24. युहन्ना यीशुए खे बपतिस्मा देओआ

एलीशिबा ओर जकर्याहो रा पाऊ . युहन्ना, बड़ा हुई की एक भविष्यवक्ता बणी गा से बणो दे रया करो था, ओर जंगली शईद ओर टिड्डियां खाया करो था, ओर ऊँटो रे बाल़ा ते बणे रे टाल्ले पईनेया करो था

बऊत जे लोक . युहन्ने री गल्ला .सुणने रिया तंई बणो दे चली गे तिने ए बोली की तिना खे प्रचार कित्तेया, “पश्चाताप करो, कऊंकि स्वर्गो रा राज्य नेड़े ए”

जेबे लोके . युहन्ने रा संदेश सुणेया, तेबे तिना बीचा ते बऊते आपणे पापो रा पश्चाताप कित्तेया, ओर युहन्ने तिना खे बपतिस्मा दित्तेयायुहन्नेखे देखणे खे बऊत तार्मिक गुरू बी आए, पर तिने आपणे पापों रा पश्चाताप या अंगीकार नी कित्तेया

युहन्ने तार्मिक गुरूआ खे बोलेया, “ओ जईरीले सापो पश्चाताप करो ओर आपणे चाल-चलणो खे बदलो परमेशर हर तेस डाल़ो खे बाडी देओआ जो ठीक फल निलयाऊंदा, ओर से तिना खे आगी रे सेटी देओआ”जो भविष्यवक्ते बोलेया था युहन्ने से पूरा कित्तेया, “देख, छोड़ ई मां तेरे आगे आपणे संदेशो वाल़े पेजणे जेस तेरिया तंई बाट त्यार करनी”

कुछ तार्मिक गुरूए. युहन्ने ते पूछेया की क्या से मसीह ए युहन्ने जवाब दित्तेया, “आंऊ मसीह निए, पर से मेरे बाद आऊणे लगीरा से इतना महान ए की आऊं तेसरे बूटा रे फीते खोलणे जोगा बी निए”

आगले दिने, यीशु बपतिस्मा लणे खे . युहन्ने गे आया जेबे युहन्ने से देखेया, तेबे तिने बोलेया, “देखो परमेशरो रा मेमना जो संसारो रे पापो खे चकी की लई जाओआ”

युहन्ने यीशुए खे बोलेया, “आऊं ताखे बपतिस्मा देणे जोगा निए इजी री बजाए ए जरुरी ए की तू माखे बपतिस्मा दे”पर यीशुए बोलेया, “ताखे माखे बपतिस्मा देणा चाईयो, कऊँकि करने खे एई ठीक काम ए” तेबे युहन्ने तेसखे बपतिस्मा दित्तेया, जबकि यीशुए कदी बी पाप नी कित्तेया था

बपतिस्मा देणे ते बाद, जेबे यीशु पाणिए ते निकल़ी की बारे आया, तेबे परमेशरो रा आत्मा कबूतरो रे रुपो दे प्रकट ऊआ ओर थाले आई की तेस पांदे ठईरी गा तेस बखते, परमेशरे स्वर्गो ते गल्ल किती, “तू मेरा पाऊ ए आऊं तांते प्यार करुंआ, ओर आऊं तांते बऊत खुश ए”

परमेशरे . युहन्ने खे बोलेया था, “पवित्र आत्मा थाले आई जेस केसी पांदे ठईरी जाओगा जेसखे तू बपतिस्मा देओगा” सेई परमेशरो रा पाऊ ए परमेशर एक ई ए पर जेबे युहन्ने यीशुए खे बपतिस्मा दित्तेया, तेबे तिने परमेशर पिता गल्ल करदे सुणेया, पाऊए परमेशरो खे देखेया, जो की यीशु ए, ओर तिने पवित्र आत्मा देखेया