18. राज्य रे दो पाग ऊणा

दाऊद राजे चाल़िया साला तक राज कित्तेया तेबे से मरी गा, ओर तेसरे पाऊए सुलैमाने इस्राएलो पांदे राज करना शुरु करी ता परमेशरे सुलैमानो साथे गल्ल कितीओर तेसते पुछेया की से सबी ते जादा क्या चाओआ की परमेशर तेसरिया तंई करो सुलैमाने परमेशरो ते मांगेया की से तेसखे बऊत बुद्दिमान बणाई देओ ऐसे गल्ले परमेशर बऊत खुश कित्तेया, इजी खे परमेशरे सुलैमानो खे सबी ते बुद्दिमान मर्द बणाईता सुलैमाने बऊत जी गल्ला सिखिया ओर से एक बुद्दिमान राजा था परमेशरे से बऊत तनवान बणाईता था

यरुशलेमो दे सुलैमाने से मंदर बणाया जेते रिया तंई तेसरे बाओए योजना बणाई थी ओर समान कट्ठा कित्तेया था ऐबे लोक मिलापो वाले तंबूए री बजाए मंदरो दे परमेशरो री आराधना करो थे ओर तेसरिया तंई बली चढ़ाओ थे परमेशर आई की मंदरो दे रया करो था, ओर तेती से आपणेलोका साथे वास करो था

पर सुलैमाने दुजे देशो री जवाणसा साथे प्यार कित्तेया तिने बऊत जी, कम से कम 1,000 जवाणसा साथे ब्या करी की परमेशरो री आज्ञा तोड़ी इना बीचा ते बऊत जी जवाणसा पराए देशो ते आई ओर आपणे साथे आपणे देवतया बी लयाईया ओर तिना री पूजा करनी शुरु किती जेबे सुलैमान स्याणा हुई गा तेबे तिने बी तिनारे देवतेया री पूजा किती

इजी बजा ते परमेशर सुलैमानो ते बऊत गुस्सा था तिने बोलेया कीसे इस्राएल देशो खे दुँई हिस्सेया दे बांडणे रे जरिए तेसखे सजा देओगा तेस सुलैमानो रे मरने ते बाद ऐड़ा करना

सुलैमानो रे मरने ते बाद, रहबाम राजा बणेया इस्राएल देशो रे सब लोक तेसखे आपणे राजे रे रुपो दे स्वीकार करने रिया तँई एक साथ कट्ठा ऊए तिने रहबामो गे शकायत किती की सुलैमाने तिनाते बऊत कठण मईणत कराई थी ओर बऊत जे कर बसूले थे तिने रहबामो ते विनती किती की तिनाते कम काम कराओ

पर रहबामे तिना खे बड़ी मुर्खता साथे ज्वाब दित्तेया, “तुसे बोलोए की मेरे बावे सुलैमाने तुसा ते बऊत कठण मईणत कराई पर मां तुसाते तेसते बी जादा कठण मईणत कराणी, ओर मां तुसाखे तेसते बी जादा तकलीफ देणी”

जेबे लोके से ऐड़ा बोलदे ऊए सुणेया तेबे तिना बीचा ते कईए तेसरे खलाफ बलवा कित्तेया दस गोत्रे से छाडी दित्तेया; तेस साथे ऐबे सिर्फ दो गोत्र ई बचे थे इने दुई गोत्रे आपु खे यहूदा रा राज्य बोलेया

बाकी दस गोत्रे यारोबाम नाओं रे एक मर्दो खे आपणा राजा बणाई ला ए गोत्र देशो रे उत्तर- पूर्वी पागो रे थे तिने आपु खे इस्राएलो रा राज्य बोलेया

पर यारोबामे परमेशरो रे खलाफ बलवा कित्तेया ओर लोका ते पाप कराया तिने आपणे लोका रे जरिए पूजा करने रिया तंई दो मूर्तिया बणाईया से ऐबे यहूदा रे राज्य रे यरुशलेमो दे परमेशरो रे मंदरो दे तेसरी आराधना करने खे नी गए

यहूदा ओर इस्राएलो रे राज्य दुश्मण बणी गे ओर अक्सर एकी दुजे रे खलाफ लड़ने लगे

इस्राएलो रे नवें राज्य दे, सारे ई राजा दुष्ट थे इना बीचा ते कई राजा तिना री जगा पांदे राजा बणने री इच्छा राखणे वाल़े ओर इस्राएलिया रे जरिए काए गये थे.

इस्राएल राज्य रे सारे ई राजे ओर जादातर लोके मूर्तिया री पूजा किती जेबे तिने ऐड़ा कित्तेया, तेबे सेयो अक्सर वेश्या साथे सये ओर ऐथो तक की कई बार मुर्तिया रे आगे बच्चेया री बली बी किती

यहूदा राज्य रे राजा, दाऊदो रे वंश थे इना राजेया बीचा ते कई पल़े आदमी बी थे जिने सच्चाईया साथे राज कित्तेया ओर परमेशरो री आराधना किती पर यहूदा रे जादातर राजा दुष्ट थे तिने दुष्टता साथे राज कित्तेया, ओर मूर्तिया री पूजा किती ऐथो तक की इना बीचा ते कुछ राजे चूठे देवतेया रे आगे आपणे बच्चे बी बली करीते यहूदा रे जादातर लोके बी परमेशरो रे खलाफ बलवा कित्तेया ओर बाकी देवतेया री पूजा किती