11. त्यार

परमेशरे मूसा ओर हारुणो खे फिरौनो रे नेड़े ए बोलणे खे पेजे की इस्राएलिया खे जाणे देओ तिने तेसखे ए चतौणी दिती की जे से तिना खे जाणे नि देओगा, तो परमेशरो मिस्रो रे लोका रे ओर पशुआ रे सब पईले नर काई देणे फिरौने ए सुणी की परमेशरो पांदे विश्वास करने ते ओर तेसरी गल्ल मानणे ते ना करी ती

परमेशरे तेस पांदे विश्वास करने वाल़े केसी रे बी पईले पाऊए खे बचाणे रिया तँईं एक उपाए कित्तेया हर परिवारो खे एक बिना कलंको रे खाडडुए खे लई की तेसरी बलि करनी थी

परमेशरे इस्राएलिया खे तेस खाड्डुए रा खून लई की आपणे कअरो रे दुराजे पांदे लगाणे खे बोलेया तिना खे तेसरा मास पुनणा था ओर फेर तिना खे बिना सजेड़े री रोटिया साथे से छोड़ खाणा था तिने से रोटी खाणे ते बाद तिना खे तेबु ई मिस्रो खे छाड़णे खे बी तयार रणे खे बोलेया

जेड़ा करने खे परमेशरे इस्राएलिया खे ऊकम दित्तेया था तिने तेड़ा ई कित्तेया आदीया राती दे, परमेशर हर एक पईले पाऊए खे कांदे ऊए मिस्रो रे बीचा ते ऊई की गया

इस्राएलिया रे हर एकी कअरो रे दुराजे पांदे खून लगी रा था, इजी खे परमेशरे से कर छाड़ी ते तिना रे पीतरो रे सब लोक ठीक थे से खाड्डुए रे खूनो री बजा ते बची गे थे

पर मिस्रिए परमेशरो पांदे विश्वास नि कित्तेया था ओर तिना रे ऊकमो खे नि मानो थे इजी खे परमेशरे तिना रे कअरो खे नि छाडेया परमेशरे मिस्रिया रे हर एक पईले पाऊ काईते

जेला रे कैदिया रे पईलेया ते लई की, फिरौनो रे पईलेया तक, हर एक पईला नर मरी गा आपणी बड़ी तकलीफा री बजा ते मिस्रो रे बऊत लोक रोणे लगी रे थे ओर शोक करेया करो थे

तेसी राती, फिरौने मूसा ओर हारुणो खे बुलाया ओर बोलेया, “इस्राएलिया खे लई की एबु ई मिस्रो ते निकल़ी जाओ” मिस्रो रे लोके बी इस्राएलिया खे तेबु ई निकलणे खे बोलेया