2. दुनीया कौ पाप पिरा

आदम जी उगै रिथिस्या परमेश्वर जा उगै दग्ची बनासौ अति बढिया स्वार कौ निगल्कै अयनी मथै खुश निन्चौ।अतकौ ची उनारी खसै पसै मुचिक्सिदै निन्चौ,हग्ची अती कथा कौ खमीरी मरख्तै निन्चौ, खव्की दुनिया कौ पाप मुनिसौ।अती जाज्यारी स्वार कौ फैरसीदै निसौ हग्ची परमेश्वर तै फ्कतलै निसौ।

हग्ची अती स्वार कौ तिगै खौबु निसौ।अती मथै तैज निसौ उसै अती खुतिस्या जा रूसौ, “खै अयी सच लै परमेश्वर सै गन्जा अयी स्वार कौ ची ख्यै सिंन कौ ची फल जाम दग्ची मजाम लुक्सौ?”

अती खुतिस्या सै जबाब दासौ,“परमेश्वर सै जिजा लुक्सौ की इन्जा अती बुदै हंग यदै गै ज्ञान गै अलावा खैरी सिंन गै फल जा तरखनौ परमेश्वर सै इन जा लुक्सौ की अगर गनसै अती फल जायगनौ ता अति तमयौगन्ता गन हिचियगनौ।“

अती खोबु सै खुतिस्या जा जबाब दासौ, “अइ साचौ मादै! गन मीहिचियनौ। परमेश्वर जा पता इन की गन अती फल जयगनौ,गन परमेश्वर गै रूकतै लियगनौ हग्ची समान बुदै यदै समझयगनौ|”

अति खुतिस्या सै तिनसौ की अती फल उलंग मनरासौ हग्ची बढिया निमद तिन्खै निसौ।अती री समझदार बन्म चिनखै निसौ, खव्की उसै फल थुकै कज्जा।हग्ची उसै अपिगै रिथी जा जई उगतै जोरो निसौ अती फल दासौ हग्ची उरी कज्जा।

चटगै उगै मै टौलंग ता, हग्ची उसी जा पता चल्चौ की इन नगौ कौनै। उसीसै पात मंग तिगै बंग रूपकै लकै खसै पसै बनागै उसी सै अपी गौबरग च्याम गै कोशिश हुग्सौ|

हग्ची यौरासिरी जी उगै रीथिस्या सै अती स्वार कौ फैरसीगै निलंग परमेश्वर गै आवाज यनसौ| हग्ची उसी नी मी परमेश्वर सौ तिन्ता लुकै पच्यासी हग परमेश्वर सै यौरासिरी जा करका हुग्सौ, “गन अलौ इनौ?” आदम सै जवाब दासौ, “जिसै गन स्वार कौ फैरसीदै यन्गसौ ,हग जै क्जर खव्की जै नंगौ नियसौ अती सै जै च्यासीय सौ|”

हग परमेश्वर सै रुसौ, “गन खमीसै बतासौ की गन नंगौ इनौ? खै गन अती फल जनिसौ जिसै गन जाम दग्ची मना कसुगदै निसौ?” यौरासिरी सै जवाब दासौ, “गन सै जई खुतिस्या दनिसौ अति सै जै फल दासौ|”हग परमेश्वर सै खुतिस्या जा रुसौ, “गन सै अइना खै सुगनिसौ?” अती खुतिस्या फक्चौ, “खौबु सै जै पैखंर|”

परमेश्वर सौ खोबू जा लुकसौ, “गन शराप इनौ! गन अपी गै दन गै सहारा कौ सैसियगनौ हग सा लक्चियगनौ| गन हग अती खुतिस्या गन जी औ रुसु रयगनी, हग नगै सन्मंग जी उगै सन्मंग री रुसु रयनन| अति अइ खुतिस्या गै सन्मंग सै नगै पुस्या तगतियंग,हग गन उसीगै खौपा कौ छौग तीयंग|”

परमेश्वर से खुतिस्या जा लुकसों, “जे नगे सन्मग पेदा हुगलग पजा आइनी मथे कगथे सुगयगो| गन अपिगे रीथी जा मन पूरा सुगयगनों हग अती गनजा राज सुगयग|”

परमेश्वर सै यौरासिरी जा,“लुक्सौ गन्सै अपिगै रिथिस्या गै रुगसिनी सौ जिगै कथा म्मानिसौ।हग्ची थग्जा शराप दासौ। हग गनजा दुकलंग यिब्म दग्ची दुखु लन सुग्मौ जरुरी हग गन हिचियंगनौ,हग्ची नगै गौबरंग सा कौ छौसियंग अती यौरासिरी सै उगै रिथीस्या गै मिन हव्वा तासौ जैइ गै अर्थ इन जिन्दगी दादै वाला ,खव्की अती जम्मा गै ना नियंग हग्ची परमेश्वर सै आदम जी हव्वा गै जीव जन्तु गै बै सै कबनासिदै खसै पुसै चुगसियंसौ।

हंग परमेश्वर सै लुक्सौ, थन बुदै जी यदै गै पमगै मी इंगना रुकतै कले, खव्की उसिगै उसै जिन्दगी गै सिन कौ ची फल जालंग मतायंतासौ खव्वकी हमैशा दग्ची टग्दै निलो|” हग्ची परमेश्वर सै आदम जी हव्वा जा अती स्वार कौ ची छम्मपंग फिसौ हग्ची परमेश्वर सै अती जीन्दगी दादै वाला फल मजय्गनौ लुकै अती कौची स्वार गै मौरग पा तर्थ स्वरगॅदूतों कतादै निसौ।