25. शैतान यीशुए री परीक्षा करोआ

यीशुए रा बपतिस्मा ऊणे ते बाद ई, पवित्र आत्मा तेसखे जगल़ो दे लईगा यीशु तेती चाल़ी दिन ओर चाल़ी रात था तेस बखते तिने बरत कितेया, ओर शैताने यीशुए रे नेड़े आई की पाप करवाणे खे तेसरी परीक्षा किती

पईले, शैताने यीशुए खे बोलेया, “जे तू परमेशरो रा पाऊए तो इना पात्थरा खे रोटी बनाई दे ताकि तू खाई सके!"

पर यीशुए शैतानो खे बोलेया, “परमेशरो रे वचनो दे ये लिखी राखेया ए, जिऊदे रणे खे आदमिए खे सिरफ रोटिया री जरूरत नी ए, पर तिना खे हर तेसा गल्ला री जरुरत ए जो परमेशर तिना खे बोलोआ!"

तेबे शैतान यीशुए खे मंदरो रे सबी ते ऊचे सिरे पांदे लईगा तिने तेसखे बोलेया, “जे तू परमेशरो रा पाऊए तो एथा ते थाले छुवाल़ देई दे, कऊंकि लिखी राखेया ए, परमेशरो ताखे चकणे खे आपणे स्वर्गदूतो खे आज्ञा देणी कि तेरे पईरा दे पात्थराते ठोकर नी लगो”

पर यीशुए से नि कितेया जो शैताने तेसखे करने खे बोलेया था ऐते रे बजाए तिने बोलेया, “परमेशर हर एकी खे बोलोआ, तैं प्रभु आपणे परमेशरो री परीक्षा नी करनी"

फेर शैताने तेसखे संसारो रे सारे राज्य दखाए तिने तेसखे दखाया कि ये कितने शक्तिशाली थे, ओर ये कितने सम्पन्न थे तिने यीशुए खे बोलेया, मां ताखे ये सब देणा जे तू कुटने टेकी की मेरी अराधना करे”

यीशुए उतर दितेया, ओ शैतान, मां नेड़े ते चली जा! परमेशरो रे वचनो दे ये बी लिखी राखेया ए, सिर्फ आपणे प्रभु परमेशरो री अराधना करो परमेशरो रे रुपो दे सिर्फ तेसरा ई आदर करो"

यीशुए शैतानो री परिक्षा ते आर नि मानी, ईजी खे शैतान तेसरे नेड़े ते चलीगा तेबे स्वर्गदूत आई की यीशुए री सेवा टईल करने लगे