12. निकल़ना

इस्राएली लोक मिस्रो ते निकल़ी की बऊत खुश थे से ऐबे दास नि थे, ओर सेयोवादे रे देशो खे चली रे थे जो कुछ इस्राएलिए मांगेया, मिस्रिए तिना खेसब कुछ दित्तेया, एथो तक की सुईना ओर चाँदी ओर कीमती चीजा बी दुजे देशो रे कुछ लोके परमेशरो पांदे विश्वास कित्तेया ओर इस्राएली लोक मिस्रो ते निकल़े तेबे सेयो बी तिना साथे चली पड़े

दिनो रे बखते बादलो रा एक बड़ा खम्बा तिना ते आगे-आगे चलेया ओर राती रे बखते से आगी रा खम्बा बणीगा परमेशर जो की तेस बादलो रे खम्बे देओर आगी रे खम्बे दे था, ओर तिने यात्रा करदे बखते तिना री अगुवाई किती तिना खे सिर्फ इतना करना था की तिजी पीछे चलो

कुछ बखतो ते बाद, फिरौन ओर तेसरे लोके आपणा मन बदली ता से इस्राएलिया खे फेर आपणा दास बनाणा चाओ थे इजी खेतिने इस्राएलिया रा पीछा कित्तेया ए परमेशर ई था जिने तिना रे मन बदले थे तिने ऐड़ा इजी खे कित्तेया कऊंकि से चाओ था की हर कोई ए जाणी लो की फिरौनो ते ओर मिस्रिया ते ओर तिना रे सारे देवताओ ते से, यहोवा बऊत शक्तिशाली ए

जेबे इस्राएलिए मिस्रो री सेना खे आऊंदे ऊए देखेया तो तिना खे पता लगेया की से फिरौनो री सेना ओर लाल समुद्रो रे बीचे फसी गे से बऊत डरीगे ओर रोणे लगे, “आसे मिस्र कऊँ छाडेया? आसे मरने वाल़े ए”

मूसे इस्राएलिया खे बोलेया, “डरना बंद करो परमेशर आज तुसा रिया तँईं लड़ना ओर तेस तुसेबचाणे” तेबे परमेशरे मूसे खे बोलेया, “ इना लोका खे लाल समुद्रो री तरफा खे आगे चलणे खे बोल

तेबे परमेशरे से बादल़ो रा खम्बा लई की इस्राएलिया ओर मिस्रिया बीचे राखी ता ताकि मिस्री लोक इस्राएलिया खे देखी नि सको

परमेशरे मूसे खे समुद्रो पांदे आपणा आथ आगे करने खे बोलेया फेर परमेशरे अवा ते समुद्रो रा पाणी बाईं ओर दाईं कनारे करवाईता, जेते ते समुद्रो ते ऊई की एक बाट बणी गी

इस्राएली लोक आपणे दुईं तरफा खे पाणीए री द्वाला साथे सूकी जमींना पांदे समुद्रो ते ऊई की चली पड़े

तेबे परमेशरे तेसा बाटा ते बादल़ चकी ता ताकि मिस्री लोक इस्राएलिया खे बची की जांदे हुए देखो मिस्रिए तिना खे पकड़ने खे तिना रा पीछा करने रा सोचेया

तेबे तिने समुद्रो रे जरिए तेसा बाटा पांदे इस्राएलिया रा पीछा कित्तेया, पर परमेशरे मिस्री डराई ते ओर तिना रे रथ अटकाईते से चींगणे लगे, “नठो इस्राएलिया री तरफा ते परमेशर लड़णे लगी रा”

सारे इस्राएली समुद्रो रे दुजी तरफा खे पुजी गे तेबे परमेशरे मूसे खे बोलेया की से फेर पाणिए पांदे आथ आगे करो जेबे मूसे ऐड़ा कित्तेया, तेबे पाणी मिस्री सेना पांदे आई गा ओर आपणे पईले जेड़ा हुई गा सारी मिस्री सेना डूबी गी ओर मरीगी

जेबे इस्राएलिए देखेया की मिस्री मरी गे थे तेबे तिने परमेशरो पांदे विश्वास कित्तेया तिने विश्वास कित्तेया की मूसा परमेशरो री तरफा ते भविष्यवक्ता था

इस्राएली लोक इजी खे बी बऊत खुश थे कऊंकि परमेशरे से मरने ते ओर दास ऊणे ते बचाई ले थे ऐबे सेयो परमेशरो री आराधना करने ओर तेसरी आज्ञा मानणे खे आजाद थे इस्राएलिए आपणी आजादिया रा त्यार मनाणे खे ओर परमेशरो री तारीफ करने खे कईगाणे गाए कऊंकि तिने से मिस्रीया री सेना ते बचाए थे

परमेशरे इस्राएलिया खे हर साल एक त्यार मनाणे खे ऊकम दित्तेया ए याद करने खे की किंयाँ परमेशरे मिस्री अराए थे ओर तिना खे दास ऊणे ते आजादी दिती ये फसह रा त्यार कईलाया था इजी खे तिना खे ऐते रा त्यार मनाणे खे एक ठीक खाड्डुए री बली करनी थी, से पुनणा था, ओर से बिना सजेड़े री रोटिया साथे खाणा था