26. यीशु आपणी सेवा शुरू करोआ

शैतानो री परीक्षा ते बाद, यीशु वापस गलील जगा दे आया येई से जगा ए जेती से रओ था पवित्र आत्मा तेसखे बऊत सामर्थ्य देया करो था, ओर यीशु एकी जगा ते दुजी जगा गया ओर लोका खे शिक्षा दिती सबी तेसरे बारे दे ठीक गला बोलिया

यीशु नासरत शईरो दे गया ए सेई गाँव ए जेती से आपणे बचपनो दे रया करो था सब्तो रे दिने, से अराधना करने रिया जगा पांदे गया गुरूए तेसखे यशायाह भविष्यवक्ते रे संदेशो री एक कताब दिती सेओ चाओ थे कि से तिजी ते पड़ो यीशुए तेसा कताबा खे खोली की तेतेरे एक पागो खे लोका खे पढ़ेया

यीशुए पढ़ेया, “परमेशरे माखे आपणा आत्मा दितेया ताकि आऊँ गरीबा खे सुसमाचार प्रचार करी सकूं तिने माखे इजी खे पेजेया कि कैदिया खे आजाद करू, अंधेया खे फेर नजर देई सकुं, ओर तिना खे छुटकारा देऊ जिना खे दुजे लोक दबाणे लगी रे ये से बखत ए जेबे परमेशर आसा पांदे किरपा करोआ ओर आसा री मताद करोआ”

फेर यीशु बैठी गा सारे लोक तेसखे बड़े त्यानो साथे देखेया करो थे सेओ जाणो थे कि पवित्रशास्त्रो रा जो ईस्सा तिने एबु पढ़ेया था से मसीहे रे बारे दे था यीशुए बोलेया, “जो गल्ला मैं एबु तुसा खे पढ़ीयाए, से ऐस बखते उणे लगी री” सारे लोक हैरान थे तिने बोलेया, “क्या ये यूसुफो रा पाऊ नी ए?”

तेबे यीशुए बोलेया, “ये सच ए कि लोक केसी एड़े भविष्यवक्ते खे कदी बी स्वीकार नि करदे जो तिना रे शईरो दे पल़ेया रा ओएलियाह भवोष्यवक्ते रे बखतो दे, इस्राएलो दे बऊत सारी विधवा थी पर जेबे साढ़े तीना साला तक बर्खा नि ऊई तो परमेशरे एलियाहोखे इस्राएलो दे केसी विधवा री मताद करने खे निपेजेया एते रे बजाए, तिने एलियाहोखे केसी ओरी देशो री विधवा रे नेड़े पेजेया”

यीशु बोलदा रया, “ओर एलीशा भविष्यवक्ते रे बखतो दे, इस्राएलो दे बऊत सारे लोक चामड़ीया रे रोगो ते बमार थे पर एलीशे तिना बीचा ते केसी खे बी ठीक नि कितेया तिने पर इस्राएलो रे दुशमणा रे सेनापति नामानो खे ठीक कितेया” पर जो लोक यीशुए खे सुणेया करो थे सओ यहूदी थे इजिखे जेबे तिने तेसखे ये बोलदे ऊए सुणेया तेबे सेओ तेस पांदे गुस्से ऊए

नासरतो रे लोके यीशु पकड़ी ला ओर तेसखे अराधना रिया जगा ते रगड़ी की बारे लईगे सेओ तेसखे मारने खे ओर थाले सेटणे खे एक पात्थरो रे सिरे पांदे लई गे पर यीशु पीड़ा बीचा ते निकल़ीगा ओर नासरत शईरो खे छाडी की चली गा

फेर यीशु सारे गलीलो दे गया, ओर बड़ी पीड़ तेसरे नेड़े आई सेओ ऐड़े बऊत लोका खे लेई की आए जो बमार ओर अपंग थे तिना बीचा ते कुछ देखी, चली, सुणी या बोली नि सको थे, ओर यीशुए सेओ ठीक किते

ऐते ते अलावा, बऊत ऐड़े लोक यीशुए रे नेड़े लयाए जिना दे दुष्टात्मा थिया यीशुए दुष्टात्मा खे तिना बीचा ते निकल़ने खे बोलेया सेओ दुष्टात्मा चिंगीया, “तू परमेशरो रा पाऊए” पीड़ा रे लोक हैरान थे, ओर तिने परमेशरो री अराधना किती

फेर यीशुए बारा मर्दा खे चुणेया जिनाखे तिने आपणा प्रेरित बोलेया तिने प्रेरिते तेस साथे यात्रा किती ओर तेसते शिक्षा लई