19. परमेसवरा रे भविश्यवकता

परमेसवर सदा इसराईला गे अपना सन्देस पेजदा रेया था परमेसवरा रा सन्देस भविष्‍यवक्‍ता सुणा थे ओर लोका जो बता थे।

जब अहाब इसराइला रा राजा था तब एलियाह भविष्‍यवक्‍ता था। अहाब इक बुरा आदमी था। तिने चुठे बाल जो देवता बनाया ओर लोका जो तिसरी पुजा करने खतर बोलया। इते खतर एलियाह ने अहाबा जो बोलया बई परमेसवर तुसा लोका जो सजा देना चा। तिने तिना जो बोलया,बई जब तक अऊ ना बोलु तब तक ना बरखा हुणी ना ओस पडनी। इस बाता जो सुणी के अहाब बहुत गुसा हुआ ओर तिने एलियाह जो मारने री सोची।

परमेसवरा ने एलियाह जो बोलया बई से बणा च जाईके अहाब ते छुपी जाओ एलियाह बणा च तिस चरने गे गया जिथी परमेसवरा ने तिसौ बोलया था सवेरे ओर सनजा, पंछी तिसो रोटी ओर मास ला थे। अहाब ओर तिसरी सैना इस टैम एलियाह जो टोलदी रेइ, पर से तिना जो नी मीलया ।

बरखा ना हुणे रे कारण से चरना सुखीगा। ईते खतर एलियाह नजदीक ही इक नगरा च चलीगा। तिस नगरा च इक गरीब ओरत थी जिसा गे ईक बेटा था। तिसा गे खाने जो कुछ नी था बरखा ना हुणे रे कारण। तब बी, तिसे एलियाह री सेवा किती, ईते खतर परमेसवरा ने तिसा री ओर तिसा रे बेटे री जरुरत पुरी किती, तिसा रा आटा ओर तेला रा पाडां कदी खाली नी हुआ। तिस सुखे रे समय बी तिसा गे अनाज था। एलियाह कुछ साला तक तिथी रेया।

साढे तिन साला बाद, परमेसवरा ने एलियाह जो बोलया बई से फेर बरखा करगा। तिने दुबारा एलियाह जो वापस इसराइल जाईके अहाबा कने बात करने जो बोलया। तब एलियाह अहाबा गे वापस गया। जब अहाबा ने तिसो देखया तब बोलया, तु ही मुसीबता री जड! एलियाह ने बोलया, मुसीबत पैदा करने वाला तो तु आ! ते परमेसवरा जो नी मानया। से ही सच्‍चा परमेसवर आ, पर तु बाल देवता री पुजा करा। अब तिजो इसराइला रे सारे लोका जो लेइके कर्मेल री चोटीया पर आवणा पडना।

तब सारे लोक कर्मेल परवता पर गे। इना कने से लोक बी थे जो अपु जो बाल भविष्‍यवक्‍ता बोला थे से 450 थे एलियाह ने तिना जो बोलया, “बई कदिया तक तुसे अपने मना जो फेरना? अगर यहोवा परमेसवर आ तो तिसरी मानो! अगर बाल परमेसवर आ तो तिसरी मानो।”

एलियाह ने बाल भविष्‍यवक्‍ता जो बोलया, “बई, ईक बेदी बनाओ ओर तिते पर ईक बैल बलि करीके रखो, पर आग नी लगानी। तिते बाद अऊ बी तेडा ई करगा, ओर लग बेदीया पर तिते मासां जो रखगा। तब अगर परमेसवरे बेदीया पर आग बरसाई तो तुसाओ मनना पडना बी सेई सच्‍चा परमेसवरा।” तब बाल भविष्‍यवक्‍ता ने बलि तैयार किती पर आग नी लगाई।

तब बाल रे भविष्‍यवक्‍ताओ ने बाल कने प्राथना किती, “हे बाल देवता बई मारी सुन!” पुरे दिन जोरा जोरा कने बोले ओर चाकुआ कने अपु जो मारया, पर बाल ने नी सुणी, ना आग बरसाई।

बाल देवते रे भविष्‍यवक्‍ताओ ने पुरे दिन प्राथना किती। पर कुछ नी हुआ। तब एलियाह ने दुजी बलिया रा मास परमेसवरा री बेदिया पर रखया। तिते बाद, तिने लोका जो बोलया बई बलिया पर तब तक पाणी पाओ जब तक पुरा मास लकडिया ओर बेदीया रे आस पासा री तरती सीनी ना हुई जाओ।

