11. फसह गै त्यार

परमेश्वर सै मूसा हंग हारून जा राजा गै तुतौ अइ लोम दग्ंची लाइसौ की इस्त्राएलियों मंग देलंग ताई। उसीसै उजा चेतावनी दासौ की यदि औ उसीजा देलंग मतायंग, ता परमेश्वर मिस्त्र गै मी मंग हंग जीव जन्तु गै तिगै लौठों जा सतैयंग , राजा सै अइ री यन्गै परमेश्वर जा विश्वास सुग्मौ सै हंग अतीगै बात मनमौ सै मना कसुग्तै।

परमेश्वर सै अती जा विश्वास सुग्दै खमी गै री तिगै लौठे सिरी जा बचाम गै दंग्ची तिगै उपाय गै प्रबंध हुग्सौ, जम्मा चुकौची मंग जा तिगै निष्कलंक मेमने जा कोरगै उजा सतींम निसौ।

परमेश्वर सै इस्त्राएलियों सै अती मेमने गै शि कौरगे लंकै अपीगै चिंम गै मौरंग पा लगानी लुक्सौ, उसीजा उगै स्या बूटमौ निसौ हंग उसीजा मिसिरत कटौ तै जोरो उजा फुर्ती सै जाम निसौ, अतीसै अती दुक्लंग जाम गै निग्ंम उसीजा छाटो मिस्त्र जा हौकै खिसिगै नियौ री लुक्सौ।

जसौ हुग्मौ गै दग्ची परमेश्वर सै इस्त्राएलियों जा आदेश कंदादै निसौ, उसीसै उगै अनुसार जम्मा हुग्सौ, फेमुन कौ परमेश्वर जम्मा तिगै लौठे सिरी जा घात हुग्ंगै मिस्त्र गै गुन्दा कौची दैसौ।

इस्त्राएलियों गै जम्मा तिगै चिमं गै मौरंग पा शि कल्कतै निसौ, खव्की परमेश्वर सै अती चिमं पाहव्तै,उसीगै चुकौ जम्मा मी मंग बढीया निन्चौ, अती मेमने गै शि गै वजह सै कब्च।

खव्की मिस्त्रियों सै परमेश्वर जा विश्वास मुसुगन्नचौ, हंग अतीगै आदेशों जा म्मान्सौ, खव्की परमेश्वर सै उसीगै चिमं मह्सौ, परमेश्वर सै मिस्त्रियों गै जम्मा तिगै लौठे सिरी जा क्सतै।

जेलखानै गै कैदियों गै तिगै लौठें सै लेकर, राजा गै तिगै लौठे वासै, जम्मा तिगै लौठा सिरी पज्ंयग, अपीगै दुखु गै वजह मिस्त्र गै मथै मी मंग तैगै निन्चौ हंग विलाप सुग्गै तान्चौ।

अती मुन्छै, राजा सै मूसा हंग हारून जा गाल्सौ हंग लुक्सौ, इस्त्राएलियों जा कौरगै तुरन्त मिस्त्र कौची दिनी, मिस्त्र गै मी मंग सै री इस्त्राएलियों जा तुरन्त दिनी लुक्सौ।