22. युहना रा जन्म
बिते समय, परमेसवरा ने अपने भविश्यवकताओ कने बात किती ईते वजय ते से लोका कने बात करी सके।तिते समय बाद 400 साला तक तिने तिस कने बात नी किती।तब परमेसवरा ने जकरियाह नामा रे भविश्यवकता गे ईक स्वर्गदूत पेजया। जकरियाह ओर तिसरी घरवाली एलिशिबा परमेसवरा जो बहुत माना थे। से बहुत बुडे हुई गे थे, ओर तिना रे कोई बच्चा नी था।
तिस सवर्गदूत ने जकरियाह जो बोलया, “तेरी घरवाली या जो ईक बेटा हुणा। तिसरा नाम तुसे युहना रखना। परमेसवर तिसो पवितर आतमा कने परगा, ओर युहना लोका जो मसीह जो पाने खतर तैयार करगा।” जकरियाह ने बोलया, “अऊ ओर मेरी घरवाली बच्चे पैदा करने जो बहुत बुडे है मिनजो किया पता लगना बई तुसे सच बोलने लगीरे।”
सवर्गदुता ने जकरियाह जो बोलया, “बई तगें इस सदेसा जो बताने खतर मिनजो परमेसवरा ने पेजिरा। ते मा पर यकिन नि कितया, ईते खतर जब तक तेरे बच्चा नी हुदा तब तक तु बोली नी पाणा,तिस समय जकरियाह री जुबान बन्दं हुई गी। तब से सवगदुत तिथी ते चलीगा। तिते बाद, जकरियाह घरा जो वापस आई गा अब तिसरी घरवाली पेटा ते थी।”
एलिशिबा अब छ; मीने पैटा ते थी, तब से सबगदुत ईक दम ही एलिशिबा रे रिसतेदारा गे आया, जिसा रा नाम मरियम था। मरियम अबु कुआरी थी ओर तिसा री सगाईं युसुफ नामा रे आदमीया कने हुई गी थी। सवरगदुता ने बोलया, “बई तु पैटा ते हुणी ओर तेरे ईक बेटा हुणा।” ओर तुसे तिसरा नाम यीशु रखना। से सरव शक्तिमान परमेसवरा रा बेटा हुणा ओर तिने सदा राज करना।
ने बोलया, “बई ऐ किया हुणा; अऊ तो कुआरी आई?” सवर्गदूत ने समझाया, “बई पवितर आत्मा ता पर आऊणी, ओर परमेसवरा री आसिस ता पर रेणी। ईते खतर से बच्चा पवितर हुणा, ओर परमेसवरा मरियमा रा पुतर हुणा।” जो तिने सवर्गदूत बोलया, तिते पर मरियमा ने विसवास किता।
तिसी समय, मरियमा एलिशिबा कने मिली। जिया ई मरियमा ने तिसा जो नमसते किती, एलिशिबा रा बच्चा तिसा रे पेटाच कुमया। तिना खतर परमेसवरे जो कितया था तिते खतर से दोनो बहुत खुस थी। एलिशिबा कने तीन महीने रेंणे ते बाद, मरियम करा जो आईगी ।
ईते बाद, एलीशिबा ने अपने बचचे जो जनम दिता। जकर्याह ओर एलिशिबा ने तिस बच्चे रा नाव युहन्ना रखया,जेडां की सवर्गदूता ने बोलया था। तिते बाद जकर्याह बोलने लगीगा, परमेसवरा रा गुनगान हो, अब तिने अपने लोका री मदद करने जो याद रखया! ओ मेरे बच्चा,तु सर्व शकितमान परमेसवरा रा भविशय वकता हुणा। तु लोका जो बतागा बई से अपने पापा री माफी किया मंगी सकाए ।
लूका पाठ 1 ते ईक बाइबला दी काणी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।