16. छुळावने वावु

योहोशून मोरनेन बादमा, इस्राईल माणसे परमेश्वरोन आग्या नि मान्या, रोयला कनानी माणसे देवोन नियम इ पाव्या. खोरला एने जीवतला देवोन आराधना नि कोरता इस्राईल माणसे कनानि देवोन पूजा कोरणे बाज गोया. इस्राईल मानसोन राजा नि होतु कोरीन तीनुक जोसो वारू लागे तोसो चे कोऱ्या.

इस्राईल माणसे हमेशा देवोन आग्या तुळ्या कोरीन, परमेश्वर तीनुलाजे तिंदरा दुश्मन साते हारावीन तीनुकाजे दोंड आप्यू. या इस्राईलोन दुश्मने इस्राईल मानसोन आखो चीजे चूर लेदला, एने तिंदरी धोनोन नाश कोऱ्या एने ठुलाक काजे मार देदा. घोणा सोवटा साल बादमा आग्यान पालोन नि कोरीन एने दुश्मनोन लारे दुख झेलीन बादमा तीनुकाजे पोछतावू होयू एने चे छुटकारान कोरता परमेश्वरोनचा आव्या.

ओवतेन परमेश्वर एक छुळावने वावाक मुकल्यू. जू तीनुकाजे दुश्मनोनचा गोथू छुळावलु एने तीनुकाजे शांती जुळी, बाकून ओवतेन इस्राईल माणसे विसरी गोया एने पोछा मूर्ती पूजा कोरणे बाज गोया. ओवतेन परमेश्वर साते वावा मिद्यानी मानसोन लारे तीनुक हाराव देदू.

मिद्यानी माणसे इस्राईल मानसो जू सात साल तिंदरो दाणा दुनि हापकता होता. चे घोणा बिह गोयाला होता एने चे मिद्यानीन हातोमा नि सापळे कोरीन गुफामा रोय्ने बाज गोया. आखरी चे वाचनेने कोरता परमेश्वरोनचा विनंती कोरणे बाज गोया.

एक दाहळू गीदोन नावोन एक इस्राईल माणूस मिद्यानी माणसे तिंदरा धोण काजे चुरनो नि जुवे कोरीन चू राखवावी कोरतू होतु. योहोवा परमेश्वरोन एक दूत आवीन कोयू, “हे बलवान वीर, परमेश्वर तार साते छे, जा एने इस्राईल मानसो काजे मिद्यानीन हातोम गोथू सुळाव लाव.”

गीदियोनोन बाबू एक मूर्ती वाटू वेदी बोनावलू होतु. गीदियोन काजे ची मूर्ती तुळने कोरीन कोयू. बाकून चू मांसोकाजे बिह्तु होतु कोरीन वू रात होयनेन वाट जुवतू होतु. ओवतेन चू राती तिनी मूर्ती काजे फुळ देदू मूर्ती वाटू बांदली वेदी साते चू जीवतला देवो वाटू एक नोवली वेदी बोनाव्या एने तेरे पोर जानवोरोन बली कोऱ्या.

दिसरे दाहळे तिना वेदिन नाश कोरदेदला देखीन घोणा रीसवाय गोया. ओवतेन चे गीदियोन काजे मारनेन कोरीन तेरे घोर गोया, बाकून गीदियोनोन बाबू तीनुक काजे कोयू, “तुमु तुमरा देवोन मतद कोरनेन कोरता काहा कोशिष कोरतेला. अगोर चू देव छे तेतार हेरो राखवावी हिनाक कोरणे देवू,” तेरो आसो कोयनेन बादमा चे गीदियोन काजे नि माऱ्या.

ओवतेन ओवी मिद्यानी माणसे इस्राईलोन दाणा चूरनेन कोरता आव्या. चे जुडा सोवटा, गीनाये नि होतराक होता. गीदियोन इस्राईल मांसोकाजे एकठा कोऱ्यू एने लोळायने कोरीन तीयार कोऱ्यू. गीदियोन परमेश्वरोनचा गोथू दुय चिन्ना मांग्यू ताकि मांसोकाजे मालूम होय जाय कि परमेश्वर छुटकारु आपने कोरता वापर कोरन्यू छे.

पेहलो चिन्न कोरीन, गीदियोन एक कापळा काजे धोरतीपोर मेक्यू एने परमेश्वर काजे कोयू कि वाहने सोन्दारे धोरती पोर नि बाकून निसतो कापळा पोरुत पोळनो जुवे. परमेश्वर तोसुत कोऱ्यू दिसरे राती, चू कोयू कि धोरती आखी भिगनो जुवे बाकीन कापळो भिगनो नि जुवे, परमेश्वर तोसोत कोऱ्यू. इना दुयू चिन्नान लारे पाको होय गोयो कि परमेश्वर तिंदरु इस्राईल काजे सुळावनेन कोरीन वापोर कोरसे.

