34. यीशु होरी कथै शिक्षा दैयो

यीशुए परमेश्वरै राज्य बारै दे होर हैन सारी कथा शुणाई। उदाहरणै कठै, तिनी बोला, “परमेश्वरा राज्य एक शेरुए दांणै सैंही आसी जुण कसियै आपणै खेचा दे बौए दैया। तुम्है जैणो की शेरुआ बेजा सभी बेजै मेंझ सभी का माठा हो।”

“पर जिंया शेरुआ बेजा बढ़े जाओ तै स बगीचै सारै डाड़ा मेंझ सभी का बड़ा होए जाओ। स ऐतरा बड़ा होए जाओ कि पंछी आछेकेरे तेती शांणे गैश आराम करो।’’

यीशुए एक होर कथा दसे, “परमेश्वरा राज्य सजेड़ै सैंई आसी। जस लौयेकेरे एक बेटड़े आटै मेंझ मुछो तै स सारै आटै दे फैले जाओ।’’

“स्वर्गा राज्य तेस खाजानै सैंही आसी जुण कुणी खेचा दे लकोये दैया। कस होरी मंणछा लै स खजाना मिड़े गोआ होर तिनी तेस हासल करणै हैन इछा किये। एतिकठै तिनी स भी दाबे दैया। स ऐतरा खुशी होआ कि तिनी जायेकेरे आपणा सब किछ बेचे दैया ताकि स तेस खेचा खरीदै सको जिंदे स खजाना थिया।’’

“स्वर्गा राज्य एक हैन मैंहगै शुचै मोती सैंही भी आसी। जिंया कोए मोतिया ब्यापारै तेस पाए लओ तै स तेस खरीदणै कठै आपणा सब किछ बेचे दैयो।’’

तिंदे एखो लोग थिए जुण सोचो थिये कि परमेश्वरा सिंयो एतै कठै अपनांणै किलैकि सिंयो भलै काम करदै लागैदै। इंयो लोग एड़ै लोगा तुच्छ मनौ थिए जुण तिन्हा भलै कामा नी करदै थिए। एतिकठै यीशुए तिन्हा लै ए कथा दसे: “दूए मर्द थे होर दूए ही प्रार्थना करदै मंदरा लै डेयै। तिन्हा मेंझा का एक कर लौंणै आड़ा थिया, होर दूजा एक धार्मिक अगुवा थिया।’’

“तिनी धार्मिक अगुवै एड़ेकेरे प्रार्थना किये, ‘ओ परमेश्वरा, तेरा धन्यावाद हो कि हाँ होरी लोगा सैंई पापे नी आथी-जेड़ै की डाको, अन्यायी मंणछ, ब्यभीचारी, या इंदा तिक कि इंदे हाजर तेस कर लौंणै आड़ै सैंई एक पापे नी आथी।”

जेड़ा कि, हाँ हर हफ्तै दै दुई बारी ब्रत डाओ, होर हाँ मूलै मिड़णै आड़ै धना होर समाना दसवा हिस्सा तालै दैयो।”

“पर स कर लौंणै आड़ा मंणछ तेस धार्मिक अगुवै का हैन दूर खड़ूए गोआ। तिनी उबै सर्गा बालै आखै भी नी करी, एताका बजाय, तिनी आपणी मुठै केरे हीका लै बाए होर प्रार्थना किये, ‘ओ परमेश्वरा, कृपा करेकेरे मूं गैश रैहम कर किलैकि हाँ एक पापे आसी।’”

तेखा यीशुए बोला, “हाँ तुम्हा का सच बोलो, परमेश्वरै तेस कर लौंणै आड़ै प्रार्थना शुणे होर स धर्मे घोषित किया। पर तिनी तेस धार्मिक अगुवै प्रार्थना पसंद नी की। एतिकठै परमेश्वरा हर एक जुण घमंणडी आसी, तिन्हा नरादर करणा, पर तेस हर तेस मंणछा लै आदर दैंणा जुण आपु लै दीन करो।’’