21. परमेशर मसीह री प्रतिज्ञा करोआ

जेबे परमेशरे संसार बणाया था से जाणो था की तेसखे बादो ते केसी दिने मसीह पेजणा पड़ना तिने आदम ओर अव्वा ते प्रतिज्ञा किती की तेस ऐड़ा करना तिने बोलेया की अव्वा ते एकी वंशो जन्म लणा जेस सापो रा सिर कुचल़ना जिने सापे अव्वा खे तोखा दित्तेया से पक्का शैतान था परमेशरो रा मतलब था की मसीह पूरिया तरा ते शैतानो खे अराओ

परमेशरे अब्राहमो ते प्रतिज्ञा किती थी की तेसरे जरिए संसारो री सारी जातिया आशीष पाणी परमेशरे बादो ते केसी बखतो पांदे मसीह खे पेजणे रे जरिए ऐसा प्रतिज्ञा खे पुरा करना तेस मसीहे संसारो रे हर एक जातिया बीचा ते लोका खे तिना रे पापो ते छुड़ाणे

परमेशरे मूसे ते प्रतिज्ञा किती थी की भविष्य दे तेस मूसे रे बराबर एक ओर भविष्यवक्ता पेजणा ए भविष्यवक्ता मसीह ऊणा ईंया, परमेशरे फेर प्रतिज्ञा किती की तेस मसीह पेजणा

परमेशरे राजा दाऊदो ते प्रतिज्ञा किती थी की तेसरा वंश मसीह ऊणा से राजा ऊणा ओर तेस परमेशरो रे लोका पांदे सदा खे राज करना

परमेशरे यिर्मयाह भविष्यवक्ता साथे गल्ल किती ओर बोलेया की एक दिन तेस एक नवीं वाचा बानणी से नवीं वाचा इस्राएलो साथे सीनै रे पाह्ड़ो पांदे बानी री पुराणी वाचा जेड़ी नी ऊणी जेबे तेस लोका साथे से आपणी नवीं वाचा बानणी, तेबे तेस तिना पांदे आपु खे माणुंए रे रुपो दे प्रकट करना हर एकी माणूंए तेस साथे प्यार राखणा ओर बिधानो खे मानणे री इच्छा राखणी परमेशरे बोलेया की ए तेसरी व्यवस्था रा तिना रे दिलो पांदे लिखणे जेड़ा ऊणा सेयो तेसरे लोक ऊणे, ओर परमेशरो तिना रे पाप माफ करने से मसीह ऊणा जेस तिना साथे एक नवीं वाचा बानणी

परमेशरो रे भविष्यवक्ते ए बी बोलेया की मसीह एक भविष्यवक्ता ऊणा एक भविष्यवक्ता से आदमिए जो परमेशरो रे वचनो खे सुणोआ ओर फेर लोका पांदे परमेशरो रे संदेशो री घोषणा करोआ जेसखे पेजणे खे परमेशरे प्रतिज्ञा किती थी से मसीह एक सच्चा भविष्यवक्ता ऊणा मतलब से मसीह परमेशरो रे संदेशों खे ठीक तरा सुणोआ, ओर से लोका खे तिना संदेशा खे ठीक तरा ते सिखाओआ

इस्राएली पुरेईते लोका रिया तंई परमेशरो रे आगे बलिदान चढ़ाना जारी राखेया ए बलिदान लोका रे पापा रिया तंई तिना खे परमेशरो रे जरिए सजा देणे री जगा पांदे चढ़ाए गए थे याजके लोका रिया तंई प्रार्थना बी किती पर से मसीही सिद्ध बड़ा पुरोईत ऊणा जो परमेशरो खे देणे रिया तंई एक सिद्ध बलिया रे रुपो दे आपू खे चढ़ाई देओआ मतलब, तेस कदी बी पाप नी करना, ओर जेबे से आपू खे बली ऊणे खे देओआ, तेबे संसारो री कोई बी ओर बली जरुरी नी ऊणी

लोका रे समूहा पांदे राजा ओर परदान राज करोए, ओर कदी- कदी से गलतिया करोए राजे दाऊदे सिर्फ इस्राएलिया पांदे राज कित्तेया, पर राजा दाऊदो रे वंश मसीहे सारे संसारो पांदे राज करना, ओर से सदा खे राज करोआ इजी ते अलावा, से हमेशा सच्चाईया साथे राज करोआ, ओर ठीक फैसले लओआ

परमेशरो रे भविष्यवक्ते मसीह रे बारे दे बऊत जी गल्ला बोलिया उदारणो खे, मलाकिए बोलेया की मसीह रे आऊणे ते पईले एक ओर भविष्यवक्ता आऊणा से भविष्यवक्ता बऊत जरुरी ऊणा इजी ते अलावा, यशायाह भविष्यवक्ते लिखेया की मसीहे एक कुंआरिया ते जन्म लणा ओर मीका भविष्यवक्ते बोलेया की मसीहे बैतलहम शईरो रे जन्म लणा

यशायाह भविष्यवक्ते बोलेया की मसीह गलीलो रे रणा जो लोक बऊत दु;खी ए मसीहे तिना खे शान्ति देणी तेस कैदी बी आजाद करने मसीहे बमारा खे ओर जो सुणी नी सकदे, देखी नी सकदे, बोली नी सकदे, या चली नी सकदे सेयो बी चंगे करने

यशायाह भविष्यवक्ते ए बी बोलेया की लोका मसीह ते नफरत करनी ओर तेसखे अपनाणे ते ना करी देणी ओरी भविष्यवक्ते बोलेया की मसीह रा एक साथी तेसरे खलाफ ऊठणा जकर्याह भविष्यवक्ते बोलेया की तेसरे एस साथीए ऐड़ा करने खे दुजे लोका ते चाँदिए रे ती सिक्के लणे इजी ते अलावा, कुछ भविष्यवक्ते बोलेया की लोका मसीह काई देणा, ओर ए बी कि लोका तेसरे टाल्लेया खे जुआ खेलणा

भविष्यवक्ते ए बी बताया की मसीह किंयाँ मरना यशायाहे भविष्यवाणी किती की लोका मसीह पांदे थूकणा, तेसरा मजाक ऊड़ाणा, ओर तेसखे बाणी सेयो तेसखे छेदी देओए ओर से बड़ी पीड़ा ओर तकलीफा दे मरी जाणा, जबकि तिने कुछ बी गल़त नी कित्तेया ऊणा

भविष्यवक्ते ए बी बोलेया की मसीहे पाप नी करना से सिद्ध ऊणा पर से इजी खे मरना परमेशर तेसखे ओरी लोका रे पापो रे कारण सजा देओआ तेसरे मरने ते लोक परमेशरो साथे मेल करने खे पक्के ऊणे इजी खे परमेशर चाओआ की मसीह मरो

भविष्यवक्ते ए बी बताया की परमेशरो मसीह मरेया रे बीचा ते जिऊंदा करना ए लगोआ की ए सब नवीं वाचा खे बानणे री परमेशरो री योजना थी, ताकि से तिना लोका खे बचाई सको जिने तेसरे खलाफ पाप करी राखेया

परमेशरे भविष्यवक्ता पांदे मसीह रे बारे दे बऊत गल्ला प्रकट कितिया, पर मसीह तिना भविष्यवक्ता बीचा ते बी केसी रे बी जीवनकालो दे नी आया था इना भविष्यवक्ता रे दिते जाणे रे 400 ते जादा साला बाद, सई बखतो पांदे, परमेशरे मसीह ऐते संसारो दे पेजेया