20. बानणा ओर आऊंणा

इस्राएलो रे राज्य ओर यहूदा रे राज्य दूईं परमेशरो रे खलाफ पाप कित्तेया तिने से वाचा तोड़ीती जो परमेशरे तिना साथे सीनै पांदे बानी थी परमेशरे तिना खे पश्चाताप करने ओर फेर तेसरी आराधना करने रिया तंई चतौणी देणे खे आपणे भविष्यवक्ता पेजे, पर तिने तिना री गल्ला मानणे ते ना करी ती

तेबे परमेशरे तिना रे दुश्मणा खे तिना खे खत्म करने दे सक्षम करने रे जरिए दोनो राज्या खे सजा दिती अश्शूर एक ओर देश था जो बऊत ताकतवर ऊई गा था से दुजे देशो रे प्रति बऊत निर्दयी बी थे तिने आई की इस्राएलो रा राज्य खत्म करीता अश्शूरिये आई की इस्राएलो रे राज्य दे बऊत लोक काईते, जो चाया से लूटी ला, ओर देशो रे कई ईस्से बी फूकीते

अश्शूरिए सब परदान, तनवान लोक,ओर ऐड़े लोक जो कीमती चीजा बणाई सको थे कट्ठे किते ओर से तिना खे अश्शूर देशो दे लेई गे इस्राएलो दे सिर्फ कुछ गरीब इस्राएली ई बचे

फेर अश्शुरी लोक तेस देशो दे रणे खे विदेशिया खे लई की आए तिने विदेशिए से शईर फेर बणाए जो इस्राएली तेती बचे थे तिना साथे ब्या करी ला इना लोका रे वंश सामरी कईलाए

यहूदा रे राज्य रे लोके देखेया की किंयाँ परमेशरे तेस पांदे विश्वास ना करने ओर तेसरी गल्ला खे ना मानणे रे कारण इस्राएलो रे राज्य रे लोका खे सजा दिती थी पर तेबे बी तिने कनानिया रे देवतेया री मूर्तिया री पूजा किती परमेशरे तिना खे चतौणी देणे रिया तंई भविष्यवक्ता पेजे,पर तिने सुणने ते ना करीती

कम से कम 100 साला बाद अश्शूरिए इस्राएलो रा राज्य खत्म करीता परमेशरे बेबीलोनो रा राजा, नबूकदनेस्सरो खे यहूदा रे राज्य पांदे अमला करने खे पेजेया बेबीलोन एक ताकतवर देश था यहूदा रा राजा नबूकदस्सरो रा दास बणने ओर हर साल तनो रा पुगतान करने खे मानी गा

पर कुछ साला बाद, यहूदा रे राजे बेबीलोनो रे खलाफ बलवा कित्तेया तेबे बेबीलोनिये वापस आई की यहूदा रे राज्य पांदे अमला कित्तेया तिने यरुशलेम शईरो पांदे कब्जा करी ला, मंदर खत्म करीते, ओर शईर ओर मंदरो रे खजाने बी लूटी ले

बलवा करने रिया बजा ते यहूदा रे राजे खे सजा देणे खे, नबूकदनेस्सरो रे सैनिके राजे रे पाऊए खे तेसरे सामणे काया ओर फेर से अंधा करीता इजी ते बाद से राजे खे लई गे ताकि से बेबीलोनो रे जेलखाने दे मरी जाओ

नबूकदनेस्सर ओर तेसरी सेना यहुदा रे राज्य रे कम से कम सारे ई लोका खे बेबीलोनो खे लई गी, सिर्फ सबी ते गरीब लोका खे पीछे छाडीगी ताकि से डोरुआ ते फसल उगाओ बखतो रे ऐते कालो खे बंदुआई बोलेया जाओआ जिदे परमेशरो रे लोका खे प्रतिज्ञा रे देशो ते निकल़ी जाणे रिया तंई विवश कित्तेया था

पले ई परमेशरे आपणे लोका खे तिना रे पापो रिया तंई बंदुआ करी की लई जाणे खे सजा दिती, तेबे बी से तिना खे ओर आपणिया प्रतिज्ञा खे नी पूलेया थापरमेशरे आपणे लोका री जाच करना शुरु कित्तेया ओर आपणे भविष्यबक्ता रे जरिए तिना साथे गल्ला करदा रया तिने प्रतिज्ञा किती की सत्तर साला बाद, से प्रतिज्ञा रे देशो दे वापस आऊणे

कम से कम सत्तर साला ते बाद, फारसो रे राजा कुस्रूए बेबीलोन अराई ता, इजी खे बेबीलोनो रे साम्राज्य रे बजाए फारसो रे साम्राज्य कई देशा पांदे राज कित्तेया इस्राएली लोका खे ऐबे यहूदी बोलो थे तिना बीचा ते बऊती आपणा जीबन बेबीलोनो दे कटेया था सिर्फ बऊत थोड़े स्याणे यहूदिया खे ई यहूदा रा देश याद था

फारसी लोक बऊत सामर्थी थे, पर तिने आपणे जीतेया रे लोका पांदे दया किती थी फारसी लोका रा राजा बणने ते थोड़े बखतो ते बाद, कुस्रूए एक ऊकम दित्तेया की कोई बी यहूदी जो यहूदा खे जाणा चाओआ, से फारसो ते निकल़ी की वापस यहूदा खे जाई सकोआ ऐथो तक की तिने तिनाखे मंदरो खे फेर बनाणे खे तन बी दित्तेया तेबे बंधुआईया ते सत्तर साला बाद, यहूदिया रा एक छोटा समूह यहूदा रे यरुशलेम शईरो खे वापसआई गा

जेबे से लोक यरुशलेम पुजे तेबे तिने मंदरो खे ओर शईरो रे चऊं कनारलियाद्वाला फेर बणाईया फारसी लोक ऐबे बी तिना पांदे राज करो थे पर एक बार फेर से प्रतिज्ञा रे देशो दे रया करो थे ओर मंदरो दे आराधना करेया करो थे