14. बणो दे पटकणा

परमेशरे इस्राएलिया खे से नियम बताणे बंद करी ते जिना रा तिनाखे कित्ते रे वादे रा पालन करना ए फेर तिने सीनै पाह्ड़ो ते आगे तिना री अगुवाई किती से तिना खे प्रतिज्ञा रे देशो दे लेई जाणा चाओ था ऐते देशो खे कनान बी बोलोए परमेशर बादल़ो रे खम्बे रे तिना ते आगे-आगे चलेया, ओर इस्साएली लोक तेसरे पीछे-पीछे चले

परमेशरे अब्राहम, इसहाक ओर याकूबो ते प्रतिज्ञा किती थी की से प्रतिज्ञा रा से देश तिना रे वंशो खे देओगा, पर ऐस बखते तेती बऊत जी जातिया रया करो थिया तिना खे कनानी बोलो थे ए कनानी लोक परमेशरो री आराधना नि करो थे ओर तेसरी आज्ञा खे नि मानो थे से चूठे देवतेया री पूजा करेया करो थे ओर बऊत जे बूरे काम करेया करो थे

परमेशरे इस्राएलिया खे बोलेया, “ जेबे तुसे तेस वादे रे देशो दे जाओ तेबे तेती सबी कनानिया ते छुटकारा पाई लणा तिना साथे मेल-जोल नि करना ओर तिना साथे ब्या नि करना तुसे तिना री सारी मूर्तिया खत्म करी देणियां जे तुसे मेरी आज्ञा निमानोगे, तेबे तुसे मेरे बजाए तिना देवतेया री पूजा करने लगणे”

जेबे इस्राएली कनानो री जगा दे पऊंचे, मूसे इस्राएलो रे हर एक गोत्रो ते एक-एक करी की बारा मर्द चुणे तिने तिनाखे जाई की तेस देशो रा पेत लणे खे निर्देश दिते की देखो की से केड़ा देश ए तिना खे तिना कनानिया रा पेत बी लणा था की देखिए की सेयो कितने ताकतबर थे या कमजोर थे

तिने बारा मर्दे पूरे कनानो ते ऊंदे ऊए चालीया दिना री यात्रा किती ओर फेर वापस आई गे तिने लोका खे बताया, “से देश बऊत ऊपजाऊ एओर फसला बऊत ईआ “पर दसे पेतिए बोलेया, “ तिना रे शईर बऊत पके ए ओर से लोक लाम्बे – चऊडे ए जे आसे तिना पांदे अमला करुए, तेबे तिना पक्का आसा खे अराई देणा ओर आसे काई देणे”

तेबू ई कालेब ओर यहोशू नाओं रे दो पेतिए बोलेया, “ए सच ए की कनानो रे लोक लाम्बे ओर ताकतबर ए, पर पक्का आसे तिना खे अराई सकुंए परमेशर आसा रिया तंई लड़ना”

पर लोके कालेब ओर यहोशूए री सुणी से मुसा ओर हारुणो पांदे गुस्सा हुई गे ओर बोलेया, “तू आसा खे ऐसा डरावनी जगा दे कऊं लई की आया? आसा खे मिस्रो दे ई रणा चाइयो था जे आसे तेते देशो दे जाऊंए तो तेबे आसे लड़ाईया दे मारे जाणे, ओर कनानो रे लोका आसा रिया लाड़िया खे ओर बच्चेया खे दास बणाई लणा”सेलोक तिनाखे वापस मिस्रो दे लई की जाणे खे एक ओर अगुवे खे चुनणा चाओ थे

जेबे तिने लोके ऐड़ा बोलेया तेबे परमेशर बऊत गुस्सा हुई गा था से मिलापो रे तंबूए दे आया ओर बोलेया, “तुसे मेरे खलाफ बलवा करी राखेया, इजी खे तुसा सबी खे ऐते बणो दे पटकणा पड़णा हर एक जन जो 20 साल या तेसते ज्यादा साला रा ए तेती मरी जाणा ओर कदी बी तेते देशो दे प्रवेश नी करी सकणा जो आऊं तुसा खे देऊंआ सिर्फ कालेब ओर यहोशु तिदे जाई सकोए”

