23. यीशुए रा जन्म

यूसूफ नाओं रे एक तर्मी आदमिए साथे मरियमा री मंगनी हूई चुकी थी जेबे तिने सुणेया की मरियम गर्भवती ए तेबे से जाणो था की से तेसरा बच्चा निए पर, से मरियमा खे बदनाम नी करना चाओ था, इजी खे तिने तेसा पांदे किरपा करने री ओर तेसाखे चुपचाप तलाक देणे री सोची पर इजी ते पईले की से ऐड़ा करदा, एकी स्वर्गदूते तेसरे सुफने दे आई की तेस साथे गल्ल किती

तिने स्वर्गदूते बोलेया, “ओ यूसुफ, मरियमा खे आपणी लाड़िया रे रुपो दे लई की आऊणे खे नी डर तेसारे पीतरे जो बच्चा ए से पवित्र आत्मा री तरफा ते ए तेसा एकी पाऊए खे जन्म देणा तेसरा नाओं यीशु राखणा (जेतेरा मतलब ए, ‘यहोवा बचाओआ), कऊंकि तेस लोक तिना रे पापो ते बचाणे”

तेबे यूसुफे मरियमा साथे ब्या कितेया ओर तेसाखे आपणिया लाड़िया रे रुपो दे कअरे ली आया, पर तेसारे बच्चे खे जन्म देणे तक से तेसा साथे नि सया

जेबे मरियमा रे जन्म देणे रा बखत नेड़े था, तेबे तेसे ओर यूसुफे बैतलहम जाणे री एक लंबी यात्रा किती तिना खे तेती जाणा ई था कंऊकि रोमी अदिकारी इस्राएलो दे रणे वाल़े सबी लोका री गिणती करना चाओ थे से चाओ थे की सब लोक तेती जाओ जेती तिना रे स्याणे रओ थे राजा दाऊदो रा जन्म बैतलहमो दे ऊआ था, ओर से मरियम ओर यूसुफ दुईं रा स्याणा था

मरियम ओर यूसुफ बैतलहम गए, पर तेती पशुआ खे राखणे वाल़ी जगा ते अलावा तिना रे ठईरणे खे कोई जगा नी थी सेई जगा थी जेती मरियमे आपणे बच्चे खे जन्म दित्तेया तेसे से चरनिया दे लटाया कऊंकि तेती कोई बिस्तर नी था तिने तेसरा नाओं यीशु राखेया

तेसा राती, तेती नेड़े रे डोरुआ दे कुछ चरवाहे आपणिया पेडा रे चुंडो री रखवाली करेया करो थे तेबु ई एक चमकदार स्वर्गदूत तिना पांदे प्रकट ऊआ, ओर से डरी गे तिने स्वर्गदूते बोलेया, “ मत डरो, कंऊकि मांगे तुसा रिया तंई शुब संदेश ए बैतलहमो दे मसीह, स्वामीए रा जन्म हुई रा”

जाई की तेस बच्चे खे टोल़ो, ओर तुसा से कपड़े रे लिपटेया दा ओर चरनिया रे लेटेया रा देखणा” तेबु ई, सर्ग स्वर्गदूता साथे परी गा से परमेशरो री स्तुति करेया करो थे तिने बोलेया, “सारी महिमा सर्गो रे विराजमान परमेशरो खे मिलो तरतिया पांदे तिना लोका खे शान्ति ओ जिना री से चिन्ता करोआ”

तेबे स्वर्गदूत चली गे से चरवाहे बी आपणिया पेडा खे छाडी की बच्चे खे देखणे गए तेबे ई सेयो तेते जगा पुजे जेती यीशु था ओर तिने से चरनिया दे लेटेया रा पाया, जेड़ा की तिने स्वर्गदूतेबोलेया था से बऊत खुश थे तेबे से चरवाहे वापस तेती आई गे जेती तिना री पेडा थिया तिने जो कुछ बी सुणेया ओर देखेया तिना सबी रिया तंई से परमेशरो री स्तुति करेया करो थे

पूर्वा दे दूर एक देशो दे कुछ मर्द थे तिने तारेया रा अध्ययन कितेया था ओर से बऊत बुद्धिमान थे तिने एक नौखा तारा सर्गो दे देखेया तिने बोलेया की इजी रा मतलब ए की यहूदिया दे एक नवें राजे रा जन्म हुई रा इजी खे तिने तेस बच्चे खे देखणे रिया तंई आपणे देशो ते यात्रा करने रा फैसला कित्तेया एक लाम्बी यात्रा ते बाद, से बैतलहम आए ओर से कअर पाया जेती यीशु ओर तेसरे माए बाओ ठईरी रे थे

जेबे इने मर्दे यीशु आपणिया माया साथे देखेया तेबे तिने कुटने टेकी की तेसरी आराधना किती तिने यीशुए खे कीमती उपहार दिते फेर से करे वापस आई गे