6. परमेश्वरे इसहाका लै इन्तज़ाम कीयो

यह कहानी सुनें ऑडियो फ़ाइल · 2.0 MB

इस रिकॉर्डिंग के शब्द नीचे Rampuri Busheri में दिए गए हैं।

6. परमेश्वरे इसहाका लै इन्तज़ाम कीयो — चित्र 1

ज़ैबी अब्राहम बुढ़ो गेय त हये, तेबी तैवो भाऊ, इसहाक एक ज़बान मर्द गेय त बणीं। तैईं अब्राहमे आपणैं नौकरा लै आपणैं भाऊ इसहाका लै तैवु देशा लै ज़िधै तैवुये रिश्तेदार रआ तै, तैवु देशा कै लाड़ी आणना लै भेज़ौ।

6. परमेश्वरे इसहाका लै इन्तज़ाम कीयो — चित्र 2

एकी लाम्बै सफरा बाद, अब्राहमो नौकर तैवु देशा दी पहुंचो, ज़िदे आब्राहमे रिश्तेदार रआ तै। परमेश्वरे तैवुये अगवाये कीये, रिबका कै मिलणां लै। स अब्राहमे भाईये पोतरै तै।

6. परमेश्वरे इसहाका लै इन्तज़ाम कीयो — चित्र 3

रिबका आपणैं टबरा लै छाढ़ेय अब्राहमे नौकरा सीथी, इसहाके घरा लै भगणां लै तैयार हुये। ज़ैणेंई रिबका पहुंचै, इसहाके तेया सीथी ब्याह कीयो।

6. परमेश्वरे इसहाका लै इन्तज़ाम कीयो — चित्र 4

खास्सी बर्षा बाद, अब्राहम मरो। तेखो परमेश्वरे अब्राहमे भाऊ इसहाका लै बर्गत देने, किल्हैकि परमेश्वरे अब्राहमां सीथी वाचा ती बानी दै। तेया वाचा दी परमेश्वरे ज़ौ सोह तै खाई दै कि अब्राहमे ज़ैती गिणें ना सका तैती वंश हंणें। पर इसहाके लाड़े रिबके लवाद पैदा ना हुये।

6. परमेश्वरे इसहाका लै इन्तज़ाम कीयो — चित्र 5

इसहाके रिबका लै प्रार्थना कीये, अज़ौ परमेश्वरे तेया लै ज़ुड़वा भाऊ हंणैं ताकत देने। ज़ैऊ वक्ता दी सें ज़ुड़वा भाऊ रिबके पेटा दी तै सें आप्पू मांझी लड़दे लागे, तै ही रिबके परमेश्वरा कै पुछो कि ज़ौ खै हन्दो लाग द ।

6. परमेश्वरे इसहाका लै इन्तज़ाम कीयो — चित्र 6

परमेश्वरे रिबका लै बोलो, “कि तौखे दी भाऊ पैदा हंणैं। तिन्नै वंश अलग अलग ज़ाती बणां। सें एकी दुज़ै सीथी लड़ीया। पर बड़े भाऊ कै हंणैं वाड़ै ज़ाते लै होछने भाऊये कै हंणैं वाड़ै ज़ातेय हुकम मानणों ज़ा।”

6. परमेश्वरे इसहाका लै इन्तज़ाम कीयो — चित्र 7

ज़ैबी रिबकै सकौड़ लागे तेयो बड़ो भाऊ लाल अज़ौ झुशलो त, तिन्नै तैवु नांव एसाव थोओ। तैबी होछन भाऊ एसावे फेनै पाकढ़ेय पैदा हुओ, अज़ौ तिन्नै तैवु नवो याकूब थोओ।

उत्पत्ति पाठ 24:1-25:26 कै बाइबले एक कांड़ै

रीडर में पढ़ें

खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।