32,000 इस्राईल सैनिक तीयार होया बाकून देव कोयू कि या घोणा सोवटा से कोरीन, लोळायनेन कोरता बिहवावा 22,000 काजे पोछू मुकली देदू. देव गीदियोन काजे कोयू कि या बी सोवटा छे, कोरीन 300 सैनिक काजे राखिन दिसराक आखा काजे मुकली देद्दा.

तिने राती परमेश्वर गीदियोन काजे कोयू, “तू मिद्यानीन घोरोवोखे जा एने चे काय कोयतला चे काय कोयतला चो सोमविन बिहतू घोणु.” कोरीन तिने राती चू तिंदरा घोरोवोखे गोयू एने एक जोन तेरो देखलो सोपनो एक मिद्यानी तेरा दोस्त काजे कोयतु होतु एने चो गीदियोन सोमवी लेदू. तिना सैनिकोन दोस्त कोयू, “इना सोपनान मतलब यो कि गीदियोनोन सैनिक मिद्यानीन सैनिक काजे हारावसे ओसो होयतलो.” गीदियोन यो सोमवीन देवोन आराधना कोऱ्यू.

ओवतेन गीदियोन तेरा सैनिकोनचा पोछू आव लाग्यू एने होर एक सिंगळो, एने एक दिवू आप्यू. मिद्यानी माणसे सुवता होता तिना खोपळा काजे घेरवी लेदा. गीदियोनोन 300 सैनिक तिंदरा मशालोम डूचराम मेक्या तेर मुळे तीनुकाजे विजावो देखायो नि.

एने ओवतेन गीदियोनोन सैनिक एकठा एकठा डूचरा फुळ्या एने माशालोन धोपतला काजे देखायने देदा. चे तिंदरी तिंदरी फेफऱ्या फुक्या एने आवाज कोऱ्या, “योहोवा परमेश्वरोन तलवार एने गीदियोनोन तलवार.”

परमेश्वर मिद्यानी काजे भोंगलाळ देदू एने चे तिंदरेमात झोगळू कोरणे बाज गोया एने मारणे बाज गोया, मिद्यानी काजे वाहलेन कोरता मदत कोरनेन कोरता रोयला इस्राईल मानसोकाजे तिंदरे घोर बुलावनेन कोरता घोर मुकल्या. चे गोणा सोवटा काजे मार देदा एने रोयला इस्राईलोन जागामा गाळ देदा, एने तीनेत दाहळे 120000 मिद्यानी सैनिक मोर गोया. देव इस्राईल मानसोन इना रीतीसी छुटकारु आप्यू.

माणसे गीदियोन काजे राजा बोनावनेन कोरता होता, बाकून गीदियोन मना कोर देदू, बाकून होर मिद्यानी मानसोजुव सोनान मुंद्या होता जो होया हापकी लेदला तिंदरे माईन लोकेत गीदियोन काजे आप देदा, एने थुलोक थोलोक चे राख लेदा.

ओवतेन गीदिययोन तिना सोनान एक माहायाजोक पेरतलु होसलो डोगला सारखो एक भारी माईन डोगलो बोनाव्यू, बाकून माणसे तिना डोगलाक एक मूर्ती कोरीन पूजा कोरणे बाज गोया ओवतेन परमेश्वर इस्राईल पोर ओवी रीसवायू काहाकी चे ओवी मूर्ती पूजा कोरणे बाज गोयला. परमेश्वर हिंदरा दुश्मन काजे हीनु कारावने देदू आखरीमा चे देवोन मदत मांग्या एने देव तिंदरेन कोरता दिसरू छुळावने वावु मुकल्यू

या वाटे घोणा कावा होयता रोया, इस्राईल माणसे पाप कोरता रोयसे एने परमेश्वर तीनुक दोंड आपतू रोयसे, चे पाछ्तावू कोरता रोयसे, एने परमेश्वर तीनुकाजे छुळावने कोरीन कुदा काजे मूकलतु रोयसे. घोणा सोवटा साल तोक परमेश्वर सुळावने वावाक मुकल्यू जे इस्राईल मानसो काजे, तिंदरा दुश्मनसी वाचाळ लेदू.

आखिर, चे माणसे दिसरा देशोन तोसा, एक राजान मांग कोरणे बाज रोया. चे ओसलु राजान मांग कोरता होता जू उचुत एने ताकद वावु जू लोळायमा तिंदरी अगवाई कोर सोके. परमेश्वर काजे हिंदरी मांग नो गोवी, बाकून तेबी परमेश्वर तिंदरी मांगोन अन्सारे आप्यू.