जेबे लोके परमेशरो खे ऐड़ा बोलदे ऊए सुणेया, तेबे सेयो दु:खी ऊए कऊँकि तिने पाप कित्तेया था इजी खे तिने कनानो रे लोका पांदे अमला करने रा फैसला कित्तेया मूसे तिना खे ना जाणे री चतौणी दिती कऊँकि परमेशर तिना साथे नि जाणा, पर तिने तेसरी नि सुणी

परमेशर ऐते लड़ाईया दे तिना साथे नि गया था, इजी खे कनानिए से अराई ते ओर तिना बीचा ते बऊत जणेकाई ते तेबे इस्राएली लोक कनानो ते वापस अटी गे आगले चालीया साला तक, सेयोबणो दे ओरे-पोरे पटकदे रये

इस्राएली लोका रे जंगलो रे पटकणे रे चालीया साला तक परमेशरे तिना री जरुरता पुरीया कितीया तिने तिना खे सर्गो ते “मन्ना” नाओं री रोटी दिती तिने बटेराचुंडो दे ( जो की छोटे पंछी ओए) तिना री छावनिया रे पेजे ताकि तिना गे खाणे खे मास ओ तेस पुरे बख्ते, परमेशरे तिना रे टाल्ले ओर बूट फटणे ते बचाई राखे

ऐथो तक की परमेशरे तिना खे पीणे खे चमत्कारी रुपो दे पाथरो ते पाणी निकाल़ेया पर इना सबी ते बाद, इस्राएली लोके परमेशरो रे खलाफ ओर मूसे रे खलाफ शिकायत किती ओर कुड़कुड़ाए परमेशर विश्वासोजोगा था तिने जो प्रतिज्ञा किती थी की से अब्राहम, इसहाक, ओर याकूबो रे वंशो खे करोगा तिने से कित्तेया

एक ओर बखते जेबे तिना लोका गे पाणी नि था, परमेशरे मूसे खे बोलेया, “पाथरो ते गल्ला कर, ओर तेते ते पाणी निकल़ना” पर मूसे पाथरो ते गल्ल नी किती इजी खे, तिने ड़ंडे साथे पाथरो पांदे दो बार बाई इंया तिने परमेशरो रा अपमान कित्तेया सबी खे पीणे खे पाथरो बिचा ते पाणी तो निकल़ी आया, पर परमेशर मुसे ते गुस्सा हुई गा तिने बोलेया, “कऊंकि ते ऐड़ा कित्तेया, इजी खे तू प्रतिज्ञा रे देशो दे जाई नि सकणा”

जेबे इस्राएली लोक चालीया साला तक बणो रे पटकी चुके थे, तेबे जिने परमेशरोरे खलाफ बलवा कित्तेया था से सब मरी गे थे तेबे परमेशर तिना लोका खे फेर तेस प्रतिज्ञा रे देशो रे कनारे तक लेई गा ऐबे मूसा बऊत स्याणा हुई गा था, इजी खे परमेशरे लोका री अगुवाई करने दे तेसरी मताद करने खे यहोशू चुणेया परमेशरे मूसे ते ए बी प्रतिज्ञा किती थी की एक दिन से तिना लोका गे मूसे जेड़ा एक भविष्यवक्ता पेजणा

तेबे परमेशरे मूसे खे एक पाह्ड़ो री चोटिया पांदे जाणे खे बोलेया ताकि से प्रतिज्ञा रे देशो खे देखी सको मूसे से प्रतिज्ञा रा देश देखेया पर परमेशरे तेसखे तिदे जाणे री आज्ञा नी दिती तेबे मूसा मरी गा, ओर इस्राएलिए 30 दिना तक शोक मनाया यहोशू तिना रा नया अगुवा बणी गा यहोशू एक ठीक अगुवा था कऊंकि तिने परमेशरो पांदे परोसा कित्तेया ओर तेसरी गल्ला मानिया