17. दाऊदो साथे परमेशरो रा वादा

शाऊल इस्राएलो रा पईला राजा था से लांबा ओर बांका था, जेड़ा से लोक चाओ थे एकदम तेड़ा इस्राएलो पांदे आपणे राजो ते पईले कुछ सालो दे शाऊल एक ठीक राजा था पर बादो ते से एक दुष्ट आदमी बणी गा जिने परमेशरो री गल्ल नी मानी, इजी खे परमेशरे एक ओर आदमी चुणेया जो की एक दिने तेसरिया जगा पांदे राजा बणोआ

परमेशरे दाऊद नाओंरा एक जवान इस्राएली आदमी चुणी की एक दिन शाऊलो री जगा पांदे राजा ऊणे खे त्यार करना शुरु करीता दाऊद बैतलहम शईरो रा एक चरवाहा था बऊत बखत पईले, दाऊदे शेर ओर पालू दोनोंकाए थे कऊंकि दाऊदो रे जरिए रखवाल़ी करदे बखते तेसरे बाओ री पेड़ा पांदे तिने अमला कित्तेया था दाऊद एक नम्र ओर तर्मी आदमी था तिने परमेशरो पांदे परोसा कित्तेया ओर तेसरी गल्ला मानिया

जेबे दाऊद एबु जवान आदमी था, तिने लांबे – चऊड़े गोलियतो रे खलाफ लड़ाई किती गोलियत एक बऊत अच्छा सैनिक था से बऊत पक्का ओर कम से कम तीन मीटर लांबा था पर परमेशरे गोलियतो खे काणे ओर इस्राएलो खे बचाणे दे दाऊदो री मताद किती इजी ते बाद, दाऊदे इस्राएलो रे दुश्मणा पांदे कई बार जीत आसिल किती दाऊद एक बऊत बड़ा सैनिक बणीगा, ओर तिने बऊत जी लड़ाईया दे इस्राएली सेना री अगुवाई किती लोके तेसरी बऊत तारीफ किती

लोके दाऊदो ते इतना प्यार कित्तेया की शाऊल तेसते जल़ने लगेया तेबे शाऊल तेसखे काई देणा चाओ था, इजी खे दाऊद तेसते ओर तेसरे सैनिको ते लुखणे रिया तंई बणो दे नठी गा एकी दिने, जेबे शाऊल ओर तेसरे सैनिक दाऊदो खे टोल़णे लगी रे थे तेबे शाऊल एक गुफा दे गया ए सेई गुफा थी जिदे दाऊद लुखेया रा था, पर शाऊले से नी देखेया दाऊद शाऊलो रे पीछे तेसरे बऊत नेड़े चली गा ओर तेसरे टाल्ले ते एक टुकड़ा बाडी ला बादो ते, जेबे शाऊल तेते गुफा ते निकल़ेया तेबे दाऊदे से बुलाई की से बाडे दे टाल्ले रा टुकड़ा दखाया ईंयाँ से, शाऊल जाणी गा की दाऊदे राजा बनणे रिया तंई तेसखे काणे ते ना करी ती

कुछ बखतो ते बाद, शाऊल लड़ाईया दे मरीगा, ओर दाऊद इस्राएलो रा राजा बणीगा से एक अच्छा राजा था, ओर लोके तेस साथे प्यार राखेया परमेशरे दाऊदो खे आशीष दिती ओर से सफल बणाया दाऊदे कई लड़ाईया लड़िया, ओर परमेशरे इस्राएलो रे दुश्मणा खे अराणे दे तेसरी मताद किती दाऊदे यरुशलेम शईर जीती की से आपणी राजधानी बणाई, जेती से रया ओर राज कित्तेया दाऊद चाल़ी साला तक राजा रया ऐते बखतो रे जरिए, इस्राएल सामर्थी ओर तनवान बणी गा

दाऊद एक मंदर बनाणा चाओ था जेती सारे इस्राएली परमेशरो री आराधना करी सको ओर तेसखे बलिदान चढ़ाई सको कम से कम 400 साला ते, से लोक मूसे रे बणाए रे मिलापो वाल़े तंबूए दे परमेशरो री आराधना करेया करो थे ओर तेसरिया तंई बलिदान चढ़ाया करो थे

