग, परमेश्वर सै तिन्सौ की खव्की अती मंग तैबंग एै छौसियंग यदै कथा सुयग्नन ता अती मथै पाप लन सुग तरख्नी

खव्की परमेश्वर सै उगै बोली मथै यकरौ यकरौ बोली कौ क्खतै हग उसी मी मग जा दुनिया कौ कफैलादै, जैइ सौंग उसीसै बनाम शुरू कसुग्सिदै निसौ अती बाबेल लुक्सौ, जैइगै अर्थ इन “गड़बड़ी”

लरै सई हिन ची, परमेश्वर सै अब्राम मिन गै तिगै मी तै फक्चौ की, परमेश्वर सै उसीजा लुक्सौ, “इंगै देश हग चुकौचि मग जा हौकै लकै अती देश कौ देयंग जैइ जिसै गन्जा दिखायंगौ| जिसै गनजा आशिर्वाद दायंगौ हग लंचग पुदै जाति बनायंगौ। जिसै नगै मिन आगै सुयगौ| जैइ सै गनजा आशिर्वाद दायंग जै गन्जा आशिर्वाद दायंगौ, हग जैइ सै गनजा शराप दायग जै अती जा शराप दायंगौ, नगै वजह सै दुनिया गै जम्यी मी मंग जा आशिर्वाद मिलीयंग|”

थन अब्राम सै परमेश्वर गै कथा मानसौ। अतीसै अपीगै जम्मा सेवकों हग अपीगै जम्मा जय्जात समेत अपीगै रिथिस्या जम्मा जा प्यौकर हग अती देश कौ कनान देश कौ पुद्दै , जसौ परमेश्वर सै उजा दिखासौ।

अब्राहम कनान न्बचौ ता भगवान सै अतीजा लुकसौ, “अपीगै पी तंम रूकौ दौबसौ। जै गन्जा अइ जम्मा देश दायंगौ, हग नगै सन्मंग राज्यारी दग्ची राज सुयंग|” थन अब्राहम अती देश कौ कसौग्सी।

मलिकिसिदक मिन तिगै यौरासिरी निसौ, जइ लच्ंग पुदै परमेश्वर गै पुजारी निसौ| तिगै ज्या अब्राम गैसिम गै निग्म राग निसौ ता अती हग अब्राम छिसौ मलिकिसिदक सै अब्राम जा आशिर्वाद दासो हग लुक्सौ “लच्ग पुदै परमेश्वर सै स्वर्ग हग थग्जा ची स्वामी सै, अती गन्जा आशिर्वाद दासौ| “हग अब्राम सै गैसिम गै निग्म औ कत्तर जम्मा बथौ गै दशमांश मलिकिसिदक जा दासौ।

लरै साल बीत्म गै निगम, हग्ची इता री अब्राम हग जम्मा गै खमिरी सिरी मुन्नचौ, परमेश्वर सै अब्राम जा कथा हुग्सौ हग कसम जासौ की उसी गै तिगै सिरी पैदा हुयंग हग जसौ की तिम्बू कौ कर्मा इन, अतीनी उसीगै मथै सन्मंग लियंग| अब्राम सै परमेश्वर सै कसम गै विश्वास हुग्सौ परमेश्वर सै लुक्सौ की अब्राम तिगै धर्मी मी निसौ खव्की उसै परमेश्वर गै कसम गै विश्वास कसुग्दै निसौ।

हग परमेश्वर सै अब्राम जा वाचा गीसो| साधारण रूप कौ, तिगै वाचा निसे फाट गे गुनदा गिगै तासौ, अतीगै निसै फाट गै गुन्दा कौ तिगै दुसरा जा लंन हुग्मौ गै दग्ची तिगै समझौता हुगन्नचौ, परमेश्वर सै अब्राम सै कसम अत्लंग कसुग्दै निसौ की जब अब्राम लय्कतै निसौ, परन्तु अती सै परमेश्वर जा यन्सिदै निसौ, परमेश्वर सै लुक्सौ, “जै नगै गौबरंग सै पैदा सुंगै नगै तिगै निज सिरी दातौ|” जै नगै सन्मग जा अती कनान देश दातौ, हग्ची इता री अब्राम गै खरी सन्मंग मुनिसौ।