33. एक जिमींदारो री कआणी

एक दिन, यीशु झीला रे कनारे था से लोका रिया एक बऊत बडीया पीड़ा खे शिक्षा देया करो था तेसखे सुणने रिया तंई इतणे सारे लोक आए कि यीशुए रे नेड़े तिना सबी ते गल करने खे जगा नी बची ईजी खे से पाणिये दे खड़ीया किश्तिया पांदे चढ़ी गा तेती से बेईठी गा ओर लोका खे शिक्षा दिती

यीशुए तिना खे ये काअणी सुणाई, “एक जिमींदार बिऊ बाणे खे बारे निकल़ेया जेबे से आथो ते बिऊए खे बाया करो था तेबे कुछ बिऊ बाटा दे पड़े पर पंछिये आई की तिना सबी बीजा खे खाई ला”

“दूजे बिऊ पात्थरा वाल़िया जमीना पांदे पड़े जेती बऊत कम माटी थी पात्थरा वाल़िया जमीना पांदे पड़े रे बीऊ बऊत छोड़ लुंगी गे, पर तिना रिया जड़ा जमिना बीचे डुगिया नि गईया जेबे सूरज निकल़ेया ओर गर्मी ऊई तेबे सेयो पौधे मुरजाई की मरी गे”

तेबे दुजे बिऊ बाड़ो बीचे पड़े तिने बिऊए बदणा शुरू कितेया, पर काड़ेया से दबाईते ईजी खे काड़ेया वाल़िया जमीना पांदे पड़े रे बिऊआ खे जगा नी मिली ओर सेयो बी दबी की नाश ऊईगे”

“दुजे बिऊ ठीक जमीना पांदे पड़े सेयो बीऊ बड़े ओर जितणे बीऊ बाए थे तिना बीचा ते 30,60, ओर येथो तक की ए 100 गुणा अन पैदा कितेया जो कोई बी परमेशरो रे पीछे चलणा चाओआ, से तेसा गला पांदे त्यान देओ जो आऊ बोलणे लगी रा”

ऐसे काअणीए चेलेया खे उलझणा दे पाई ता ईजी खे यीशुए सेयो समझयाए की, “से बीऊ परमेशरो रा वचन ए से बाट एक एड़ा आदमी ए जो परमेशरो रे वचनो खे सुणोआ पर तेसखे समझदा नी ए तेबे शौतान तेसरे नेड़े ते वचनो खे चोरी की लई जाओआ मतलब शौतान तेसखे वचनो खे समजणे ते दूर राखोआ”

से पात्थरा वाल़ी जमीन एड़ा आदमी ए जो परमेशरो रे वचनो खे सुणोआ ओर खुशिया साथे तेसखे मानी लओआ पर जेबे मुश्किल बखत आओआ, या जेबे ओर लोक तेसखे सताओए, तेबे से परमेशरो ते दूर चली जाओआ मतलब से परमेशरो पांदे परोसा करना बंद करी देओआ”

“से काड़ेया वाल़ी जमीन एड़ा आदमीए जो परमशरो रे वचनो खे सुणोआ पर से बऊत सारी गला रे बारे दे फिकर करना शुरू करी देओआ, ओर से बऊत सारा तअन कमाणे री कोशिश करोआ, ओर से बऊत सारीया चीजा खे पाणे री कोशिश करोआ कुछ बखतो ते बाद, ऐबे से परमेशरो खे प्यार करने जोगा निए ईजी खे जो तिने परमेशरो रे वचनो ते सीखेया था से तेसखे परमेशरो खे खुश करने जोगा निए से कणका रे डंठलो जेड़ा ए जो कोई भी अन पैदा नी करदी”

“पर अच्छी जमीन से आदमी ए जो परमेशरो रे वचनो खे सुणोआ, तेस पांदे परोसा करोआ, ओर फल पैदा करोआ”