22. युहन्ने रा जन्म

बऊत बखत पईले, परमेशरे आपणे भविष्यवक्ते ते गल्ल किती थी इजी खे से लोका साथे गल्ल करी सके थे पर तेस बखतो ते लई की फेर 400 साल बीतणे ते बाद तक तिने तिना साथे कोई गल्ल नी किती तेबे परमेशरे जकर्याह नाओं रे भविष्यवक्ते रे नेड़े एक स्वर्गदूत पेजेया जकर्याह ओर तेसरी लाड़ी एलीशिबा परमेशरो रा आदर करो थे से बऊत स्याणे हुई गे थे, ओर तेसरे कोई बी बच्चा पैदा नी ऊआ था

तिने स्वर्गदूते जकर्याहो खे बोलेया, “तेरी लाड़िया रे एक पाऊ जमणा तैं तेसरा नाओंयुहन्ना राखणा परमेशरो से पवित्र आत्मा ते परी देणा, ओर युहन्ने लोक मसीह खे मानणे खे त्यार करने” जकर्याहे जवाब दित्तेया, “आऊं ओर मेरी लाड़ी बच्चा पैदा करने खे बऊत स्याणे ए आऊं किंयाँ जाणूं की तुसे मांगे सच बोलणे लगी रे?”

तिने स्वर्गदूते जकर्याहो खे जवाब दित्तेया, “ताखे ए सुब संदेश देणे खे आऊं परमेशरे पेजी राखेया कऊंकि तैं मां पांदे विश्वास नी कित्तेया, इजी खे बच्चे रे जन्म लेणे तक तू बोली नी सकणा” तेबु ई, जकर्याह गुंगा ऊईगा तेबे से स्वर्गदूत जकर्याह रे नेड़े ते चली गा इजी ते बाद, जकर्याह कअरे वापस आईगा ओर तेसरी लाड़ी गर्भवती हुई गी

जेबे एलीशिबा छे मीन्ने री गर्भवती थी, तेबे से स्वर्गदूत तेबु ई एलीशिबा रे रिश्तेदारो पांदे प्रकट ऊआ, जेसा रा नाओं मरियम था मरियम कुँआरी थी ओर ब्या ऊणे खे यूसूफ नाओं रे आदमिए साथे तेसारी मंगनी ऊई चुकी थी स्वर्गदूते बोलेया, “तू गर्भवती ऊणी ओर तां एकी पाऊए खे जन्म देणा ताखे तेसरा नाओं यीशु राखणा ए से सर्व-शक्तिमान परमेशरो रा पाऊ ऊणा ओर तेस सदा खे राज करना”

मरियमे जवाब दित्तेया, “ए किंयाँ ऊणा, कऊंकि आऊं तो कुँआरी ए?” तिने स्वर्गदूते समजाया, “पवित्र आत्मा तां पांदे आऊणां, ओर परमेशरो री सामर्था तां पांदे छाया करनी इजी खे से बच्चा पवित्र ऊणा, ओर से परमेशरो रा पुत्र ऊणा, जो तिने स्वर्गदूते बोलेया तिजी पांदे मरियमे विश्वास कित्तेया

ए ऊणे ते तेबू बाद, मरियम जाई की एलीशिबा साथे मिली जिंयाँ ई मरियमे तेसाखे नमस्कार कित्तेया, एलीशिबा रा बच्चा तेसारे पीतरे उछल़ेया तिना रिया तंई परमेशरे जो कित्तेया था तिजी रे बारे दे जवाणसा एक साथे खुश हुईया एलीशिबा साथे तीन मिन्ने रणे ते बाद, मरियम करे वापस आई

इजी ते बाद, एलीशिबे आपणे बच्चे खे जन्म दित्तेया जकर्याह ओर एलीशिबे तेसरा नाओंयुहन्ना राखेया, जेड़ा की तिने स्वर्गदूते ऊकम दित्तेया था तेबे परमेशरे जकर्याहो रा मूँ बोलणे खे खोली ता जकर्याहे बोलेया, “परमेशरो री स्तुति ओ, कऊंकि तिने आपणे लोका री मताद करने खे याद राखी राखेया ओ मेरे पाऊ, तू सर्व – शक्तिमान परमेशरो रा भविष्यवक्ता ऊणा तां लोका खे बताणा की किंयाँ से आपणे पापो रिया तंई माफी पाई सकोए”