12. इसत्राएलि मंग मिस्त्र देश कौची निकालन्चौ
इस्त्राएली मी मंग मिस्त्र कौ ची रागै मथै खुश निन्चौ, उसी थंन ङग्मी मुनिन्चौ, हंग उसी वादा गै देश कौ देग निन्चौ, जइ खई री इस्त्राएलियों सै थौन्चौ,मिस्त्रियों सै उसी अती जम्मा दासौ, अइकौ वासै कि जंग हंग मुंल हंग किम्ती बथौ, दूसरे देशों सै परमेश्वर जा विश्वास सुग्ंसौ हंग तब इस्त्राएली मी मंग मिस्त्र कौची दिन्चौ ता अती मंग उसीगै जोरो पुदै।
निछै कसा गै तिगै पौदै खम्भा उगै लरै-लरै देगं निसौ, हंग मुन्छै गै समय अइ मै गै खम्भा कब्न, परमेश्वर जइ री अती कसा गै खम्भे कौ हंग मै गै खम्भे कौ निसौ, हमेशा उसीतै जोरो निसौ हंग अतीसै यात्रा समय उसीगै अगुवाई हुग्सौ, उसीजा केवल अइलंग हुग्मौं इन की उसीगै निम्फन यंनसिम।
दुमा समय गै निग्म, राजा हंग उसीगै मी मंग सै अपीगै मन कब्दल, अती इस्त्राएलियों जा दसरौ डग्मी बनाम चिन्खै निन्चौ, खव्की उसीसै इस्त्राएलियों गै निम्फन दिन्चौ, हंग परमेश्वर ही निसौ जइ सै उगै मंन कब्दलतै , अतीसै अइना दग्ची हुग्सौ खव्की अती चिन्खै निसौ, की जम्मा मी मंग अइ पयंगन्न की राजा सै हंग मिस्त्रियों गै जम्मा सै मा चंग री अती यहोवा मथै तरतै इन।
हंग इस्त्राएलियों सै मिस्त्र गै सेना जा रादै तिन्सौ ता उजा पता चल्चौ की राजा गै सेना हंग मग्दै समुद्र गै गुन्दा कफ्स, अती मथै कज्यर हंग कतै, “इन्सै मिस्त्र जा खउ हनिसौ? इन हिचित्ना इनै।”
मूसा सै इस्त्राएलियों जा लुक्सौ, “जरमौ बंद हुग्यौ! परमेश्वर थिय्या नगै दग्ची गैसियंग हंग गनजा बचायंग| “हग परमेश्वर सै मूसा जा लुक्सौ, “अइ मी मंग मंग्दै समुद्र तोक्सा लरै दैमं दग्ची लुक्सौ।”
तब कसा गै खम्भा इस्त्राएलियों हंग मिस्त्रियों गै गुन्दा पिरा,हंग मुन्छै मै गै खम्भा कब्न| मिस्त्री मी मंग पुरौ मुन्छै इसत्राएलियों गै नैरौ रा मतरयंगन्न |
परमेशवर सै मूसा जा समुद्र कौ अपीगै ला बढाम दग्ची लुक्सौ, हंग परमेश्वर सै नलंन सै समुद्र जा तमौ हंग दिमौ कसुग्तै, जइसै की समुद्र सै लिकै तिगै अंम कब्न।
इस्त्राएली मी मंग अपीगै नित्म ति गै छंग तै जोरो कछ्रतै बंग थग्जा समुद्र कौची लिकै पुदै।
हंग परमेश्वर सै अती अंम कौची कसा हग में कअग्तै खव्की मिस्त्री मी मंग इस्त्राएलियों जा बच गै दैदै तिन्सौ, मिस्त्रियों सै उसीजा चुम्मौ दग्ची उसीगै पीछा सुग्मौ शुरु कसुगतै|
उसीसै समुद्र गै गुन्दा उसै अंम जा इस्त्राएलियों गै निम्फन दैन्नचौ, परन्तु परमेश्वर सै मिस्त्रियों जा ज्यर क्फुन हंग उसीगै रथों क्फसातै, उसी यरकै निन्चौ, “फौग्नी! इस्त्राएलियों गै तरफ सै परमेश्वर गैसिगै इन।”
जम्मा इस्त्राएली समुद्र गै तमौ तौक्सा टौन्ब| हंग परमेश्वर सै मूसा जा लुक्सौ की अती दसरो ती कौ ला बढासौ, हंग मूसा सै अइना हुग्सौ, ता ती मिस्त्री सेना जा पिरा हंग अपीगै साधारण स्थिति कौ कलै, जम्मा मिस्त्री सेना कडूब।
हंग इस्त्राएलियों सै दोबसौ कि मिस्त्री मंग पज्यग्तै इन्न , ता उसीसै परमेश्वर जा विश्वास हुग्सौ, उसीसै विश्वास हुगन्नचौ की मूसा परमेश्वर गै अम्ची भविष्यद्वक्ता अती मी ले जइ परमेश्वर गे कथा मीमग जा बताता अती भविष्यद्वक्ता ले।
इस्त्राएली मी मंग अइदग्ची री मथै खुश निन्चौ, खव्की परमेश्वर सै उसीसै हिचिम सै हंग ड़ग्मी हुग्मौ सै बचासौ| थन अती परमेश्वर गै सेवा सुग्मो हंग उगै लुक्सीदै गै मान्मौ दग्ची स्वतंत्र निसौ, इस्त्राएलियों सै अपीगै स्वतंत्रता गै खुशी मनाम गै दग्ची हंग परमेश्वर जा तारीफ हुग्मौ गै दग्ची औलंग मथै बइरा गासौ खव्की अती उसीजा मिस्त्र गै सेना सै बचासौ।
परमेश्वर सै इस्त्राएलियों जा जम्मा यिन तिगै त्यार बनाम गै आदेश दासौ अइ हैका हुग्मौ दग्ची की हंम परमेश्वर सै मिस्त्रियों जा कहारतै हंग उसी ड़ग्मी हुग्मौ सै स्वतंत्र हुगन्नचौ, अइजा त्यार लौन्नचौ, अइ त्यार जा बनाम गै दग्ची तिगै स्वस्थ माला गै बलि चढाम निसौ, उजा बूटमौ निसौ, हंग अती मिसिरत कटौ तै जोरो जाम निसौ।
निर्गमन बाइबल गै 1 लिबिन 12:33-15:21 गे तीगे कौची बाइबल गै तिगै कथा
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।