29. निर्दयी दासे कथा

एकी धैड़ै, पतरसै यीशु का पूछा, “ओ स्वामीआ, जिंया मेरा भाए मेरे खिलाफ पाप करो, तै मूं आपणा भाए केतरी बारी माफ़ करणा चाहिए? किजै साता बारी तिक?’’ यीशुए बोला, “साता बारी नी, पर सतत्तर बारी!” एतै जरियै, यीशुआ मतलब ए था कि कि हामा सदा दूजै लोग माफ़ करणै चाहिये। तियां यीशुए ए कथा दसे।

यीशए बोला, “परमेश्वरा राज्य एकी राजै सैंई आसी जुण आपणै दासा का हिसाब लोंणा चाहो थिया। तेसरा एक दास हैन ज्यादै ढब्ब़ैया ऋणदार थिया।’’

पर स दास आपणा ऋण वापस नी करे सका, एतिकठै राजै बोला, “एसरा ऋण वापस करणै कठै एस मर्दा होर एसरै परिवारा गुलामै रूपा दे बेचे दैयो।’’

“तिनी दासै राजै सामनै घुटनै बल पड़ैकेरे बोला, ‘मेहरबानी करेकेरे मूं गैश रैहम कर, होर मूं आपणी पूरी रकमा ऋण वापस दैये हेरणा।‘ राजै दासा गैश दया किये, एतीकठै तिनी तेसरा सारा ऋण माफ़ करे दैया होर स जांणे दैया।’’

“पर जिंया स दास राजैया गो का बाहरा लै डेया, तै तेसलै तेसरा एक साथे दास मिड़ा जुण तेसरै थोड़ै जै ढब्बैया ऋणदार थिया। तिनी दासै आपणा साथे दास गौड़ा का पाकड़ा होर बोला, ‘जुण ता गैश मेरा ऋण आसी तेस वापस दै!’’

“तिनी साथी दासै घुटनै दे पड़ैकेरे बोला, ‘मेहरबानी करेकेरे मूं गैश रैहम कर, होर मूं आपणै ऋणै पूरे रकम वापस दैये हेरणे।’ पर एती बजाय, तिनी दासै आपणा साथे दास जेला दे पाए दैया जिंया तिक कि तेस ऋणा वापस नी करे दैयो।’’

कुछ होरी दासै जुण किछ होआ थिया तेस हेरेकेरे हैन परेशान होए गोए। सिंयो राजै गोलै डेयै होर तेसका सब किछ बोला।’’

“राजै तेस दासा शादेकेरे तेसलै बोला, ‘ओ दुष्ट दासा! मौं तेरा ऋण एतिकठै माफ़ किया था किलैकि तौं मुखा अर्ज किये थे। ता भी एड़ा ही करणा चाहिये थिया।’ तै राजा एतरै गुस्सै होआ कि तिनी स दुष्ट दास जेला दे पा कि जिंया तिक स आपणै सभ ऋणा वापस नी करे दैओ।’’

तियां यीशुए बोला, “स्वर्गीय पिता तुम्हा मैंझा का हर एकी सागे एड़ा ही करणा “जै तुम्है आपणै भाई आपणै दिला का माफ नी करुँग, तै मेरे स्वर्गीय पिता तुम्हा मेंझा का हर एकी सागै एड़ा ही करणा।’’