25. शैतान यीशुए परीक्षा करो

यीशुआ बपतिस्मा होंणै का तुरन्त बाद ही, पवित्र आत्मै स बौणा लै निंया। यीशु तिंधे चाड़ी धैड़ै चाड़ी रैचे थिया। तेस समै तिनी ब्रत किया, होर शैतानै यीशु गोलै आछेकेरे पाप करवाणै कठै तेसरे परीक्षा लौए।

पैहलै शैतानै यीशु का बोला, “जै तू परमेश्वरा शोरो आसी तै इना पात्थरा रोटी बणाए दे ताकि तू खाए सको!”

पर यीशुए शैताना का बोला, “परमेश्वरै वचना दे एड़ा लिखादा आसी, ‘जिंओदै रौहणै कठै मंणछा लै सिर्फ रोटिऐ जरूरत नी आथी, पर तिन्हा लै हरेक तैसा गलै जरूरत आसी जुण परमेश्वर तिन्हा का बोलो!”

तिंया शैतानै यीशु मंदरै सभी का उछटै टीले लै निंया। तिनी तेसका बोला, “जै तू परमेश्वरा शोरो आसी तै इंधा का हेठा लै छाड़ बाह, किलैकि लिखादा आसी, ‘परमेश्वरा ता चकणै कठै आपणै स्वर्गदूता लै आज्ञा दैणे ताकि तैरै पैरा लै पात्थरा केरे ठोढ़ नी लागो।’”

पर यीशुए तेड़ा नी कि जेड़ा शैतानै तेसलै करणै लै बोला थिया। एतै बजाए, तिनी बोला, “परमेश्वर हरेकी का बोलो, ‘तू प्रभु आपणै परमेश्वरै परीक्षा नी करी।’”

तेखा शैतानै तेसलै संसारै सारै राज्य दसै। तिनी तेसलै दसा कि सिंयो केत्रै शक्त्तिशाली थियै, होए केत्रै अमीर थियै। तिनी यीशु का बोला, “मूं तालै ए सभ दैणा जै तू घुटनै टेकेकेरे मेरे आराधना करो।”

यीशुऐ जवाब दैया, “ओ शैताना, मूं गो का जा! परमेश्वरै वचना दे स लोगा लै आदेश दैयो, ‘सिधे आपणै प्रभु परमेश्वरै आराधना करो। परमेश्वर सिर्फ तेसरा ही आदर करो।’”

यीशु शैतानै परीक्षा दे नी पड़ी, तै शैतान तेस गो का डे गोआ। तिंया स्वर्गदूत आछेकेरे तेसरे सेवा टहल करदै लागै।