32. यीशु दुष्टात्मा ते ग्रस्त आदमीए खे ओर एक बमार जवाणसा खे ठीक करो आ

यीशु ओर तेसरे चेले आपणिया किस्तिया ते तेते जगा खे गए जेती गिरासेनी लोक रओ थे सेयो तेसा जगा दे पऊंची की किस्तिया ते उतरी गे

तेती एक आदमी था जो दुष्टात्मा ते ग्रस्त था

ये आदमी इतणे जोरो वाल़ा था कि कोई बी तेसखे काबु नि करी सको था कई बार लोके तेसरे आथ ओर पैर सांगल़ा ते बी बाने, पर से तिना खे तोड़ी देओ था

से आदमी तेसा जगा दे कब्रा दे रया करो था से आदमी सारा दिन ओर सारी रात चिंगेया करो था से टाल्ले नी पईनो था ओर आपु खे पत्थरा साथे काईल करेया करो था

से आदमी दौड़ी की यीशुए रे नेड़े आया ओर तेसरे सामणे कुटणे टेकी ते तेबे यीशुए तेस आदमीए रे बदले दुष्टात्मा ते गल किती ओर बोलेया, “ऐस आदमीए ते बार निकल़ी की आईजा”

से दुष्टातमा जोरे की चिंगी, “ओ यीशु, परम प्रधान परमेशरो रे पाऊ, तेरा मां साथे क्या काम?किरपा करी कि माखे नी सता” तेबे यीशुए तेसा दुष्टात्मा ते पुछेया, “तेरा नाओं क्या ए?” तिने उतर दितेया, “मेरा नाओं सेना ए, कऊंकि आसे बऊत ए” (रोमी सेना दे कई ह्जार सैनिका रा एक चुड एक “सेना” ओ थी)

तिने दुष्टातमें यीशुए ते प्रार्थना किती, “किरपा करी की आसा खे ऐते जगा ते बारे नी पेज” तेती नेड़े जे पाह्ड़ो पांदे सुंरा रा एक चुंड़ चरेया करो था ईजी खे तिने दुष्टात्में यीशुए ते प्रार्थना किती, “की आसा खे तिना सुंरो बीचे पेजी दे” यीशुए बोलेया, “ठीक आ, तिना दे चली जाओ”

तेबे से दुष्टात्मा तेस आदमिये ते निकल़ी की तिना सुंरा दे चली गिया सेयो सूंर दौड़ी की एक खड़े टीले पांदा ते से चीला दे ल्वाल़ देई ती ओर डूबी की मरीगे तेस चुडो दे कम से कम 2,000 सूंर थे

तेती सुंरा री देखपाल़ करने वाल़े लोक थे जो कुछ ऊआ था जेबे तिने देखेया तेबे सेयो शईरो दे नठीगे यीशुए जो करी राखेया था तेती तिने सबी खे बोलेया तेस शईरो रे लोक निकल़ी की आये ओर तेस आदमिए खे देखेया जेस दे दुष्टात्मा थी से शान्तिया दे, कपड़े पईनेरे, ओर एक ठीक आदमिये जेड़ा बरताव करदा ऊआ बैठेया रा था

सेयो लोक बऊत डरे रे थे ओर तिने यीशुए ते जाणे खे बोलेया तेबे यीशु किस्तिया पांदे चढ़ीगा से आदमी जेसदे दुष्टात्मा थी तिने यीशुए साथे जाणे री प्रार्थना किती

पर यीशुए तेसते बोलेया, “ना आऊं चाऊंआ कि तू कअरे जाई कि सबी खे बोल कि परमेशरे तेरिया तंई क्या कितेया तिनाखे बोल कि परमेशरे तां पांदे दया किती थी”

ईजी खे से आदमी चली गा ओर सबी खे ऐते रे बारे दे दसेया जो यीशुए तेसरिया तंई कितेया था तेसरी कआणीयां खे सुणने वाल़ा हर एक जन हैरान ऊआ था

यीशु चिला रिया दुजिया तरफा खे वापस आया तेसरे तेती पऊंचणे ते बाद, एक बडी पीड़ तेसरे नेड़े तेड़े कट्ठी ऊई तेसखे दबाणे लगी तेसा पीड़ा दे एक जवाणस थी जो बारह साला ते खून बईणे रिया बमारिया ते पीड़ित थी तेसे आपणा सारा तन डाक्टरा खे देईता था ताकि सेयो तेसाखे ठीक करी सको, पर तेसारी बमारी ओर बी बिगड़ी गई थी

तेसे सुणेया था कि यीशुए कई बमार लोका खे ठीक कितेया था ओर तेसे सोचेया, “मांखे तसल्ली ए की जे आंऊ यीशुए रे टाल्ले खे ई छूई लू, तेबे आऊ बी ठीक ऊई जाणी” ईजी खे से यीशुए गे पीछा ते आई ओर तेसरे टाल्ले खे छूई ला जियां ई तेसे तेसखे छुआ, खुनो रा बईणा बंद ऊई गा

तेबु ई, यीशुए जाणी ला कि तेसते सामर्थ निकल़ी ए ईजी खे तिने पीछे मुड़ी की पुछेया, “माखे किने छुएया?” चेलेया उतर दितेया, “ऐती इतने सारे लोक ए तेरे चऊं कनारे पीड़ लगाई राखी ए, ओर ताखे ताका देया करोए तेबे तुसे कंऊ पुछेया कि आऊँ किने छुएआ?”

से जवाणस यीशुए रे सामणे कांबदी ऊई ओर बऊत डरी री आपणे कुटणे पांदे बैठी गी तेबे तेसे तेसखे बोली ता कि तेसे क्या कितेया ए, ओर ये बी कि से ठीक ऊई गी ए यीशुए तेसाते बोलेया, “तेरे विश्वासे तूँ ठीक करी राखी ए शान्तिया दे जा”