16. छुड़ामा वाले

यहोशू के मरे के बाद इस्राएली परमातिमा के अनादर करीन। ऊँ परमातिमा के नियम का पालन नई करीन, अऊ ऊँ व वाचा के देस से बचे कानानीन का बाहर नई निकालीन। इस्राएली अपने सच्चा परमातिमा यहोवा का छोड़ के कानानीन के देऊतन के उपासना करे का चालू कर दईन। इस्राएलीन के पास कोनो राजा नई रहो आ, एखे बजे से जेही जऊन सही लगो वहे करीन।

परमातिमा के आज्ञा न माने के द्वारा इस्राएली एकठे नियम सुरु कर दईन। जेही केतना बार दोहराव गे रओ ह। य नियम अइसा चलो कुछ साल तक कि अगर इस्राएली परमातिमा के आज्ञा न मनही तब, ऊँ उन्हीं उनखे शत्रुन से पराजित करे के द्वारा दंड दईहीं। ईं शत्रु इस्राएल से उनखे चीजन का लूट लईहीं। उन्खर जायजात का नाश कर दईहीं, अऊ उनखे म से बहुत का मार डलहीं। फेर जब इस्राएल के शत्रु उनखे ऊपर कई साल तक अत्याचार करहीं, ओखे बाद इस्राएली अपन पाप से पछतईहीं अऊ परमातिमा से उन्हीं बचामे का प्रार्थना करहीं।

हर बेर जब इस्राएली पछतईहीं त परमातिमा उन्हीं बचईहीं। ऊँ एकठे छुड़ामा वाले के द्वारा अइसा करहीं – एकठे अइसा मनई जऊन ओखे शत्रुन के विरुद्ध लड़हीं अऊ उन्हीं हरईहीं। तब देस म शांति होई अऊ व छुड़ामा वाले उनखे ऊपर सासन करी। परमातिमा ऊँ मनईन का बचामा के लाने बहुत सारा छुड़ामा वालेन का भेजहीं। परमातिमा पास म के एकठे शत्रु जाति, मिद्यानीन के द्वारा इस्राएलीन का पराजित करवामा के द्वारा फेर से अइसा करहीं। " मिद्यानीन सात साल तक इस्राएलीन के फसल का लूटीन। इस्राएली मनई बहुत डेरा गें, अऊ ऊँ गुफा म छुप गें कहेसे मिद्यानी मनई उन्हीं ढूंढ़ न पामा। आखिर म उन्हीं बचामा के लाने ऊँ परमातिमा क पुकारीन। "

गिदोन नाम के एकठे इस्राएली मनई रओ ह। एक दिन, व एकठे गुप्त जगह म गेहूं झाड़त रओ ह कहेसे कि मिद्यानी मनई उन्हीं चोरा के न लई जायँ। यहोवा के स्वर्गदूत गिदोन के पास आके ओसे कहीन, “हे शूरवीर सुरमा, परमातिमा तोर साथ ह, जा अऊ इस्राएलीन का मिद्यानीन से बचा।”

गिदोन के पास मूर्ति का समर्पित एकठे वेदी रईहीं । सबसे पहले बात जऊन परमातिमा गिदोन करे के लाने कहीन व बात व वेदी का रओ ह। पर गिदोन मनईन से डरत रय हें एहीसे व रात होय का ओरगे रओ ह। तब व वेदी का टोर के टुकड़ा-टुकड़ा कर दईस। व परमातिमा के लाने एकठे नई वेदी बनाईस। अऊ वमा परमातिमा के लाने बलि चढ़ाई।

आगे सबेरे मनईन देखिन कि कोऊ वेदी का टोर के टुकड़ा-टुकड़ा कर दईस, एखे बजे ऊँ बहुत गुस्सा होईगें। ऊँ गिदोन का मार डाले के लाने ओखे घर गें। पर गिदोन के बाप कहिस, “तुम कहे अपने देवता के सहायता करे के परयास करते ह? अगर व देवता आय त ओही अपन रक्षा खुद करन दया।” कहेसे व अइसा कहे रओ ह एही से मनई गिदोन का नई मारीन।

तब इस्राएली का लूटय के लाने मिद्यानी मनई फेर से आयँ। ऊँ इतना सारा रए हें कि उन्खर गिनती भी नई करे जा सकत रहो। गिदोन उनखे खिलाफ लड़े के लाने इस्राएलीन का एक साथ बुलाईस। गिदोन परमातिमा से दू ठे चिन्ह मांगीस ताकि ओही बिस्वास होई जाय कि परमातिमा सच म ओसे इस्राएल का बचामा का कहत हें।

पहिला चिन्ह के लाने, गिदोन भेंड़ के ऊन का भुईयाँ म रख के परमातिमा से कहिस कि सबेरे के ओस सिर्फ भेंड़ के व ऊन म पड़ा अऊ भूईयाँ म न पड़य। परमातिमा अइसा ही करीन। अगले रात व परमातिमा से कहिस कि भूईयाँ गिला होई जाय पर भेंड़ के ऊन सूख रहा। परमातिमा अइसा ही करीन। ईं दू ठे चिन्ह के कारन, गिदोन बिसवास करिस कि परमातिमा सच म इस्राएलीन का मिद्यानीन से बचामा का चाहत हें।

