13. इस्राएलिया साथे परमेशरो रा वादा

इस्राएलिया खे लाल समुद्रो ते पार लई जाणे ते बाद, परमेशर तिना खे बणो रे कनारे हुई की सीनै नाओं रेपाह्ड़ो री तरफा खे लई की चलेया ए सेई पहाड़ था जेती मूसे बल़दा ऊआ डाल़ देखेया था तिने लोके तेते पाह्ड़ो ते थाले आपणे तम्बु लगाई ते

परमेशरे मूसे खे ओर इस्राएलिया रे सबी लोका खे बोलेया, “तुसा खे सदा मेरिया गल्ला खे मानणे ओर जो वादा आऊं तुसा ते करूँआ से बणाई की राखणा जे तुसे ऐड़ा करो, तेबे तुसे मेरा इनाम कीमती तन, याजका रा राज्य, ओर एक पवित्र जाति ठईरणे”

परमेशरो रे जरिए तिना रे नेड़े आऊणे खे लोके तीऊँ दिना तक आपु खे त्यार कित्तेया तेबे परमेशर सीनै पहाड़ो री चोटिया पांदा ते थाले उतरेया जेबे से आया तेबे भूकम्प ऊआ, बिजल़िया चमकिया, तूँआ उठेया, ओर तुरहिया रा बऊत शब्द ऊआ तेबे मूसा आपू पाह्ड़ो पांदे चढ़ीगा

तेबे परमेशरे लोका साथे एक वादा कित्तेया तिने बोलेया, “आऊँ तुसा रा परमेशर, यहोवा ए आऊँ ई अया जिने तुसे मिस्रो रे ते छुड़ाए जेती तुसे दास थे केसी ओरी देवतेया री पुजा नि करनी”

“मुर्तिया नि बनाणिया ओर तिना री पुजा नी करनी, कऊँकि आऊँ, यहोवा, तुसा रा एक ई परमेशर ए बुरिया तरह ते मेरे नाओं रा उपयोग नि करना सब्तो रा दिन पवित्र मानणे खे याद राखणा दुजे शब्दा रे, छे दिना दे आपणे सारे काम करने, सातवा दिन तुसा खे राम करने ओर माखे याद करने रा दिन ए”

“आपणे माया ओर बाओ रा आदर करना, अत्या नी करनी, व्यभिचार नी करना, चोरी नीकरनी, आपणे पड़ोसी री लाड़ी, तिना रे कर, या तिना रे केसी बी समानो खे लेणे री इच्छा नी करनी”

तेबे परमेशरे से दस आज्ञा पाथरो री दो पटिया पांदे लिखी की मूसे गे देईतिया परमेशरे मानणे खे लोका खे ओर बऊत जी व्यवस्था दिती अगर तिने इना व्यवस्था रा पालन कित्तेया तेबे परमेशरे तिना लोका खे आशीष देणे ओर तिना री सुरक्षा करने री प्रतिज्ञा किती पर तिने बोलेया की जे तुसे इना रा पालन नि कितेया तो तुसा खे सजा बी मिलणी

परमेशरे इस्राएलिया खे एक बऊत बड़ा तंबू बनाणे खे बी बोलेया- जेते खे मिलणे वाला तंबू बोलोए तिने तिना खे ठीक ठीक दशेया की ऐस तंबूए खे किंयाँ बनाणा, ओर तिदे पीतरे कुण चीजा राखणिया तिने तिना खे तेते तंबूए खे दुई कमरेया रे बाँडणे खे एक बड़ा पड़दा बनाणे खे बी बोलेया परमेशर तेस पड़दे रे पीछे वाल़े कमरे रे आऊणा ओर तेती रणा जेती परमेशर था तेस कमरे दे जाणे री आज्ञा सिर्फ बड़े पुरोईतो खे थी

तिना लोका खे मिलणे वाल़े तंबूए रे सामणे एक वेदी बनाणी पड़नी कोई बी जो परमेशरो री व्यवस्था नि मानो से तेसा वेदिया पांदे एक पशुए खे लई की आओ तेबे पुरोईत तेसखे बली करोगा ओर वेदिया पांदे परमेशरो रिया तँईं बलिया रे रुपो दे जल़ाणा परमेशरे बोलेया की तेस पशुए रा खून तेस आदमिए रे पापो खे लकोई देओआ ईंया से, ऐबे परमेशर पापो खे नि देखदा से आदमी परमेशरो रिया नजरा दे “ठीक” ऊणा परमेशरे मूसे रे पाई हारुणो खे ओर हारुणो रे वंशो खे आपणे बड़े पुरोईत ऊणे खे चुणे

परमेशरे तिना लोका खे जो नियम दिते थे से तिना खे मानणे खे मानी गे से सिर्फ परमेशरो रे लोक ऊणे खे ओर सिर्फ तेसरी आराधना करने खे मानी गे

कई दिना तक, मूसा सीनै पाह्ड़ो री चोटिया पांदे ई रया से परमेशरो साथे ग्लाया करो था पर लोक तिना रे नेड़े वापस आऊणे रा इंतजार करदे-करदे थकी गे इजी खे से हारुणो गे सुईना लई की आए ओर तेसते एक मूर्ति बनाणे खे बोलेया ताकि से परमेशरो रे बजाए तेसरी पूजा करी सको ईंया तिने, परमेशरो रे खलाफ बऊत पाप कित्तेया

हारूणे बाछुए जेड़ी सुईने री एक मूर्ति बनाई तिने लोके तेसा मूर्तिया री पूजा करनी शुरु करी ती ओर तेसाखे बली चढ़ाईतिना रे पापो री बजा ते परमेशर तिना ते बऊत गुस्से ऊआ था से तिना खे खत्म करी देणा चाओ थापर मूसे तिना खे नि मारने खे परमेशरो ते विनती किती परमेशरे तेसरी विनती सुणी ओर से खत्म नि किते

तेबे मूसा सीनै पाह्ड़ो ते थाले आई गा से तिना दुँईं पाथरा री पटिया लई की आया था जिना पांदे परमेशरे दस आज्ञा लिखिया थिया फेर तिने से मूर्ति देखी से इतना गुस्से ऊआ की तिने से पटिया तोड़ी तिया

फेर मूसे से मूर्ति पीसी की तेसारा बुरादा बणाई ता, ओर तेस बुरादे खे पाणिए दे मलाई की तिना लोका खे से पाणी पिलाई ता परमेशरे तिना लोका पांदे एक मुसीबत पेजी ओर तिना बीचा ते बऊत लोक मरी गे

जो पटिया मूसे तोड़ीया थिया तिना री जगा लेणे खे मूसे तिना दस आज्ञा री पाथरो री नवीं पटिया बणाईया तेबे से फेर पाह्ड़ो पांदे चढ़ी गा ओर प्रार्थना किती की परमेशर तिना लोका खे माफ करो परमेशरे मूसे री सुणी ओर तिना खे माफी दिती नवीं पटिया पांदे दस आज्ञा लई की मूसा पाह्ड़ो ते थाले उतरेया तेबे परमेशरे सीनै पहाड़ो ते लई की प्रतिज्ञा रे देशो तक इस्राएलिया री अगुवाई किती