13. इस्त्राएल तै जोरो परमेश्वर गै वाचा
इस्त्राएलियों जा मग्दै समुद्र कौ पार कौरगै दैम गै निग्म, परमेश्वर उसीजा जगंल कौची देगे सीनै लोम वाला यै गै अत्कौ अम्ची कौरगै देसो, अइ अती यै निसौ जइकौ मूसा सै लुकै निदै बुरू कतिन्दै निसौ, उसी मी मंग सै अती यै गै इखौ अपीगै डग्सौ मंग बनान्चौ।
परमेशवर सै मूसा गै हंग इस्त्राएल गै जम्मा मी मंग जा लुक्सौ, “गनीसै राज्यारी जिगै आदेश मानमौ इन हंग जो वाचा जिसै गतै जोरो गिगै तातौ उजा बनागै क्तासित निसो| गन सै अइना हुग्तनौ, गन जिगै बहुमूल्य धन, परमेश्वर गे पुजारी गै राज्य, हंग तिगै शुध जाति ठहरोगों।”
परमेशवर गै अम्ची उगै खासा को राम दग्ची मी मंग सुम ज्या वासै अपीजा त्यार हुग्सौ| हंग परमेशवर सीनै यै गै दग्यर कौची इखो उतरचौ| हंग अती रासो ता रंन रासौ, मोक्ना यरचौ, मिल्डोक्चो,खु डुक्सौ, हंग धौतार गै जोर सै आवाज रासौ| हंग मूसा अती यरतौ दग्यर पुदै।
हंग परमेशवर सै मी मंग तै जोरो तिगै वाचा हुग्सौ, जै गनीगै परमेश्वर यहोवा लियै, जै लियै जइसै गनीजा मिस्त्र गै ड़ग्मी कौची छुडासौ, खरी सै गै भक्ति मुसुग्मौ।
“मूर्तियाँ मबनाम हंग अतीगै भक्ति मुसुग्मौ, खव्की जै यहोवा गनीगै तिगै खना परमेश्वर लियै, यदै रूप कौ जिगै मिन गै उपयोग मुसुग्मौ, छन्चरौ ज्या शुध मानमौ दग्ची हैका तासौ, निसे कथा कौ टुगु ज्याची अपीगै जम्मा लन सुग्मौ, निसै ज्या गनीगै दग्ची आराम सुग्मौ हंग याद हुग्मौ गै ज्या लै।
“अपीगै ना हंग बा गै इज्जत हुग्मौ| मसमौ| यदै सम्बन्ध मुसुग्मौ, खुदै मिलैमौ, अपीगै पडोसी गै रिथीस्या, उसीगै चिम्जा हंग अतीगै खरी बथौ जा कोरमौ गै मिचिच्मौ।”
परमेश्वर सै उसी मी मंग जा जइ नियम कदातै निसौ, अती उसी ठुग्मौ दग्ची मानसिसौ, अती सिर्फ परमेश्वर गै दग्ची लिम्ह गै हंग सिर्फ उगै भक्ति हुग्मौ गै दग्ची मानसिसौ,
परमेश्वर सै इस्त्राएलियों जा तिगै पुदै ड़ग्सौ बनाम दग्ची री लुक्सौ-कमिल्तै वाला ड़ग्सौ , उसीसै उसीजा बढिया बढिया बतासौ की अइ ड़ग्सौ हंम बनाम लै, हंग अतीगै बितरौ खै बथौ ताम लै, उसीसै उजा अती ड़ग्सौ कौ निसे कमरा बनासौ हंग तिगै पुदै परदा बनाम दगची री लुक्सौ,परमेश्वर अती परदा गै निम्फन कमरा निसियंग, जइकौ परमेश्वर निसौ अती कमरा कौ दैम दग्ची अनुमती सिर्फ पौदै यहूदी पुजारी जा निसौ।
