24. योहानोन येसुक बाप्तिस्मा आपनो

एलीशिबा एने जकर्याहन पुऱ्यू योहान, मोटू होयीन एक भविष्य कोरता बोन गोयू. चू बोयळामा रोया कोरतू होतु, एने जंगली माहाव एने टीड्या खाया कोरतू होतु, एने उटळान रोमसी बोनला डोगला परतू होतु.

घोनान सोवटा माणसे योहानोन वाते सोमोवने कोरीन बोयळामा जाता होता. चू यो कोयीन प्रचार कोरणे बाज गोयू कि, पश्चाताप कोरु, काहाकी सोरगोन राज साते छे.”

जेतार माणसे योहानोन प्रचार सोमव्या, ती तिन्दरेमा गोथा घोणा सोवटा माणसे तिन्दरा पापोन पश्चाताप कोऱ्या, एने योहान तीनुक बाप्तिस्मा आप्यू. योहान काजे देखणे धोरमी अगवा बी आव्या, बाकून चे तिन्दारा पापोन पश्चाताप या अंगीकार नि कोऱ्या.

योहान धोरमी अगवा काजे कोयू, “हे जेहेर वावा सापे, पश्चाताप कोरु एने तुमरा चाल चलन काजे बोद्लावू . देव हेर एक तिना झाड काजे काट नाखसे जो वारलो फोव नि आपे, एने चू तीनाक आगठामा नाख देसे.” जो भविष्य कोरता कोयला होता चो योहान पुरो कोऱ्यू, “देख छाटूस मे तारे ओगोव मारा वाते कोयने वावाक मुकलीस जू तारेन कोरता वाट काजे तीयार कोरसे.”

काहीन धोरमी अगवा याहान काजे पुच्छ कि काय तू मसिह छे? योहान जवाब आप्यू, “ मे मसिह नि होय, बाकीन चू मार बाद आवसे. चू ओतरू मोटू छे कि मे तेरा चाट्यान बोंद निकावनेन लायक नि होय.”

ओगले दाहळे, येसू बाप्तिस्मा लेनेन कोरता योहानोनचा आव्यू. जेतार योहान तीनाक देख्यू ती चू कोयू, देखू देवोन गाडरू जू संसारोन पाप काजे हाकलसे.”

योहान य्व्सू काजे कोयू, “मे तुसेक बाप्तिस्मा आपनेन लायक नि होय, बाकीन उलटो मेसेक तार हातसी बाप्तिस्मा लेनेन गोरोज छे” बाकीन येसू कोयू, “तु मेसेक बाप्तिस्मा आपनो जुवे, काहाकी कोरनेन कोरता यी वारली टेम से.” आखरी योहान येसू काजे बाप्तिस्मा आप्यू, जबकी येसू कोबी पाप नि कोऱ्यू.

बाप्तिस्मा आपनेन बाद जेतार येशू पानीम गोथू बारथे निकव्यू ती देवोन आत्मा परवान तोसो देखाय पोळ्यो एने नेचो आवीन तेरेपोर बोस गोयो. तिनेत टेमे, देवो सोरगोम गोथू वात कोऱ्यू. चू कोयू कि, “तू मारू पुऱ्यू छे, मे तारसी मोंग कोरो, एने मे तारेसी घोणु खुश छे.

देव योहान काजे कोयलु होतु, “पवित्र आत्मा नेळी आवीन कुदा पोर बोठसे जीनाक तू बाप्तिस्मा आपीस.” चू देवोन पुऱ्यू छे, देव एकुत छे. बाकीन जेतार योहान येसू काजे बाप्तिस्मा आप्यू ती चू देवो बास साते वात कोरतलु सोमव्यु, पुऱ्यू देवोकाजे देख्यू, जू कि येसू छे, एने चू पवित्र आत्मा काजे देख्यू.