तब गिदोन सैनिक का अपने पास बुलाईस अऊ 32 हजार मनई आएँ। पर परमातिमा कहीन कि ईं बहुत ज्यादा हें। गिदोन ऊँ सब 22 हजार का घर वापस भेज दईस जऊन लड़े से डेरात रए हें। परमातिमा गिदोन से कहिन कि ईं मनई बहुत ज्यादा हें। तब गिदोन तीन सौ सैनिक का छोड़ के सब क घर भेज दईस।

व रात परमातिमा गिदोन से कहीन, ”मिद्यानी के छाउनी म जा अऊ उन्हीं बात करत सुन। जब तें सुने कि ऊँ का बता थें तब तें उनखे ऊपर हमला करेसे न डरीहे। एहीसे व रात गिदोन नीचे उनखे छाउनी म ग अऊ व एकठे मिद्यानी सैनिक का ओखे मित्र से बात करत सुनीस, जऊन व सपना म देखे रओ ह। व मनई के मित्र कहिस, “य सपना का अर्थ य हबा कि; “गिदोन के सेना हमरे मिद्यानीन सेना का हरा दईहीं ।” जब गिदोन य बात का सुनीस त व परमातिमा के स्तुति करिस।

तब गिदोन अपने सैनिक के पास लऊटो अऊ उनमन से हर झन का एक-एकठे नरसिंगा, एकठे माटी के बर्तन, अऊ एकठे मशाल दईस। ऊँ व छाउनी का घेर लईन जहाँ मिद्यानी सैनिक सोऊत रए हें। गिदोन के तीन-सौ सैनिक अपन मशालन का पात्र म ढंके रए हें। एखे बजे से मिद्यानी मनई ऊँ मशालन के प्रकाश का नई देख पाईन।

तब गिदोन के सब सैनिक अपन पात्र का एक ही समय म टोर के अचानक से मशालन म आग जला दईन। ऊँ अपन नरसिंगा फूँकीन अऊ चिल्लाईन, “यहोवा के अऊ गिदोन के तलवार!”

परमातिमा मिद्यानीन का घबरा दईन, एखे बजे से ऊँ एक-दूसरेन का मारा-काटा लगें। तुरंत गिदोन ऊँ संदेसवाहकन का बहुत से अन्य इस्राएली मिद्यानीन के पीछा करां म उन्खर सहायता करे का बुलामा का भेजिस। ऊँ उनमन से बहुतन का मार डालीन अऊ बहुतन के पीछा करके उन्हीं इस्राएल देस से बाहर निकाल दईन। एक लाख बीस हजार मिद्यानी मारे गें। अइसा करके परमातिमा इस्राएलीन का बचाईन।

ऊँ मनई गिदोन का अपन राजा बनामा का चाहत रए हें। पर गिदोन उन्हीं अइसा नई करन दईस, पर व उनसे सोना के आभूषण मांगीस जऊन उनमन से हर कोऊ मिद्यानीन से लूटे रए हें। ऊँ मनई बड़ी मात्रा म गिदोन का सोना दईन।

गिदोन व सोना से एकठे बिसेस वस्त्र बनाईस। जइसा कि महायाजक पहिने करत रए हें। पर मनई वाखर उपासना करे का सुरु कर दईन जइसे कि व एकठे मूर्ति हो। तब परमातिमा फेर से इस्राएल का दंड दईन। कहेसे कि ऊँ मूर्ति के उपासना करत रए हें। परमातिमा उनखे शत्रुन का उन्हीं पराजित करे म सक्षम करीन। आखिरकार ऊँ फेर से परमातिमा से सहायता करे के लाने प्राथना करीन, अऊ परमातिमा उनखे पास उन्हीं बचामा के लाने एकठे दूसर छुड़ामा वाला का भेजिन।

य कई बार घटत होईग रओ ह, इस्राएली पाप करहीं परमातिमा उन्हीं दंड दईहीं, ऊँ पश्चाताप करहीं, अऊ परमातिमा उन्हीं चुड़ामा के लाने कोनो न कोनो का भेजहीँ। केतना साल तक परमातिमा बहुत से छुड़ामा वालेन का भेजिन। जऊन इस्राएलीन का शत्रु से बचाईन।

आखिरकार मनई दूसर देस के जइसे, परमातिमा से अपन लाने राजा के मांग कर दईन ऊँ अइसा राजा चाहत रए हें जऊन लम्ब, शक्तिशाली हो, अऊ जऊन युद्ध म उन्खर अगुवाई कर सका। परमातिमा का य निवेदन पसंद नई आव पर तबहूँ ऊँ उन्हीं वईसा राजा दईन जइसा ऊँ मांगे रए हें।