अती मी मंग जा कमिलतै वाला ड़ग्सौ गै खास्या कौ तिगै दगंसिनं बनासौ| खै री जई परमेश्वर गै नियम गै पालन मुसुग्मौ, अती यहूदी पुजारी जा तिगै जीव जन्तु रकै रासौ, हंग यहूदी पुजारी अतीगै बलि दायंग हंग यहूदी पुजारी जा परमेश्वर गै दग्ची बलि गै रूप कौ जलायंग, परमेशवर सै लुक्सौ की अती जीव जन्तु गै शि अती मी गै पाप सै घेरयंग, अइ रिवाज सै, थन परमेश्वर अती पाप जा मितिन्सौ, अती मी परमेश्वर गै तिन्थै कौ शुध मानियंग, परमेश्वर सै मूसा गै नुनु हारून जा हंग हारून गै सन्मंग जा अपीगै पुजारी लिमै दग्ची चुन्सौ।
हंग परमेश्वर सै अइ ची आज्ञा कौ उंग गै निसे स्यंग कौ रीगै मूसा जा क्दातै, परमेश्वर सै ठुग्मौ दग्ची मी मंग जा यकरौ यकरौ मथै नियम दासौ| यानीकी उसीसै अइ नियम गै पालन हुग्नीसौ ता परमेश्वर सै अती मी मंग जा आशिर्वाद दामो हंग उसीगै रक्षा हुग्मौ दग्ची वादा हुग्सौ, परन्तु उसीसै लुक्सौ की उसीसै उगै मुठुग्सौ ता अती उसीजा रूसु हुग्यंग।
अल्ंग ज्या वासै, मूसा सीनै यै गै दग्यंर कौ बस्सौ, अती परमेश्वर तै फकै निसौ| परन्तु मी मंग उगै खास्या थौक्सिगै रामौ गै इन्तजार हुगै पिरयिंन, अती हारून[मूसा गै नुनु] गै तुतौ सेना रकै रासौ हंग तिगै मूर्ति बनाम दग्ची लुक्सौ खव्की परमेश्वर गै अलावा उगै आदर हुग तरशियंग, अइ रीति सै उसीजा भयंकर रूप सै परमेश्वर गै विरूध पाप हुग्सौ।
हारून सै लुक्च गै रूप कौ जंग गै तिगै मूर्ति बनासौ, अती मी मंग सै अती मूर्ति गै पुजा हुग्मौ शुरू कसुंग हंग अतीगे दगची बलि दासौ, उसीगै पाप गै वजह सै परमेश्वर उसीजा मथै रूसु पिरादै निसौ, अती उसीजा च्योम चिन्खै निसौ, परन्तु मूसा सै उसीजा मस्मौ गै परमेश्वर सै विन्ती हुग्सौ,परमेश्वर सै उगै विन्ती यन्सौ हंग उसीजा मंस्सौ।
निग्म मूसा सीनै दंग गै इखौ रासौ, अती निसे उंग गै स्यंग जा क्चुम्दै निसौ जइकौ परमेश्वर सै ची आज्ञा करिदै निसौ, हंग उसै अती मूर्ति जा दौब्सौ, अती औलंग रूसु रासौ की उसै अती स्यंग छतिन पतिन कसुग्तै।
हंग मूसा सै अती मूर्ति जा यिकै उगै मानी कसुग्तै, हंग अती मानी गै ती कौ छ्योगै अती मी मंग जा अती ती क्पीलातै, परमेश्वर सै अती मी मंग जा तिगै विपत्ति लाइ्सौ हंग अती कौची मथै मी मंग प्जंग।
जइ स्यंग जा मूसा सै कित्तैसौ अतीगै बंग कौरमौ दग्ची मूसा सै अती ची आदेश गै उंग कौ नुदै स्यंग मंग बनासौ, हंग अती दसरौ दंग कौ कलौक्सी हंग पूजा हुग्सौ की परमेश्वर अती मी मंग जा माफ हुग्तै, परमेश्वर सै मूसा गै यन्सौ हंग उसीजा माफ कसुग्तै, नुदै स्यंग कौ ची आदेश जा कौरगै देलग मूसा दंग कुची इखौ रासौ, हंग परमेश्वर सै सीनै दंग कुची कौरगै वादा गै देश वासै इस्त्राएलियों गै अगुवाई हुग्सौ।
निर्गमन बाइबल गै पुस्तक 19-34 सै तिगै बाइबल गै कथा
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।