15. प्रतिज्ञा रा देश

बादो ते, ऐबे से बखत आई गा था की इस्राएली लोक प्रतिज्ञा रे देश, कनानो रे जाई सको तेस देशो रे यरीहो नाओं रा एक शईरथा तेसरी सुरक्षा रिया तँईं तेसरे चऊं कनारे पक्कीयाद्वाला थिया यहोशुए तेस शईरो दे दो पेतिए पेजे तेस शईरो दे राहाब नाओं री एक वेश्या रओ थी तेसे से पेतिए लकोए, ओर फेर बादो ते तेसे तिनाखे शईरो ते बची खी निकल़णे दे मताद किती तेसे ऐड़ा इजी खे कित्तेया कऊँकि से परमेशरो पाँदे विश्वास करो थी जेस बखते इस्राएली लोक यरीहो खे खत्म करोगे तेबे तिने राहाब ओर तेसारे परिवारो री रक्षा करने री प्रतिज्ञा किती थी

इस्राएली लोका खे प्रतिज्ञा रे देशो दे जाणे खे यरदन नदी पार करनी थी परमेशरे यहोशूए खे बोलेया, “पुरोईता खे पईले जाणे देओ” जेबे पुरोईते यरदन नदिया रे आपणे कदम राखे तेबे पाणिए री तारा रा बईणा रुकी गा, जिंयाँ की इस्राएली लोक नदिया रे दूजे कनारे सूकी जमीना पाँदे पार जाई सको

तिने लोके यरदन नदी पार करी ली तेबे परमेशरे यहोशुए खे बोलेया की यरीहो पांदे अमला करने खे त्यार रओ, पर से बऊत पक्का शईर थापरमेशरे तिना लोका खे बोलेया की तिना रे पुरोईता ओर सैनिका खे छे दिना तक तेस शईरो रे चऊं कनारे चक्कर लगाणा तेबे पुरोईते ओर सैनिके तेड़ा ई कित्तेया

तेबे सातुए दिने, इस्राएलिए तेस शईरो रे चऊं कनारे सात बार ओर चक्कर लाए तिना रे शईरो रे चऊं कनारे सातुई बार चक्कर लगाणे ते बाद, पुरोईते आपणी तुरहिया दे फुक मारी ओर सैनिके जोरे की बोलेया

तेबे यरीहो रे चऊं कनारलियाद्वाला टल़ी गिया जेड़ी परमेशरे आज्ञा दिती थी इस्राएलिए शईरो री हर एक चीज खत्म करीती तिने सिर्फ राहाब ओर तेसारा परिवार छाड़ी ता, जो इस्राएलिया रा पाग बणी गे थे जेबे कनानो दे रणे वाल़े ओरी लोके सुणेया की इस्राएलिए यरीहो शईर खत्म करीता, तेबे सेयो डरी गे की इस्राएली लोक तिना पांदे बी अमला

परमेशरे इस्राएलिया खे आज्ञा दिती थी की कनानो दे रणे वाले केसी बी जातिया साथे मेल जोल नि करना पर गिबोनी नाओंरी एक कनानी जातिए यहोशूए गे चूठ बोलेया की से कनानो ते दूर एक जगा रे रणे वाले ए तिने यहोशूए ते तिना साथे मेलजोल करने खे विनती किती यहोशूए ओर बाकी इस्राएली अगुवे परमेशरो ते नि पुछेया की तिना खे क्या करना चाईयो इजी रे बजाए, तिने गिबोनिया साथे मेलजोल करी ला

तीन दिन बाद, इस्राएलिया खे पता लगेया की गिबोनी लोक कनानो दे ई रओ थे से गुस्सा हुई गे कऊँकि गबोनिए तिना खे तोखा दित्तेया था पर तिने तिना साथे कितेया रा मेलजोल बणाई की राखेया कऊँकि से परमेशरो सामणे ग्रहण किती थी तेबे कुछ बखतो ते बाद, कनानो दे रणे वाल़ी एक ओर जाति, एमोरिया रे राजे सुणेया की गिबोनिए इस्राएलिया साथे मेलजोल करी ला, इजी खे तिने आपणी-आपणी सेना खे कट्ठे करी की एक बड़ी सेना बणाई ओर गिबोनो पांदे अमला करीता गिबोनिए तिना री मताद करने खे यहोशूए रे नेड़े एक सनेआ पेजेया

तेबे यहोशूए इस्राएलिया री सेना कट्ठी कित्ती ओर गिबोनिया रे नेड़े पुजणे खे सेयो पुरी रात चले प्यागा रे बखते तिने एमोरिया री सेना हैरान करीती ओर तिना पांदे अमला करीता

तेस दिने परमेशर इस्राएलिया रिया तँईं लड़ेया तिने एमोरिए डराईते ओर तिने बड़े-बड़े ओले सेटी की बऊत जे एमोरिए काईते

परमेशरे सूरज बी सर्गो रे एकी जगा पाँदे रोकी ता ताकि इस्राएलिया खे पुरा बखत मिली जाओ की एमोरिया खे पुरी तरआ ते अराई देओ तेस दिने, परेमेशरे इस्राएलिया रिया तँईं एक बड़ी जीत प्राप्त किती

जेबे परमेशरे तिना सेना खे अराणे ते बाद, बऊत जे कनानी जातिया रे लोक इस्राएलो पांदे अमला करने खे कट्ठा ऊए यहोशू ओर इस्राएलिए अमला करी की तिना रा खात्मा करी ता

ऐते लड़ाईया ते बाद, परमेशरे इस्राएलो रे हर एक गोत्रो खे प्रतिज्ञा रे तेस देशो दे तिना रा पाग दित्तेया तेबे परमेशरे इस्राएलो खे तेसरी सबी सीमा पांदे शान्ति प्रदान किती

जेबे यहोशू स्याणा हुई गा तेबे तिने इस्राएलो रे सारे लोक एक साथे बुलाए तेबे यहोशूए तिना लोका खे याद कराया की परमेशरे तेस वादे रा पाल़न करने री प्रतिज्ञा किती थी जो परमेशरे तिना साथे सीनै पहाड़ो पांदे बानी थी तिने लोके परमेशरो रे प्रति विश्वासयोग्य रणे ओर तेसरे बिधानो खे मानणे रा वादा कित्तेया