21. परमेसवर यीशु मसीहा रे आवणे रा वादा करा

परमेसवरा ने जब ससारां री रचना किती थी, तब तिसो पता था बाई ईक दिन मसीह जो तरतिया पर पेजना पडना। तिने आदम ओर हव्‍वा कने वादा किता था से ऐडा करगा। तिने बोलया, “बई हव्‍वा ते इक कुल हुणा जो सांपा रे सिरा जो मारगा।” जिने सापा ने हव्‍वा जो तोखा दितया था से शैतान था। परमेसवरा रा मतलब था बई से शैताना जो हराई देंगा।

परमेसवरा ने अबराहमा कने वादा किता था कि तेरी बजय ते सारे ससांरा री जातीया जो आसीस मिलनी। परमेसवर किसी बी समय मसीह जो पेजीके अपनी वादे जो पुरा करगा। मसीह ससांरा रे सब लोक ओर जातिया जो पापा ते छुडागा।

परमेसवरा ने मुसा कने वादा किता था कि आनेवाले समय च से मुसा साई ईक ओर भविशयवक्‍ता पेजगा। ओर से मसीह हुणा। ईते खतर परमेसवरा ने दुबारा वादा किता बई से मसीह जो पेजगा ।

ने दाउदा कने वादा किता था बई तिसरा ईक वशं मसीह हुणा। से राजा बनना ओर परमेसवरा रे लोका पर सदा दया परमेसवरा करगा।

परमेसवरा ने यिमरयाह भविशयवक्‍ता कने बात किती बइ से इक दिन नया वादा करगा। ओर से वादा पुरानी वादा जो सीनै परवता पर किता था तेड़ा नी हुणी। जब लोका सामने नया वादा करणा, तब तिने अपु जो आदमी या रे रुपा च सबी जो दखाणा। सारे लोका ने तिस कने प्यार रखणा ओर तिसरी बात मानणी। से तिसरे लोक हुणे, तब परमेसवर तिना रे पापा जो माफ करगा। से मसीह हुणा ओर परमेसवरा रा नया वादा लोका कने करगा।

परमेसवरा रे भविशयवकता ने बोलया बई मसीह ईक भविशयवकता हुणा। भविशयवकता से हुआ जो परमेसवरा री बात सुणी के लोका जो बता। जिसो जो पेजणे रा परमेसवरे वादा किता था से मसीह ईक बडा भविशयवक्‍ता हुणा। मसीह परमेसवरा रे सन्देस सुणी के, लोका जो सुलै समजागा।

इसरायली रे लोक परमेसवरा जो बलि चडादे रे ऐ बलिया जो लोका ने परमेसवरा खतर जो पाप कितया तिते खतर तिस रे स्थाना पर चडा थे। याजका ने तिना लोका खतर माफि बि मंगी, पर मसिह जो, इक सिध पुरुस हुणा जिने अपु जो परमेसवरा खतर बलि करगा। तिने कदी पाप नी करना ओर अपु जो बलि करगा तिते बाद दुबारा दुनिया जो किसी ओर बलिया री जरुरत नी पडनी।

राजा ओर मन्तरी लोका पर राज करा थे, ओर गलतिया भी करा थे। राजा दाऊदा ने इसराइला पर राज कितया ,पर राजा दाऊदा रा कुल सारे ससांरा पर राज करगा, ओर सदा खतर इते बाद से इमानदारिया कने न्याए करगा, ओर लोका कने ठीक फैसला करगा।

परमेसवरा रे भविशयवक्‍ता ने मसीहा रे बारे च बहुत बाता कितिया। जिया कि, मसीहा ते पेले इक होर भविशयवक्‍ता आऊणा। से बहुत जरुरी आ । ईते बाद, यशायाह ने बोलया, “बई मसीह ईक कुबारी ते जमणा।” ओर मीका भविशयवक्‍ता ने बोलया, “कि मसीह बैतलहम नगरा च जमणा।”

यशायाह भविशयबक्‍ता ने बोलया बी मसीह गलील देसा च रेणा। जो लोक दुखा चे मसीह तिना जो सुख देगा। से जेला च बदं लोका जो बार नकालगा। मसीह जो लोक बमारीया च जो टोने, देखी नी सकदे, गलाई नी सकदे, चली नी सकदे, तिना जो ठीक करगा।

यशायाह भविशयवक्‍ता ने बोलया, “बई लोक मसीह कने नफरत करगे ओर तिसो मानने ते ना करनी।” ओर भविशयवक्‍ता ने बोलया, “बई मसीह रा ईक साथी तिसरे खिलाफ बोलगा।” जकरियाह भविशयवक्‍ता ने बोलया, “बई तिसरा ये साथी ऐडा करने खतर दुजए लोका ते चादिया रे 30 सिक्‍के लेगा।” ईते लावा, ओर भविशयवक्‍ताओ ने बोलया, “बई लोक मसीह जो मारी देगे, ओर तिसरे कपडेया खतर जुआ खेलगे।”

भविशयवक्‍ताओ ने एबी बोलया बि मसीह किया मरना। यशायाह ने भविशयवाणी किती बई लोक मसीह पर थुकगे, तिसरा मजाक करगे, ओर तिसो कुटगे। से तिसरे आथा पैरा जो किला कने छेदी देगे ओर वह बडी पीड़ा ओर दुखा कने मरी जाणा, तिने कुछ बी गलत नी कितरा हुणा।

भविश्यवकताओ ने बोलया बई मसीह पाप नी करगा। से पुरे तरीके कने समपुरन हुणा। से ईते खतर मरना परमेसवरा तिसो दुजे लोका खतर सजा देगा। तिसरे मरने ते लोक परमेसवरा कने मेल मिलाप करने जो तैयार रेणे। ईते खतर परमेसवर चा बई मसीह मरे।

भविश्यवकताओ ने ऐबी बोलया, “बई परमेसवर मसीह जो मरीरे मिजा ते जीन्‍दा करगा।” इते पता लगा बी ऐ नई वाचा जो पुरा करने री परमेसवरा री योजना थी, बि से तिना लोका जो बचाई सको जिने तिसरै खिलाफ पाप कितया।

परमेसवरा ने भविश्यवकताओ पर मसीह रे बारे च कई सारी बाता जो बोलया, पर मसीह तिना भविश्यवकताओ रे किसी रे बि सामने नी आया। इना भविश्यवकताओ रे आवणे रे 400 साला बाद बी, ठीक समय पर परमेसवर मसीहा जो इस ससांरा च पेजगा।