28. तनी जवान शासक

एक दिन, एक तअनी जवान माणुंए यीशुए रे नेड़े आई कि तेसते पुछेया, “ओ उत्तम गुरु, अनन्त जीवन पाणे खे माखे क्या करना चाईए?” यीशुए तेसखे बोलेया, “तू माखे ‘उत्तम’ कऊँ बोलेया? पर एक ई उत्तम एओर से परमेशर ए पर जे तू अनन्त जीवन पाणा चाएआतो परमेशरो रे बिधानो रा पालन कर”

“माखे कुण-कुण जी आज्ञा रा पाल़न करने री जरूरत ए?” तिने पूछेया यीशुए उतर दितेया, “अत्या नि करनी व्यभिचार नि करना, चोरी नी करनी चुठ नी बोलणा आपणे बाओ ओर मायारा आदर करना, ओर आपणे पड़ोसिया ते आपु जेड़ा प्यार करना”

पर तिने जवान मर्दे बोलेया, आंऊ आपणे बचपनो ते ई इना सबी आज्ञा रा पाल़न करदा आई रा माखे सदा खे जीऊदे रणे खे आज बी क्या करने री जरूरत ए?” यीशुए तेस पांदे नजर किती ओर तेसते प्यार कितेया

यीशुए उतर दितेया, “जे तू सिद ऊणा चाएआ तेबे जाई की आपणा सब कुछ बेची दे ओर से तअन गरीबा दे बांडी दे, ओर ताखे स्वर्गो दे तअन मिलणा तेबे आई की मां पिछे ऊई जा”

जो यीशुए बोलेया जेबे तिने जवान मर्दे सुणेया तेबे से बऊत उदास ऊईगा, कऊंकि से बऊत तअनी था ओर तिने आपणी सारी सम्पतिया खे देणा नी चाएया था से मुड़ी की यीशुए रे नेड़े ते चली गा

तेबे यीशुए आपणे चेलेया खे बोलेया, “परमेशरो रे राज्य दे तनवान लोका रा जाणा बऊत कठण ए आ, एक तअनी मर्द परमेशरो रे राज्य दे जाणे री तुलणा दे केसी ऊँटो रा सूईया रे नाके बीचा ते ऊई की निकल़ना सान ए”

जो यीशुए बोलेया जेबे चेलेया सुणेया तेबे से हैरान थे तिने बोलेया, “जे ये एड़ा ए तेबे परमेशर केसखे बचाओगा?”

यीशुए चेलेया पांदे नजर किती ओर बोलेया, “लोका खे आपणा उद्धार करना कठण ए पर परमेशरो खे कुछ बी करना कठण नि ए”

पतरसे यीशुए खे बोलेया, “आसे चेले आपणा सब कुछ छाडी की तां पिछे चली पड़े तेबे आसा रा ईनाम क्या ऊणा?”

यीशुए उतर दितेया, “हर एकी जणे जिने मेरिया बजा ते कअर, पाई, बईण, बाओ माए, बच्चे या सम्पतिया खे छाडेया, तेस तेसते 100 गुणा ज्यादा पाणा ओर अनन्त जीवन बी पाणा पर बऊत ए जो पईले ए सेओ पिछले ऊणे, ओर बऊत ए जो पिछले ए सेओ पईले ऊणे”