16. होते मग

यहोशू गै हिचिम गै निग्म इसाएलियों सै परमेश्वर गै अवज्ञा हुग्सौ| उसीसै परमेश्वर गै नियम गै पालन मुसुग्सौ, हंग उसीसै अती वाचा गै देश कौ कब्चतै कनानियों जा छम्पंग मुनिकाल्सौ| इसत्राएलियों से आपीगे बुदै परमेश्वर, यहोवा जा होतिगै कनानियो गै लमा गै पुजा सुग्मौ शुरू कसुग्तै| इसत्राएलियो गै तुतौ खमी राजा मुनिसौ, अइ दग्ची जइजा जइ बङिया लग्सौ अतीसै अती हुग्सौ|

परमेश्वर गै आज्ञा म्मानम गै द्वारा इस्त्राएलियो सै तिगै पदति जा शुरु क्सुग्तै जइसै औलंगचौ दोहरासौ| अइ पदति अइ प्रकार से यनसिन्न्चो:ओलग यिन वासे इसत्राएली परमेश्वर गै आज्ञा ममान्सौ, अतलंग अती उसीजा उसीगै शत्रुओ तै पराजित सुग्मौ गै द्वारा रूसु सुग्यंग| अइ शत्रु इसत्राएलियों तै उसीगै बथौ जा लूटतैयंग, उसीगै सम्पति जा नष्ट सुग्तैयंग, हंग अतकौ ची मथै मंग सयंगन्न, हंग अतलंग इसत्राएलियो गै शत्रु उसीतै औलंग यीन वासै अत्याचार सुग्यंग, अतीगै निग्म इसत्राएली अपीगै पाप गै पश्राताताप सुग्यंग हंग परमेश्वर सै उसीजा बचाम दग्ची प्रार्थना सुगयंग|

हमेशा जब इसत्राएली पश्राताप सुग्यंग ता परमेश्वर उसीजा बचायंग| अती तिगै पुतै वाला गै द्वारा अइना सुग्यंग- तिगै अइना मी जइ उसीगै शत्रुओ गै विरुद्ध गैसियंग हंग उसीजा पराजित सुग्यंग, अतलंग देश कौ शान्ति लियंग हंग अती पुत वाला अतीकौ बडीया शासन सुग्यंग, परमेश्वर सै अती मी मंग जा बचाम दग्ची मथै पुत मंग लाइसौ, परमेश्वर सै नैरौ ची तिगै शत्रु जाति, मिधमानियो गै द्वारा इसश्राएलियो जा पराजित सुग फुन्मौ गै द्वारा हजु अइना हुग्सौ|

मिध्यमनियो सै निसै यीन वासै इसत्राएलियों गै रै मंग खुसौ| इसत्राएली मी मंग मथै क्जरतै निन्चौ, हंग अती फौ कौ क्चासी खव्की मिधयमानी मी उसीजा मा मतरसियंग| आखिरकार, उसीजा बचाम दग्ची उसीसै परमेश्वर जा गालसौ|

गिदोन मिन गै तिगै इसत्राएली यौरासिरी निसौ, तिगै ज्या, अती तिगै गुप्त बंग कौ रजै पिकै तासौ, ताकी मिध्यमानी मी उजा खु मतरसी| यहोवा गै स्वर्गदूत सै गिदोन गै तुतौ रागै उजा लुक्सौ, “हे शूरवीर सूरमा, परमेश्वर गतै जोरौ इन, दै हंग इसाएलियों जा मिधानियों तै बचाइ|”

गिदोन गै बा गै न्योरो मूर्ति जा समर्पित तीग़ै वेदी निसौ| लचयंग लरी ची कथा जइ परमेश्वर सै गिदोन जा सुग्मो दंगचची उलों अति वेदी जा झयामों निसौ| परन्तु गिदोन मि मंग जा झरके निसौ, अइ दंगची उसे मूनछ लीम दंगची इन्तजार सुंग्सौ| हँग उस्ह अति वेदी जा कीके हंग टुकड़ा टुकड़ा कसुगते| परमेश्वर गे दंगची तीगे नूदै वेदी सुंग्सी हंग अति गै चरतौ बलि चढ़ासौ|

नुगचीजया बगखर मीमग सै तिन्नसौ कि खमि से वैदी जा किसो हंग टुकड़ा टुकड़ा कसुंग्ते, अइ दगची अती मधै रुसु पिरादै निसौ| अती गिदोन जा समो दंग्ची उसीगे चिमजा दिन्नसो, गिदोन गै बा से लुक्सो,“गनी खउ अपिगे लमा गे मदत सुगमो गे प्रयास सुगे तातनी?यदि अती लमा ले ता उसे अपिगे सुरक्षा अपि सुगलग तानी!” खउकी उसे अइना लुकसों अईदगची मीमग से गीदोन जा मस्सो

तब इस्त्राएलियो जा खुमौ दंगची मिधानी मंग हजू रन्नसौ| उसी अइलंग मथे निननचो की उसी गे गिनती री सुग मतरसी निन्नचो| गिदोन से उसीगे विरुद्ध गेसिम दंगची इस्त्राएलियो जा तीगे जोरों गाल्सो| गिदोन से परमेश्वर से निसे चिन्ह गे माँग सुंग्सों की खले उजा विश्वास लेयंग कि परमेश्वर साचो उजा इस्त्राएल जा बचाम दगची लुके तासो