पर तेती नातान नाओं रा एक भविष्यवक्ता था परमेशरे से दाऊदो खे ए बोलणे खे पेजेया: “तैं बऊत लड़ाईया लड़ीया, इजी खे तू मेरिया तंई से मंदर नी बनाई सकदा तेरा पाऊ इजी खे बनाओगा तेबे बी, मां ताखे बहुत जादा आशीष देणी तेरा एक वंशज सदा खे मेरे लोका पांदे राजे रे रुपो दे राज करोगा”सदा खे राज करने वाला से दाऊदो रा एक वंशज मसीह था मसीह परमेशरो रा चुनेया रा जन था जो संसारो रे लोका खे तिना रे पापो ते बचाओआ

जेबे दाऊदे नातानो रा संदेश सुणेया तेबे तिने परमेशरो रा धन्यावाद कित्तेया ओर तेसरी स्तुति किती परमेशर तेसरी प्रतिष्ठा खे बढ़ाया करो था ओर तेसखे बऊत आशीष देया करो था बेशक, दाऊद नी जाणो था की परमेशर इना गल्ला खे कदी करोगा ऐस बखते आसे जाणुए की इस्राएलिया खे एक लांबे बखतो तक, कम से कम 1,000 साल तक मसीह रे आऊणे रा इंतजार करना पड़ना

दाऊदे कई साला तक सच्चाईया साथे आपणे लोका पांदे राज कित्तेया तिने बड़ी लग्ना साथे परमेशरो री गल्ला मानिया ओर परमेशरे से आशीषित कित्तेया पर आपणे जीवनो रे अंतो रे तिने परमेशरो रे खलाफ बऊत पाप कित्तेया था

एक दिने दाऊदे आपणे मईलो ते बारे चांकेया ओर एक बांकि जवाणस नांदे ऊए देखीसे तेसा खे नी जाणो था, पर तिने पता करी ला की तेसा रा नाओं बतशेबा था

आपणी नजर फेर लणे रे बजाए, दाऊदे से आपु नेड़े लयाऊणे खे केसी खे पेजेया से तेसा साथे सया ओर से वापस कअरे पेजी ती थोड़े दिना बाद बतशेबे ए बोली की संदेश पेजेया की से गर्भवती ए

बतशेबा रा लाड़ा ऊरिय्याह नाओं रा एक आदमी था से दाऊदो रे उतम सैनिका बीचा ते एक था एस बखते से लड़ाई करने खे बारे जाई रा था दाऊदे से ऊरिय्याह लड़ाईया ते वापस बुलाई की तेसा लाड़िया साथे रणे खे बोलेया पर ओर सैनिक लड़ाईया दे थे इजी खे ऊरिय्याहे कअरे जाणे ते ना करी ती तेबे दाऊदे ऊरिय्याह फेर लड़ाईया दे वापस पेजी दित्तेया ओर सेनापतिये खे से लड़ाईया दे एड़िया जगा पांदे राखणे खे बोलेया जेती दुश्मण सबी ते ताकतवर ओ ताकि से मारेया जाओ तेबे ऐड़ा ऊआ की ऊरिय्याह लड़ाईया दे मरीगा

ऊरिय्याहो रे लड़ाईया रे मरी जाणे ते बाद दाऊदे बतशेबा साथे ब्याह करी ला बादो ते, तिने दाऊदो रे पाऊए खे जन्म दित्तेया दाऊदे जो कित्तेया तिजी ते परमेशर बऊत गुस्से था, इजी खे तिने नातान भविष्यवक्ते खे दाऊदो खे ए बताणे खे पेजेया की तेसरा पाप कितना बुरा था दाऊदे आपणे पापो रा पश्चाताप कित्तेया ओर परमेशरे से माफ करीताआपणे बाकी जीवनो दे, आपणे कठण बखतो दे बी दाऊद परमेशरो रे पीछे – पीछे चलेया ओर तेसरी गल्ला मानिया

पर दाऊदो रा बच्चा मरी गा ईंयाँ परमेशरे दाऊदो खे सजा दिती ईजी ते अलावा, दाऊदो रे मरने तक, तेसरे आपणे परिवारो रे कुछ लोके तेसरे खलाफ लड़ाई किती, ओर दाऊदो री आपणी शक्ति कम ऊई गी थी पर परमेशर विश्वासयोग्य था ओर ऐबे बी तिने तेड़ा कित्तेया जेड़ा तिने दाऊदो साथे करने रा वायदा कित्तेया था की से करोगा, पले ई दाऊदे तेसरी आज्ञा नि मानी थी बादो ते, दाऊद ओर बतशेबा रे दुजा बच्चा पैदा ऊआ, ओर तिने तेसरा नाओं सुलेमान राखेया