10. मिस्र देशे लोगा लै पड़ी दस आफतै
परमेश्वरे मुसा अज़ौ हारूना लै चेताऊओ कि फिरौन ऐबे हठ्ठी बणां। ज़ैबी सें फिरौने बिलै भागे तेखो तिन्नैं फिरौना लै बोलो, “इस्राएलेयो परमेश्वर एणों बोला,‘ कि मेरे लोगा लै इदा कै पौरे छाढ़!’” पर इस्राएली लै भागणां लै आज़ाद करने ज़ागा दी तैवुये तिन्ना कै अज़ौ बी काठ्ठै काम करना लै मज़बूर कियो।
फिरौने तिन्ना लोगा लै आज़ाद करना लै कबलो ही मना करद रह, तैई परमेश्वरे मिस्र देशा दी दस आफतै भेज़ी। इन्ना आफता कै, परमेश्वरे फिरौना लै खज़ौ कि परमेश्वर फिरौन अज़ौ मिस्र देशे सारै देबते कै खास्सो ताकतवर आ।
परमेश्वरे नील दरियाव खून्नु दी बदलो, पर फिर बी फिरौने ऐबी बी इस्राएली लोग आज़ाद ना किये।
परमेश्वरे सारै मिस्र देशा दी मिंढकै भेज़े। फिरौने मिंढकै दूर करना लै बिन्नते कीये। पर सोबी मिंढके मरने बाद बी, फिरौने आपणों मान काठ्ठो कियो अज़ौ बी इस्राएली लोगा, मिस्रा देशा कै बैहरे निखड़ने ना देने।
तैई परमेश्वरे पिरशुये आफत भेज़ै। तेथा बाद तैवुये ऊढ़णैं वाड़ै कीड़े आफत भेज़ी। फिरौने मूसा अज़ौ हारून बेदै अज़ौ तिन्ना लै बोलो कि ज़ै स ऐया आफता लै रोका तैई इस्राएली लोग मिस्रा छाढ़ीओ भागी सका। ज़ैबी मूसे प्रार्थना कीये परमेश्वरे ऊढ़णैं वाड़े कीड़ेओ टोली हटाऊवे। पर फिरौने आपण मन काठ्ठ कियो अज़ौ बी सें आज़ाद हुय भागणें ना देने।
एथा बाद, परमेश्वरे मिस्रीये सब धाच्णैं वाड़ै ज़ानबर बमार पाइयो मरने देने, पर फिरौन मन काठ्ठ गेय त हये अज़ौ तैई तैवुये इस्राएली लोग आज़ाद ना किये।
तेखो परमेश्वरे मूसा लै फिरौना आगे हावा दी छार फैंकणां लै बोलो। ज़ैबी तैवुये ऐणों कियो तेबी मिस्रीये खाला दी दुखंणैं वाड़ै फौहड़े निखड़े, पर इस्राएली लै कुछ बी ना हुओ। परमेश्वरे फिरौनो मन काठ्ठ कियो, अज़ौ तैवुये इस्राएली लोग आज़ाद हई करे भागणैं ना दैने।
एथा बाद ,परमेश्वरे शौरू आणैं अज़ौ मिस्री लोगे ज्यादातर फसल नाश कीये अज़ौ ज़ुंण बी बैहरे निखड़ो सें सब मुंये। फिरौने मूसा अज़ौ हारून बेदै अज़ौ तिन्ना लै बोलो, “मेरे पाप कियो। तुम्हैं लोग भागे सका।” तेखो मूसे प्रार्थना कीये, अज़ौ शौरू पढ़नो बंद हुओ।
पर फिरौन फैर पाप कियो अज़ौ आपणैं मना लै काठ्ठ कियो। तैवुये इस्राएली लोग आज़ाद हयेअ भागणैं ना देने।
तैई परमेश्वरे मिस्र देशा दी टिड्डे टोली आणीं। इन्ना टिड्डै सारी फसल खाई ज़ुंण शोरूये नाश किये दै तै।
तेखो परमेश्वरे न्हैरो कियो, ज़ुंण चन्ना दिना तैईं रहो। एतरो काड़ो न्हैर कि मिस्र लोग घरा कै बैहरे बी ना निखड़े सके। पर ज़िदे इस्राएली लोग रआ तै तिदे प्रैशो त।
इन्ना नौआ आफता बाद बी, पर फिरौन इस्राएली लोगा लै आज़ाद करने कै मुखरूओ। किल्हैकि फिरौने ना शुंणों तैई परमेश्वरे एक आखरी आफत भेज़णैं तरकीब बड़ाऊवे। एथा कै फिरौनो मन बदलने वाड़ो त।
निखड़न पाठ 5-10 बाइबले एक कांड़ै
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।