लरे चिन्ह गे दगची, गीदोन से माला गे उन गे थगजा तागे परमेश्वर से लुकसों की बगखर गे ओस केवल माला गे अती उन को पाहोसीदे हग थगजा मुगिनलों| परमेश्वर से अइना री हुगसो| नुगचीजया मूनछ, अतिसे परमेश्वर से लुकसों की थगजा थीते लेलों परन्तु माला गे उन कछरते लेलों| परमेश्वर से अइना री हुगसो| अई निसे चिन्ह गे वजह, गिदोन से विस्वास हुगसो की परमेश्वर सच जा बुद तखन की अती इस्राएलियों जा मिद्यानियों से बचासों|

तब गिदोन से सिपाही न्योरो गालसो हंग सुमसा गे निसे हजार योरासिरी रासो| परमेश्वर से उतीजा लुक्सौ की अछो मथै इन्न| हंग गिदोन से उसी जम्मा नसा गे निसे हजार जा चिमजा क्लाइते जइ गेसिम से जेरते निन्नचो परमेश्वर सै गिदोन जा लुक्सौ कि अइ यौरासिरी इता री अछो मथै निसौ| अइ दंगची गिदोन से सुमसा सेनीक जा होके अती जम्मा जा चिमजा लाइसो|

अति मुन्छ परमेश्वर से गीदोन जा लुक्सौ, “मिधानियों गै छावनी को देगे हग उसीजा कथा सुगलग यनसों| जब गन से यनिसो की अती खे कथा सुगदे ले ता गन अती को हमला सुगमों से मजेरमो|” अई दगची अती, मूंनछ गिदोन ईखो उसीगे छावनी को देसो हग अतिसे तीगे मिधानी सिपाही जा आपिगे साथो जा अती कथा बतालग यनसों जइ अतिसे मग को कदोपते निसो| अती योरासीरी गे साथो से लुकसों, “अई मग गे अर्थ ले की गीदोन गे सेना इन कि गिदोन गे सिपाही इन मिधानी सिपाही जा कहरातिसौ!” जब गिदोन से अइना यनसौ ता उसे परमेश्वर गै पूजा हुगसो|

तब गिदोन अतिगै सिपाहीयो बगे एक ज्योरो रासौ हँग उरही जा जा जम्इ जा तीगे तीगे नरसिंगा, तीगै सा गे बनडो, हग तीगे मशाल दासो| उसीसे अती डेरा जा कघेर जइको मिधानी सिपाही लइयकते निन्नसौ| गिदोनू गै सुमसा सिपाही से अपिगे मशाल गै बनडो से च्यागे कतासीदे निसो अई दगची मिधानी मीमग अती मशाल गे छन्तजा डोंब मतरसीसों|

तब गिदोन जम्मा सेनीक से अपिगे बनडो जा तीगे बकतर कीके अचानक मशाल गे छन्त जा प्रकट कसुंगते| उसीसे अपिगै नरसिंगें फिरसो हग यरसों, “यहोवा गे हंग गिदोन गे तलवार!”

परमेश्वर सै मिद्यानियो जा कजेर, अई दगची अती अपि मीमीजा समो चेमो| छाटो री, गिदोन गे कथा लाईसीदे जा मधे इस्त्राएलियो जा मिघानियो गे निमफन देम को उसीगे मदत सुगमों दंगची लाइसो| उसीसे अतीको अछो मग ससो हग माला गे निमफन लाइगे उसीजा इस्राएल राजु कोची छमपग क्लाइते|अती ज्या तीगे,नसा,हजार मिधानी हीचीन्नचो| अई तरह परमेश्वर से इस्राएल जा बेचासो|

अती मीमग गिदोन जा अपिगे राजा बनाम चिनखे निनचो, परन्तु गिदीन से उसीजा अइना सुगलग मतासों, लेकिन अतिसे अतीजा अती जग से आभूषण थोसो जइ अतीको ची जम्मा से मिघानियां जा कखुदे निननचो| अती मीमग से पोदे मात्रा को गिदोन जा जग दासौ|

तब गिदोन से अति जग गे तीगे विसेश खसे पसे बनसों जसों की पोदे यहूदी पुजारी चुकसिदे लिनन| परन्तु मीमग से अतीगे पुजा सुगमों कसुग जसो कि अती तीगे मूर्ति नियग| तब परमेश्वर से हजु इस्राएल जा दंड दासों खउकी उसीसे मूर्ति गे पुजा कसुगदे निसो|परमेश्वर से उसीगे शत्रु से उसी पराजित सुगमों को समक्ष हुगसो| आखिरकार उसीसे हजु परमेश्वर से मदत सुगमों गे दगची प्रार्थना हुगसो, हग परमेश्वर से अतीगे तूतों उसीजा बचाम गे दगची तीगे गार छुड़ादे वाला लाइसो|

अई कथा उलंग चू घटित कले: इस्त्राएली मीमग पाप सुगयगनी, परमेश्वर उसीजा दंड दायग, उसी पश्चाताप सुगयगनन, हग परमेश्वर उसीजा होम दगची खमी जा लाइयग| खइ यिन वासे, परमेश्वर से अछो हते मग लाइसो जइसे इस्राएलियों जा उसीगे शत्रुओं जा बचासों|

आखिरकार, अती मीमग से गार राजु गे तरह परमेश्वर से अपिगे दगची तीगे राजा गे माग हुगसो| अती तीगे अइना राजा चिनखे निनचो जइ बुगथे हग तरथे लेलों, हग जइ युद्ध को उसीगे अगुवाई सुग तरसिलों|परमेश्वर जा अई निवेदन बुदे मलकचो, परन्तु अतिसे उसीजा अतना राजा दासों जसों उसीसे कथोसीदे निसो|