तब एलियाह ने प्राथना किती, “हे यहोवा, अबराहम, इसहाक, याकुबा रे परमेसवर, असा जो बताओ बई तुसे ही इसराईला रे परमेसवर है ओर अऊ तुसा रा दास आ। मीनजो बताओ ताकि ईना लोका जो तुसा पर यकिन हो बई तुसेई सच्‍चे परमेसवर आ।”

तिसी समय, आसमाना ते आग पडी तिते च मासं लकडिया,पाथर, माटी, ओर बेदीया रे ओरे परे रा सारा पाणी जलाई ता। जब लोका ने ऐ देखया, तब से तरतिया पर गिरीगे, ओर बोलने लगे! “यहोवा ई परमेसवरा! यहोवा ई परमेसवरा।”

एलियाह ने बोलया, “बाला देवते रा ईक बी भविष्‍यवक्‍ता बचना नी चाईए।” ईते खतर लोका ने बाल भविष्‍यवक्‍ताओ जो पकडी लेया ओर तिना जो लग लेई के मारीता।

एलियाह ने अहाब राजे जो बोलया, बई अपने करा जो चली जा, बरखा हुणे वाली। तब ईक दम बादल आइगे, ओर बहुत बरखा सुरु हुई गी। यहोवा तिस अकाला जो खतम करने लगीरा था। ताकी सबी जो पता लगो बई यहोवा ही सच्‍चा परमेसवरा।

एलियाह ने जब अपणा काम खतम करीता, तब परमेसवरा ने एलीशा नामा रे आदमीया जो अपणा भबिशय वक्‍ता बणाया। परमेसवरा ने एलीशा ते बहुत सारे चमतकार किते। ईक चमतकार नामान नामा रे आदमीया कने हुआ। से दुसमना री सेना रा सरदार था, पर तिसो चमबडी री बमारी थी। नामान ने एलीशा रे बारेच सुणया, तब से एलीशा गे आया ओर तिसो अपणा लाज करने जो बोलया। तब एलिशा ने तिसो बोलया बई यरदन नामा री नदिया च जाईके सात बार तिते च डुबकी लगाईले।

नामान ऐ सुणी के गुसा हुई गया, तिसो ऐ काम ठीक नी लगया। पर बादा च से मानी गा ओर यरदन नदिया च डुबकी लगाई। तब से आखरी डुबकीया ते बाद परमेसवरा ने तिसो ठीक करीता।

परमेसवरा ने इसराइला रे लोका गे ओर बहुत सारे भविष्‍यवक्‍ताओ पेजे। तिने सबी जो बोलया बई मुरतिया री पुजा करनी बदं करीदो। ओर ऐक दुजे कने सुले ओर पयारा कने रेओ। भविष्‍यवक्‍ताओ ने लोका जो बोलया बई बुरे काम करना बदं करीदो ओर परमेसवरा री बाता पर चलना। जे तिना लोका ने ऐडा नी कितया तो परमेसवर तिना जो देखगा, ओर तिना रा नयाए करगा। ओर तिना जो सजा देगा।

बहुत समय तक, तिने लोका ने परमेसवरा री बात नी मानी। तिना लोका ने भविष्‍यवक्‍ताओ कने बहुत बुरा चलन किता ओर कईया जो तो मारीता। ईकबार, तिने यिरमीयाह नामा रे भविष्‍यवक्‍ता जो सुकीरे कुऐ च फेकीता ओर तिथी ते चलीगे। से कुऐ रे चिकडा च फसीगा। तब तिथी रे राजा जो तिस पर दया आइगी ओर तिने सैनिका जो बोलया बि यिरमीयाह जो मरने ते पेले बार कडी दो।

भविष्यवकताओ ने परमेसवरा री तरफा ते बोलणा बदं नी कीता लोक तिना ते नफरत करा थे। तिने बोलया बई जे तिने परमेसवरा री बात नी मानी तो परमेसवर तिना जो खतम करी देगा तिने लोका जो बोलया बई परमेसवरा ने तिनागे मसीह जो पेजने रा वायदा कितिरा।