15. वादा गै देश

निग्म , थन अती समय पिरादै निसौ कि इस्त्राएली मी मंग वादा गै देश, कनान कौ रासौ, अती सौंग कौ यरीहो मिन गै तिगै सौंग निसौ, उगै सुरक्षा गै दग्ची उगै पीत्म रूकौ सारौ छंग निसौ, यहोशू सै अती देश कौ निसे ड़ग्मी जा लाइसौ, अती सौंग कौ राहाब मिन गै तिगै वेश्या बस्तै निसौ, अतीसै अइ ड़ग्मी मंग जा च्यासौ, हंग अतीगै निग्म उसै अती सौंग कौची फौंक्कै देलंग मदत हुग्सौ की, उसै अइ दग्ची हुग्सौ खव्की अती पाएमेश्वर जा विश्वास हुग्दै निसौ, जइ समय इस्त्राएली मी मंग यरीहो सौगं गै नाश हुग्यंग तब राहब हंग उगै चुकौची मंग गै रक्षा सुग्मौ गै वादा कसुग्दै निसौ।

इस्त्राएली मी मंग जा ड़ग्मी गै देश कौ रामौ दग्ची यरदन यंग्ती पार हुग्मौ निसौ, परमेश्वर सै यहोशू जा लुक्सौ, यहूदी पुजारी मंग लरै देलंग तानी, जब यहूदी पुजारी मंग सै यरदन यग्ंती कौ अपीगै कदम तान्नचौ ता ती गै युदै करुक , जइसै की इस्त्राएली मी मंग यग्ंती कौ यकरौ तौक्सा कछरतै थग्जा दै तरयंगन्न।

उसी मी मंग गै यरदन यग्ंती पार कसुग ता परमेश्वर सै यहोशू जा लुक्सौ की यरीहो सौगं जा हमला हुग्मौ दग्ची यग्सीगै निसौ, यघपि अती मथै दृढ़ सौंग निसौ, परमेश्वर सै उसी मी मंग जा लुक्सौ की उसीगै यहूदी पुजारी मंग सैनिकों जा टुगू ज्या वासै अती सौंग गै पीत्म रूकौ चक्कर लगाम इन, अती यहूदी पुजारी मंग हंग सैनिकों सै अइना ही हुग्न्नचौ।

तब निसै ज्या, इस्त्राएलियों सै अती सौंग गै पीत्म निसै बार चक्कर लगान्नचौ, उसीगै सौंग गै पीत्म निसै बार चक्कर लगाम गै निग्म, यहूदी पुजारी मंग सै अपीगै धौतार फूक्सौ हंग सैनिकों सै जोरदार शब्द हुग्सौ।

तब यरीहो गै पीत्म छंग टुबंर, जसौ परमेश्वर सै आदेश कदातै निसौ इस्त्राएलियों सै सौंग गै जम्मा बथौ पुच्योतै, उसीसै केबल राहाब हंग उगै चुकौची मंग पाह्वतै, जइ इस्त्राएलियों गै भाग कब्नतै निसौ, जब कनान कौ कब्सतै खमी मी मंग सै यंन्नचौ की इस्त्राएलियों सै यरीहो जा खत्म कसुग्दै इन, ता अती क्जर की इस्त्राएली मी मंग उसीजा री हमला सुग्यंग।

परमेश्वर सै इस्त्राएलियों मंग आदेश कदादै निसौ की कनान कौ बस्तै वाला खमी री जाति तै जोरो शान्ति गै समझौता मुसुग्मौ इन, परन्तु गिबोनियों मिन गै तिगै कनानी जाति सै यहोशू सै झूठ लुक्सौ की अती कनान कौची वथै तिगै बंग कौ ब्स्तना इन्न, उसीसै .यहोशू सै उसीतै जोरो शान्ति गै समझौता हुग्सौ , यहोशू हंग खमी इस्त्राएली प्रधान मंग सै भगवान जा मुरुसौ की उसीजा खै हुग्मौ चिन्खन, अइगै बजाए, उसीसै गिबोनियों तै जोरो शान्ति गै समझौता कसुगं।

सुम ज्या गै निग्म, इस्त्राएलियों मंग जा पता कच्ल की गिबोनी मी मंग कनान कौ ब्सतै निन्चौ, अती रूसु क्लतै निसौ खव्की गिबोनियों सै उसीजा धोखा क्दादै निसौ, परन्तु उसीसै उतै जोरो कसुग्दै अती शान्ति समझौता बनागै तासौ खव्की अती परमेश्वर गै नैरौ कसुग्दै निसौ, तब कुछ समय गै निग्म, कनान कौ ब्सतै वाला तिगै खमी जाति, एमोरियों गै राजाओं सै यन्सौ की गिबोनियों सै इस्त्राएलियों तै जोरो शान्ति समझौता कसुंग, खव्की उसीसै अपी-अपीगै सेनाओं जा तिगै तिगै सुगै गिबोनियों सै उसीगै मदत हुग्मौ दग्ची यहोशू गै नैरौ संदेश लाइसौ।

हंग यहोशू सै इस्त्राएलियों गै सेना जा थुम्सौ हंग गिबोनियों गै नैरौ न्बंम दग्ची अती जम्मा मुन्छै यन्सिन्नचौ, बंखर भोर कौ उसीसै एमोरियों गै सेना जा हा कसुग्तै हंग उसी जा हमला कसुग्तै।

अती ज्या परमेश्वर इस्त्राएलियों गै दग्ची गैसीसौ, उसै एमोरियों जा ज्यर कफुन हंग पौद-पौद डाल किन्गै लकै मथै एमोरियों जा क्सतै।

परमेश्वर सै नी जा री तिम्बू कौ तिगै बंग दासौ ताकि इस्त्राएलियों जा मथै समय मिलक्न की एमोरियों गै जम्मा तरह सै क्हरातै, अती ज्या परमेश्वर सै इस्त्राएलियों गै दग्ची तिगै पौदै जीत पराप्त हुग्सौ।

तब परमेश्वर सै सेना कौ हराम गै निम्फ्न, मथै कनानी जात गै मी मंग इस्त्राएल कौ हमला हुग्म दग्ची थुम्सीन्नचौ, यहोशू हंग इस्त्राएलियों सै हमला सुंगै उसीजा पुच्यौतै।

अइ युदध गै निग्म, परमेश्वर सै इस्त्राएल गै जम्मा गोत्र जा कसम गै अती देश कौ उसीगै छु दासौ, हंग परमेश्वर सै इस्त्राएल जा उगै जम्मा सीमाओं कौ शान्ति प्रदान हुग्सौ।

तब यहोशू डैरा कलै ता उसीसै इस्त्राएल गै जम्मा मी मंग जा तिगै जोरो गाल्सौ, तब यहोशू सै उसी मी मंग जा हैका दिलासौ की उसीसै अती वाचा गै पालन हुग्मौ गै वादा कसुग्दै निसौ, जइ परमेश्वर सै उसीतै जोरो सीनै दंग कौ कगीदै निसौ, उसी मी मंग सै परमेश्वर गै प्रति विश्वासयोग्य बस्मौ उसीगै नियम गै पालन हुग्मौ गै वादा हुग्सौ।