3. गौ

निग्म ची साल निसौ,दुनिया कौ अइलंग मथै मी बस्तै निन्चौ। अतीमंग अइलंग यदै निन्चौ हग मिम्ग जा दुखु दादै री निन्चौ। हग्ची अइलंग यदरी निन्चौ की परमेश्वर सै तिगै अइलंग पुदै गौ पुतिगै दुनिया पुरा चोयम दग्ची चिचिसौ।

हग्ची परमेश्वर नूह जा बूतत्चो, अती यदै मीमंग गै गुन्दा निदै वाला तिगै धर्मी मी निसौ| परमेश्वर सै नहू जा बतासौ की अती तिगै पुदै गौ रादना इन| हग अतीगै वजह, उसै नूह सै तिगै पुदै नाव बनाम दग्ची लुक्सौ।

परमेश्वर सै नूह जा लगभग तीगे सई यरतों पीसा मीटर बुग्थै, नसा गे सुम मीटर परथै हंग चेसम दसमलव नइ मीटर थैदै नाव बनाम दग्ची लुक्सौ। नूह जा अती सिन सै बनाम निसौ हग्ची उसै सुम थलौ, मथै कमरा तिगै छत हग तिपारी बनाम निसौ, अती नाव नूह, उसीगै चुकौ ची मंग, हंग थग्जा ची जम्मा यकरौ यकरौ जीव जन्तु मंग अती गौ सै बचायंग

नूह सै परमेश्वर गै कथा मानसौ। उसै हंग उसीगै सिरी सै अतनी नाव बनासौ जसौ परमेश्वर सै कबतादै निसौ| खव्की अती नाव पुतसी पौद निसौ हग्ची उसै बनाम दग्ची अइलंग मथै साल लक्चौ। नहू सै मिमंग जा राद वाला गौ रादना इन लुक्सौ, हग परमेश्वर सै औतुतौ राम दग्ची लक्सौ परन्तु अती सै उजा विश्वास मुसुग्सौ ।

परमेश्वर सै नूह हग्ची उसिगै चूकौ ची मी मंग हग जीव जन्तु गै दग्ची जित्लग जाम गै बथौ थुमौ दग्ची लुक्सौ। जम्मा तैयार निन्चौ परमेश्वर सै नूह जा लुक्सौ की अइ समय उगै, उसीगै रिथीस्या गे, उगै सुम सिरी गै, हग उगै रिथीस्या मग तै- जम्मा तै छौसिगै जैदै मिमग तै नाव कौ दैम निसौ।

परमेश्वर सै जम्मा जीव जन्तु हग्ची चीपचै जा सिरी जी चमै जा नूह गै नौकौ लाय्सौ खव्की नाव कौ दै तरस्यग हग्ची गौ राम च्यग री इन बच तरयंनी। परमेश्वर सै अइना जम्मा रोकते जानवर गे नइ नर हग नइ मादा जा लाइसो जइगे बलि चदाम गे दगची उपयोग सुग तरसियग| अती जम्मा नाव को ता ओय जम्मा रोकत गे परमेश्वर से नाव गै जोरो बन्द कसुग्तै।

जब नम रामौ शुरू लिच्चौ, हग नम रालग रालग, लिक्यै निसौ| तुमा री मुरूकै पिसा निछै हग पिसा मुन्छ वासै नम रागै निसौ| जम्मा दुनिया गै जम्मा तिगै बथौ, अइकौ वासै थैदै यियर दग मग री ती तै जोरो कजुग।

छरत थग्जा निसिदै वाला जम्मा बथौ पज्यग, अती मिमग हग जीव जन्तु नाव कौ निन्चौ अती मंग कब्बच , अती नाव ती कौ चक्सीगै निसौ| हग्ची नाव गै बितरौ ची जम्मा तिगै बथौ कौ डूबमौ दग्ची बचासौ।

नम रूकम गै निग्म, नैइ ला ची अती नाव ती कौ चैक्सीदै निसौ, हग अतलग पजा ती चिथै तित्न कलते नीसो| हग तिगै जा अती नाव तिगै यियर दग्यर दैगै नचिसौ, दुनिया इता री ती सै करोगसीदे निसो| सुम ला गे निगम, यियर दगयर तिन्थै कलै।

हग पी सा जा ची, नूह सै तिगै का जा छम्पग दौब्म दग्ची लाइसौ की ती कछरते निसो, अती का छरतै थगं मासीमौ दग्ची तमौ दिमौ दैसौ, अतीजा खरी थगं मितिन्सीसौ।

निग्म नूह सै तिगै कबूतर छमप्ग लाइसौ। परन्तु उजारी छऱतै थग्जा मितिन्सिसौ, खव्की अति नूह गै निदकौ थौसिगौ पिरा| तिगै हप्ता गौ निगम उसै अती कबूतर दसरौ लाइसौ, हग्ची अती सै अपीगै चौच को चुम्गै लकै तिगै जैतून गै डाली रकै रासौ| ती तुमा चिथै लिकै निसौ, हग्ची जडी मग जूग निसौ।

नूह सै तिगै हप्ता हंग रिन्चिमौ हग सुम जा ची अती कबूतर जा छम्पग लाइसौ, इता पाली उसै बस्म दग्ची बगं कतिन्सी हग अती थौग्सीगै मरासौ| ती छरकै निसौ।

निसै लाह निगम परमेश्वर सै नूह जा लुक्सौ, “थन गन जी नगै चुकौची मग हग जम्मा जीव जन्तु नाव कौची छम्पग रनी| अयलंग मथै सैन्मंग हग खौ खुमै मंग पैदा हुग्यौ लुक्सौ हग्ची थग्जा कौ बिन्यौ|” हग्ची नूह हग उगै चिम्जाची मगं नाव कौ ची छम्पगं पिरा।

नूह सै नाव कौची छम्पग राम गे निगम, अतीसै तिगै दगसिन बनासौ हंग बलि दाम दग्ची यकरौ यकरौ जीव जन्तु गे बलि चढासौ, परमेश्वर अती बलि दागै खुश लिच्चौ हग नूह हग उगै चुकौचिमंग जा आशिर्वाद दासौ।

परमेश्वर से लुक्सौ, “जै कसम जायै की मी मंग सै हुग्सीदै यदै लन दग्ची जै खजारी थग्जा शराप मदायगौ हग गौ गै अम्ची दुनिया कौ मुचौयंगौ, हालांकि मी अपी गै संन्लगं ची पापी इन।

हंग परमेश्वर सै अपीगै वाचा गै निशान गै रूप कौ लरै मैलागौछ्या बनासौ| तब खजा री तिम्बू कौ मैलागौछ्या तिन्खै निसौ, ता परमेश्वर सै स्मरण हुगसौ की उजा खै कसम कसुगदै इन हग अतनी उगै मी मग री स्मरण सुयगन्न।