31. यीशु पाणिए पांदे चलोआ

पाँज हजार लोका खे रोटी खल़वाणे ते बाद, यीशुए आपणे चेलेया ते किस्तिया दे जाणे खे बोलेया तिने तिनाखे पाणिए री चीला रे दुजीया तरफा खे जाणे खे बोलेया जेबे कि से थोड़ी जी देर ओर रूकीगा पर चेले चलीगे ओर यीशुए पीड़ा खे पेजी ला ताकि सेयो आपणे कअरो खे जाओ इजी ते बाद, यीशु प्रार्थना करने खे एकी पाह्ड़ो पांदे चली गा तेती से कला था, ओर तिने बऊत राती तक प्रार्थना किती

तेस बखते, चेले आपणिया किस्तिया खे लेई की जाणे लगी रे थे, पर अवा तिना रे खलाफ बड़े जोरे की चलेणे लगी री थी बऊत रात ऊई जाणे पांदे बी सेयो चीला रे बीचे ई पऊँची रे थे

तेस बखते यीशुए प्रार्थना करना खत्म कितेया ओर आपणे चेलेया रे नेड़े वापस जाणे लगे से किस्तिया रिया तरफा खे जाणे खे पाणिये पांदे चलणे लगेया

तेबे चेलेया से देखेया सेयो बऊत डरीगे कऊंकि तिने सोचेया था कि से कोई पूत ए यीशु जाणो था कि सेयो डरीगे थे, ईजी खे तिने आका पाई की बोलेया, “डरो नी ये आंऊ ई ये”

तेबे पतरसे यीशुए ते बोलेया, “ ओ प्रभु, अगर ये तु ए तो माखे पाणिये पाँदे चली की आपु नेड़े आऊणे री आज्ञा दे” यीशुए पतरसो ते बोलेया, “आईजा”

तेबे पतरस किस्तिया ते उतरी गा ओर यीशुए रे नेड़े जाई की पाणिए रिया परता पांदे चलणा शुरू करीता पर थोड़ी दूर जाई की, तिने आपणिया आखी खे यीशुए ते फेरी कि लईरा खे देखना ओर जोरे री अवा खे मसूस करना शुरू करी ता

तेबे पतरस डरीगा ओर पाणिये दे डूबणे लगेया से चिंगेया, ओ प्रभु माखे बचा” यीशुए तेस ई बखते आथ बढ़ाई की तेसखे पकड़ी ला तेबे तिने पतरसो ते बोलेया, “तेरा परोसा बऊत कम ए ताखे ठीक राखणे खे तै मां पांदे परोसा कंऊ नी कितेया?”

तेबे यीशु ओर पतरस किस्तिया पांदे चढ़ीगे, ओर तेबुई अवा रा चलणा बंद ऊईगा पाणी शान्त ऊईगा चेलेया हैरान ऊई की यीशुए रे आगे कुटणे टेकी ते तिने तेसरी अराधना किती ओर तेसते बोलेया, सच्चो खे ई तू परमेशरो रा पाऊए”