29. निर्दई दासो री कआणी

एक दिन, परतरसे यीशुए ते पुछेया, “ओ स्वामी, मांखे आपणे पाईये खे कितणी बार माफी देणी चाईयो जेबे से मेरे खलाफ गल़त करोआ? क्या साता बारीया तक?” यीशुए बोलेया, “सात बार नि, पर सात ते सत्तर बार” ऐसरे जरिये, यीशुए रा मतलब ए कि आसा खे हमेशा ई माफ करना चाईयो तेबे यीशुए ए काअणी बोली

यीशुए बोलेया, “परमेशरो रा राज्य एक राजे जेड़ा ए जो आपणे दासो ते लेखा लणा चाओ था तेसरा एक दास दो लाख रपईया रा कर्जदार था”

पर से दास आपणे कर्जे खे टाई नि सकेया, ईजी खे राजे बोलेया, “एसरा कर्ज टाणे खे ऐस आदमीये खे ओर ऐसरे परिवारो खे दासो रे रुपो दे बेची दो”

तिने दासे राजे रे सामणे आपणे कुटणे टेकी की बोलेया, करिपा करी की मां साथे तिरज राख, ओर मा आपणे कर्जे री पूरी रकमा रा पुगतान करी देणा’ राजे दासो पांदे दया किती, ईजी खे तिने तेसरे सारे कर्जे खे माफ करिता ओर से जाणे दितेया”

“पर जेबे से दास राजे रे नेड़े ते गया, तेबे तेसखे तेसरा एक दोस्त मिलीगा जो तेसरे दस ह्जार रपईया रा कर्जदार था तिने दासे आपणे दोस्त दासो खे पकड़ी ला ओर बोलेया, ‘जो तां पांदे मेरा कर्ज ए माखे तेतेरा पुगतान कर”

“तेसरे दोस्ते दासो रे कुटणे पांदे रूड़ी की बोलेया, ‘करिपा करी कि मां साथे तिरज राख, ओर मां आपणे कर्जे री पुरी रकमा रा पुगतान करी देणा’ पर ऐते रे बजाए, तिने दासे आपणे दोस्त दासो खे जेला रे पाईता जदुए तक कि से तेस कर्जे रा पुगतान नि करी देयो”

“जो कुछ ऊआ था से कुछ ओरी दासे देखेया ओर सेयो बऊत परेशान ऊए सेयो राजे रे नेड़े गये ओर तेसखे सब कुछ बताया”

“राजे तेस दासो खे बुलाई की बोलेया, ‘ओ दुष्ट दास मैं तेरा कर्जा ईजी खे माफ कितेया था कि तैं मांते बिनती किती थी ताखे बी ऐड़ा ई करना चाईयो था’ राजा इतने गुस्से था कि तिने तेस दुष्ट दासो खे जेला रे पाईता जदुआ तक कि से आपणे सारे कर्जे रा वापस पुगतान नि करी देओ”

तेबे यीशुए बोलेया, “मेरे स्वर्गो दे विराजमान पिते तुसा हर एकी साथे ऐड़ा ई करना, जे तुसे आपणे पाईये खे आपणे दिलो ते माफ नि करोगे”