18. इसराईला रा दो भागा च बटना

दाऊदा ने चाली साला तक शाशन कितया। तब से मरी गया, तब तिसरे बेटे सुलेमाना ने इसराईला पर राज करना सुरु कितया। परमेसवरा ने सुलेमाना कने बात किती ओर पुछया बई तु कया करना चा जो अऊ ता खतर करु। सुलेमाना ने बोलया बई से तिसौ बहुत समझदार बनाई दे। परमेसवर तिसरी बाता ते बहुत खुस हुआ ओर तिसौ दुनिया रा सबी ते समझदार आदमी बनाई ता। तब सुलेमाना ने बहुत बाता सिखीया ।ओर से ईक समझदार राजा था। परमेसवरा ने तिसौ बहुत अमीर बनाया।

यरुशलेमा च सुलेमाना ने से मंदिर बनाया जिते री योजना तिने अपनै पिता कने किती थी ओर समान कट्‍ठा किता था। अब लोक परमेसवरा री महिमा मिलाप वाले तम्बुआ री जगह मंदिरा च करा थे ओर बलि चडा थे। परमेसवर मंदिरा च रेया था, ओर अपने लोका कने रेया था।

पर सुलेमाना ने दुजे देसा री ओरता कने प्‍यार किता। तिने बहुत सारी (1,000) ओरता कने बया किता ओर परमेसवरा री बात नी मानी! ईते खतर कि से दुजे देसा ते आईरीया थिया ओर अपने देवता बी साथी लयारिया थिया ओर तिना रि पुजा बी करदिया रहीया। जब सुलेमान बुडा हुई गया तब तिने बी तिना रे देवता री पुजा किती।

परमेसवर सुलेमाना कने बहुत गस्‍सा था। ईते खतर तिने बोलया बी अऊ इसराएला जो दो हिसे च बडंगा इया अऊ तिजो दडं देगा। ओर ऐ सुलेमाना रे मरनै ते बाद हुणा।

सुलेमाना रे मरने ते बाद, तिसरा बेटा रहबाम राजा बणया। इसरयल देसा रे सारे लोक तिसो राजा मानने खतर ईक जगह कठठे हुए। तिने लोका ने रहबामा कने बोलया बई सुलेमाना ने तिना ते बहुत जयादा काम करवाया ओर बहुत सारा लगान बी लेया। तिने रहबामा कने विनती किती की अब तिना ते कम काम करवाणा।

रहबामा ने तिना जो बहुत बुरा जबाब दिता, बई तुसे बोलाए, “मेरे पिता ने तुसा ते बहुत काम करवाया अऊ तुसा ते तिते बी जयादा काम करवागा, ओर तिस ते बी जयादा तगं करगा।”

जब लोका ने तिसो ऐ बोलदे सुणया तो कईया ने तिस कने बुरा सोचया। दस कुला ने तिस रा साथ छडिता,अब तिस कने बस दो कुल ही थे ईना दो कुला ने अपु जो यहुदा रा राजा बोलया।

बाकी जो दस कुल थे तिने यारोबाम नामा रे आदमी जो अपना राजा बणाईला। ऐ कुल देसा रे ऊतर ओर पुरबा च थे। तिने अपु जो इसरईला रा नाम दिता।

पर यारोबामा ने परमेसवरा रे खिलाफ बगाबत किती ओर लोका ते पाप करवाया। तिने अपने लोका ते पुजा पाठ करने जो दो मुरतिया बनाई। से अब यहुदा रे राजय यरुशलेमा च परमेसवरा री अराधना करने जो नी गे।

यहुदा ओर इसरायल रे राज्‍य अब आपसा च दुसमन बनीगे ओर ईक दुजे कने लडनै लगै।

इसरायला रे नवे राज्‍य च, सारे राजा पापी थे। ईना मे ते कई राजा री जगह खतर बननै जो इसराएला कने लडाईया च मारे गए

इसराइला रे सारे राज्‍य रे राजा ने ओर बहुत लोका ने मुरती पुजा किती। जब तिने ऐडा कितया, तब से हमेसा दुजी ओरता गे गे ओर कई बार अपने बचचै मुरतीया गे बलि किते।

यहुदा राज्‍य रे राजा, दाऊद कुला रे थे। ईना राजाओ च कई अच्‍छे लोक भी थे तिनै ईमानदारीया कने राज किता ओर परमेसवरा री महिमा किती। पर यहुदा रे जयादातर राजा पापी थे। तिनै पाप किता ओर मुरतिया री पुजा किती। ईथी तक कि तिने चुठे देवताओ रे आगे अपनै बच्‍चे बलि किते। यहुदा रे लोका ने बी परमेसवरा रे खिलाफ बगाबत किती ओर मुरति पुजा किती।